{.. البــْــٍـــُـاأإرتٍ 10



*//~ و ين أروح ؟ بعد ما ضاقت بي الدنيـا بدونك .. و ين بـ اهرب من طيفك ؟علميني .. !! أي أرض بـ تحتضنـّي بـ كل مابي من جروح .. !! صدقيني .. !! كل / حزن الكون / و أكثر صار فيني .. كل / هموم الناس / و أكثر تعتريني ...]



فبيت أبو سعود ..

حميد فغرفته سرحان .. كان حاس ان الدنيا ضاقت به .. لا يقدر يرد لرفيق صبه علي ولا يقدر يكسب حب حياته الهام .. احتار بس مالقى غير انه يفكر فالهام اللي شغلت حياته وسلبته [ اه يا الهام .. انتي شوو ؟! ما جذبوا اهلج يوم سموج الهام !! اسم على مسمى .. يا ربي صبرني على فرقاها يا رب .. يا رب وعساها تكون من نصيبي .. اااه يا قلبي عليج .. عل كثرالبنات محد عرفلي غيرج محد قدر يهز مشاعري غيرج .. كلمة الحب عندي ما تنطبق الا عليج لاني ما عرفتها الا من حبج .. ااه شقول ولا شقول !! انا لازم اشوف حل .. انا لازم اوصللها .. لين متى بتم جي يالس فمكاني اتريا الاخبار اتيني !!!! ] وعلى هالحال تم حميد يفكر لين قرر انه يتوجه لاخته الريم ..

وفغرفة الريم وبعد ما طق الباب

الريم : ما ابي غدى ..

حميد ( اطاع هاي كل همها فبطنها ) : ريموو فجي الباب انا حميد .. برمسج !!

الريم : المفتاح ظايع ..!!

حميد : مشكله بعد اللي يحاولون يظحكون .. أ..أأأ ( وبعد ما تذكر مصلحته ) قصدي ههههه وايد ظحكتيني فديت روحج ممكن تفتحين الباب ..

الريم ( بعد ما فتحت الباب ) : نعم ؟!! خير ؟!! شو عندك ؟!!

حميد : وافدييييييت اختي الحنونه .. ياخي ماادري ليش جي انتي وايد زينه .. تدرين ان ما شفتج يوم واحد احس اني فاقد شي بحياتي ..

الريم : يا ربيييييييييي .. ماتعرف تقردن .. لا تحاول .. يالله يالله الزببده ؟!!

حميد : ريموو .. هممم الصراحه انا ابي اسألج عن الهامي .!! دخيلج دقيلها طمنيني عليها ..

الريم ( بكل برود ) : البنيه فالمستشفى والحين يالله مع السلامه >> طااااااخ ( سكرت الباب على ويهه )

حميد هني ما قدر ايود عمره من الصدمه !! فالمستشفى !! وانا واقف جـــــــي ؟!! ياربي شسوييا رب .. استغفر الله .. كله مني.. انا السبب ..

وتم حميد يفكرويفكر وفجأة خطرت عباله فكره : لقيتها مالي غيرها ..
وعلى طول خذ مبايله وتم يدور فاللسته لين لقا رقم باسم عليا وبعد ما دق : الووه .. مرحبااا ..

عليا : هلا يوبه .. مراحب .. اشحالك حميد ؟! وينك مالك حس ولا خبر !!

حميد : والله تعرفين بعد مشاغل الدنيا .. المهم انتي طمنيني عليج شخبارج ؟!

عليا : الحمدلله كل شي زين ..

حميد : علاايه .. فديتج بغيتج فخدمه ..

عليا : آآآآآآمر .. كم حميد عندنا ؟!!

حميد : تسلمين والله .. انزين انا لازم اشوفج !!

عليا : بس !!!

حميد : لا بس ولا شي .. صدقيني والله بس برمسج .. طلب ظروري ..

عليا ( استانست) : اوكي .. وين ؟!


..
..
*//~ إيه أحبك حبـ محدٍ فيـ زمآنـ العشقـ شآفهـ حبـ صآدقـ منـ فؤآدٍ آنقسمـ بينكـ وبينيـ ...]





من صوب صقر بعد ما وصل عمته ومرته البيت سار بيتهم واول شي سواه اتصل فشوق
صقر ( ويشل بصوته العذب ) : مرحبااا الساااع بنظر عيني وقلبي هلاا

شوق : هههه هلا صقر

صقر : مبروك علينا يا احلى واغلى شوق فالدنيا .. ويالله عساني اسعدج

شوق ( قافطه ) : سعادتي ما تكتمل الا بقربك

صقر : فديتج والله .. احبج .. احبج .. احبج .. يالله ابي اشووفج ..

شوق : خخخخ باسم الله عليك .. توك شايفني ..

صقر : كيفي .. مرتي وانا حر .. عاد انا ما يخصني .. الحين ابا اظه وياج .. تعالي بعزمج ع مطعم يديد من كمن يوم فاتحينه

شوق : خخخ خلاص خلها مره ثانيه ان شاءالله .. الحين خلنا نرتب الشنط وجي حق السفر ..

صقر : يا ربي من هالسفر .. بس اسمعيني زين .. ترا انا وانتي بروحنا هناك ها .. ما يخصنا فيهم ..

شوق ( متلوومه ) : خخخ يصير خير ..

صقر : شوقي ..

شوق : لبيه ..

صقر : لبااج قلبي يا بعد قلبي

شوق : ههه انزين وبعدين ..

صقر : احبج .....


..
..


فالمستشفى

الهام كانت فسابع نومه .. اما مهرة فهيكانت يالسه حذالها وتتأملها بكل هدوء .... يحليلج والله يا الهام .. ما تستاهلين .. ااخ بس اموت واعرف شو اللي وصلها هني ؟!! وتمت على نفس الطريقه تتأملها وهيتلعب بشعرها .. لين بدت الهام تفتح عينها وبكل هدوء
واول شي قالته : مـ ـ ـ ـ ـ ـ ـ ـاأ‘إاي

مهره ( تمت تشربها ) : باسم الله عليج حبيبتي .. ها.. اشربي ..

الهام وبعد ما بعدت ايد مهره عنها اللي كانت تشربها الماي .. وردت وخت شوي .. وجنها غفلت مره ثانيه ..

..
..

فستار بوكس

حميد : اسمعيني يا عليا .. الحين كل اللي عليج انج تسيريلها المستشفى .. وهناك اباج توصليلها هالباقه .. بس اباج تطلبين منها الرد على اللي فالكرت وخلاص

عليا ( وهي تكتم غيظها ) : افا عليك يا حميد .. ما طلبت شي .. انا عيوني لك يالغالي ( قالتها بكل حقد ) المهم يالله عيل بروحلها الحين .. عشان كما اتأخر بعد ..

حميد : اوكي .. من تطلعين تدقيلي اوكي ..

عليا : يصير خير .. يالله ججاااااااو

راحت عليا عن حميد والحقد مالي قلبها على الهام ..... معقوله قدرت عليه بهالسهوله ؟!! وبعدين من تكون هالالهام !! لا لا ما اظن احلى عني .. بس لييييش ؟!! ليش يا حميد .. وانا اللي احبك كل هالسنين والله حرام عليك .. والله حرام .. بس ما عليه .. انا براويك .. مب انا اللي احبك من متى ؟!! واتي هاي اللي ما ادري شسمها .. الهام اونه !! وتاخذك عني بكل سهوووله .. ما عليه يالهام .. ماعليه .. حميد لي انا .. انا وبـــــــــــــس
وبعد ما ركبت سيارتها .. تمت تسوق وبالها بعييد : يا ربي .. شو ممكن يكون كاتب فالكرت ؟!! اخ .. خلني افتحه واشوووف ..... لا لا يا عليا .. مو انتي اللي تتدخلين .. بس.. أ.أأ.أ. بس انا لازم اعرف .. هي لازم اعرف .. ( وبعد ما فتحت الكرت وتمت تقرا )

..
..

الهامي ..

فديت روحج حبي .. ما تشوفين شر ان شاءالله ..
انا اااسف على كل اللي صار .. ادري اني السبب ..
بس والله مو بيدي ..وحبيت ابلغج اني بسافر ..
وان شاءالله اول ما ارد بخطبج .. وغصبا عن اخوووج ..
الا اذا انتي ما تبيني هذا شي ثاني !!
..
..
لو طالت الغيبه
ترا لك بالحشا منزل
غلاك بذمتي ما
تخلفه غيبه ولاغربه

..

احبج مووووت صدقيني
[ عاشق إلهامهـ ]

..
..

عليا ( ودموعها خانتها ) : لييش ؟!! ليش هالزفته الهام بالذات ؟! شو اللي هي عندها وانا ما عندي .. !! انا لازم اشوفها !! لازم أأدبها هالالهام .. ( وردت تمت تتطالع الكرت .. ومن القهر تمت تقص الكرررت لقطع صغيره .. اما الباقه ففتحت الدريشه وفرتها وبكل كره ) انا براويييييج يالهام ..

..
..

مرت الدقايق ومرت بعدها الساعات وبسرعه البرق .. وفالليل كانت العايله كلها متيمعه فمطار دبي الدولي .. الكل كان مستانس الا حميد اللي كان متضايج وكاتم دموعه بالغصب وبعد ما ودعوا سعود وراحوا .. ركبوا الطياره .. وطبعا شوق وصقر كانو فصوب .. كانو فعالمهم الوردي الواسع .. صقر كان حاس ان حياتها توها بدت .. شوق هي بداية حياته .. وبفراقها نهاية حياته .. اما حميد كان حده معصب ومتضايج .. لدرجه ان ممكن يعصب على أي حد يتكلم وياه .. وكنه كان يتريا حد يسأله شو فيه عشان يطلع حرته كلها .. لين سأله محمد : أ..أأ.أأ. حميد شو فيك يا اخوك .. من يينا المطار وانت حالك ماهو بحال !!

حميد : اوووووف مافيني شي .. يعني حرام الواحد يتضايج .. اوووف .. الغلط مو منكم .. الغلط مني انااللي مسافر وياكم .. ولا انا شو ايلسني هني ..

محمد : ويع .. كليتني . مايسوى علي والله

حميد : يعني مب ناوي تسكت !! وانا من الصبح شو اقولك !! يعني افهم يا حمار وخلني بحالي ..

محمد ( عصب من حميد ) : حدددددك عاد .. احترم نفسك وخل عنك حركات المراهقين ..

حميد : محد مراهق غيرك يالـ .. (وماحس بروحه الا بطراق على ويهه ) أ.أ.أ.أأأ ابوي !!

ابو سعود : لعنبو دارك ما تحشم ولا تخيل !! ناوي تسويلنا مذبحه فالطياره !! صدق اني ما عرفت اربيك ..
وتم ابو سعود يتحرطم ويعصب على حميد اما حميد فغمض عيونه ولا سوالهم سالفه كان وده يهدهم ويرح عنهم .. كان وده يعق روحه من الطيارة .... يا ربي .. ليش محد يحس !! والله لو يشقون صدري ويشوفون بس اللي بداخلي .. قسم بالله بتدمع عينهم .. قسم بالله

الساعه 7:15 وصلت الطياره لمطار هيثرو .. وبعد ما نزلوا .. وخلصوا كل الاجراءات اللازمه .. توجهوا للندن الي تبعد عن المطار بساعه .. فراحولها بالقطار .. وبعد ما وصلو راحو لفندق الدورشيستر .. وهناك تقسموا .. وطبعا ام سعود وابو سعود فغرفه .. وام صقر ويعقوب فغرفه .. وام حمدان وابو حمدن فغرفه .. وحصه وفاطمه فغرفه .. والغرفه اللي مجابلتنهم كان فيها حمدان ويوسف .. ومحمد وحميد كانو فغرفه .. اما شوق وصقر فهم كانو فعالم ثاني .. والريم كانت فغرفة وكانت جواهر وياها .. واول شي سووه الكل بعد ما وصلوا الفندق اللي سار يتسبح واللي سار يرقد .. اما حميد .. فهو ما صدق اول ما وصلو سار اتسبح وبدل وظهر من الفندق .. وتوجه لالكوفي اللي تحت .. ومن هناك دق لعليا ..


عليا : هلا والله هلا ..

حميد ( بدون نفس ) : هلا عليا ..

عليا ( مستانسه ) : ها ماشاءالله .. متى وصلتوا ؟!

حميد : توه واصلين الفندق .. المهم ماشي اخبار مني مناك ؟!!

عليا ( يا ربي !! ها ما ينفع وياه شي .. بس انا اراويك ) : لا والله .. تصدق امس بعد دقيتلها .. وحاولت وياها .. بس ماشي فايده .. راسها يابس .. تقول ان في واحد ثاني فحياتها ..

حميد : اشوووووووووووووووووووه ؟!! واحد ثاني !! ومنو هالنذل !! منوووووه !!

عليا ( وبكل برود .. وحزن مصطنع ) : والله ما ادري يا حميد .. يالله .. الله يكون في عونك .. الصراحه ما تستاهل ..

حميد : اوووووووووف .. صدق انج متفيجه .. يالله باي ..  سكر على ويها

..
..

فبقعه من بقع الامارات وبالتحديد فدبي .. وفبيت ابو علي .. كانت الهام فغرفتها من بعد ما طلعت من المستشفى وكانت وياها مهره

الهام ( تصييح ) : والله حرام .. بعد كل اللي صار !! بعد كل المشاكل الي صارتلي بسبته يطلع يحب وحده ثانيه .. معقوله كل هالوقت كان يلعب علي .. زين لييييييييش ؟؟ ااه يا قلبي .. اكرهك يا حميد .. اكرررررررررررهك على كثر ما كنت احبك ..
مهره ( دمعت لحال الهام ) : الهام حرام عليج اللي تسوينه فروحج .. ارحمي عمرج .. والله ما يستاهل هالخايس ..

الهام : والله يا مهره ما اصيح من شي .. بس من القهر .. كيف طاوعه قلبه يسوي فيني جي ؟!! ااااخ .. يا حسرتي على عمري اللي ضيعته في حبه ..

مهرم : بس الهام بس .. قطعتي قلبي عليج .. والله ما يسوى عليج .. اللي يبيعج برخيص فديتج بيعيه بتراب .. واللي ما يبانا ما نباه فديتج ..
الهام (وهي تمسح دموعها ) : خلاص يا مهره مدام هذا كلامج .. انا لازم اخبر علي برايي الحين !!

مهره : برايج عن شوووووه ؟!!






كــــــــــــــــــــــــــــــــــــت

1.يا ترى شو اللي جلب حميد فجأة ؟!
2.وعلى شو بترد الهام ؟!!
3.وشوق وصقر شو ينتظرهم فحياتهم اليديده ؟!
4.وشو من الممكن يصير فلندن !!

تسلمين يالغالية ع الباارت الناايس

ونترقب الزوود منج

تسلمينـ ونتريـــــــــا
زودمنجـ.....
:30:لا تتحيرينـ علينا:30::30:

وسموحهـ

بصرااااااااااااااااااااااااااااااحه البااااااااااااااااااااااااإإإإإإإإإإإإإإإإإإإإإآآ آآآآآآآآآآآآآآآآآآآآآآرت روعه وطررررررررررررررررر
سخيفه كريــــــــــــه عليوه ليش جي تسويه:139.gif:
:30:لا تتأخرين علينا يالغاليه:30:

ناااااااااااااااااااااااااااااااااااااااااااايس
نترقب البارت 11 بفارق الصبرررررر