|
اقتباس:
[grade="0000ff 00008b c0c0c0 00bfff 800080"]تسلميييين عـ المرووور .. السمووحهـ ..[/grade] |
هل انته من مستخدمي هذا المبايل اذا نعم ما رايك به و اذا لاء ما رايك به ؟؟ لا ما استخدمه بس هو حلو الصراحة فيه وايد مميزات أسباب استخدام الفئات الشابه لهذا المبايل يعني في سن صغير و هو مب بحايه له ؟؟ يمكن شافوا الكل عنده هالتلفون ليش بعد ما يكون عندهم أين دور الأم و الأبو عنهم ؟؟ ولماذا يسمحون لهم باستخدام هذا المبايل ؟؟ اظني كل واحد عنده لاب و فون مافيها شي عالبلاك بيري انته شخصيا اذا اردت ان تستخدم او تشتري هالمبايل شو الغرض منه ؟؟ اسولف ويا ربيعاتي اغلب اللي يستخدمون البلاك بيري من هم في نظرك و ليش ؟؟ كل حد اليهال * الكبار* الشباب * البنات \ شي يديد نازل اكيد الكل يباه وبعدين فيه مواصفات حلوة ما رايك بشكل عام بالتيلفون هذا هل من مؤيدين استخدامه وإلا معارضين ؟؟ انا من مؤيدين استخدامه ويسلمووو عالطرح... |
البلاك بيري هالسنه ما شا الله ضارب سووقه هع ياخي كل ماطلعو شي جديد احتشرو عليه على أيام قبل يوم طلعو تلفون بكيمره نفس سالفه سوو وبعدين بلوتوث والحين بلاك بيري وبعدين مادري بلاك بيري فتره وبطيح كرته بعدين انا اشوف تلفون مافيه شي بس يعتمد عالشخص واستخدامه |
البلاك بيري توظيف للتقنية أم مجرد اقتناء للمظاهر؟؟ السؤال هذا لازم نسأل كل اللي في خاطرهم يشترونه أو خذوه بس عن نفسي لا أستخدمه لأنه شرات باقي الفونااات يعني شو اليديد فيه النت ولا ....!!! شو غير هذا ..؟؟ أنا بصرااحة أقولج وما تضحكين علي توني أعرفه أول مرة شفته في التلفزيون بالتحديد في إغنية راشد الماجد (منك منقهر) أختي قالت لي شوفي ترى هذا الفون اليديد وأسمه بلاك بيري ولا أنا ما عرفه والصرااحة راحة..؟؟ وربيعتي عقب يت عندي وقالت في خااطرها تشتريه ومستعدة تبيع اللي فوقها واللي تحتها عسب تاخذه يعني للمظااهر صح ولا ..؟؟!! يوم سألتها ليش البلاك بيري قالت عسب الفيس بوك عاد شو الفيس بوك ما عرف والله ..!!؟؟ سكت وعلامة الإستفهام على ويهي..؟؟ بس إنتشار الجهاز بهذا الشكل يدل على أنه مجرد موضة أو حب للمظاهر وهناك بعض من مستخدمي البلاك بيري لا يعرف المميزات التي يحتويها الجهاز ويقتنيه فقط من المظاهر وليس لأنه يعرف الإمكانات التي يوفرها الجهاز وبالنسبة لي فإن سعر الجهاز وخدماته يعتبر مبالغا فيه جدا.. هذا من وجهة نظري لأن الفون أخترعووه بس لأستقبال المكالمات ويالله للمسجات وللوسائط وأشياء غيرها أكيد كلكم تعرفونها فليش يعني هذا الفون .. تسلمين خيتو على الطرح المميز.. والله يستر على الجميع ويكفينا شر هذه الآفه أقصد الترف والمبالغة في المظاهر .. أختج الفقيرة إلى الله.. روحي بدوية.. |
تسلمين حبوبه ع الطرح الرائع هل انته من مستخدمي هذا المبايل اذا نعم ما رايك به و اذا لاء ما رايك به ؟؟ اممم لا انا هب من مستخدمينه ..رايي فيه ابصراحه انا ماجربته عشان اقوول رايي فيه فكرت اني اخذه بس ابا اعرف شوو سبب هالطيحه عليه جيه أسباب استخدام الفئات الشابه لهذا المبايل يعني في سن صغير و هو مب بحايه له ؟؟ اسباب الاستخدام السبب واضح النت والمسن اهم شي وسالفت هاي البن كوود وع فكره اخين الي يعرفله ولي مايعرفله عنده ع قولتهم عشان يكونون مطورين أين دور الأم و الأبو عنهم ؟؟ ولماذا يسمحون لهم باستخدام هذا المبايل ؟؟ يمكن اكثر الفأه الي يستخدمونها هم طلاب الجامعات فا شوو بيقوولون الاهل مب يهال عشان يمنعوونهم انته شخصيا اذا اردت ان تستخدم او تشتري هالمبايل شو الغرض منه ؟؟ ابصراحه انا افكر حالين اني اخذه بس مايكوون هو الفون الاساسي ودي بس اجربه اغلب اللي يستخدمون البلاك بيري من هم في نظرك و ليش ؟؟ سبق وقلت طلاب الجامعات وليش مووضه ع قولتهم وخقه منه سعره عادي مب غالي ما رايك بشكل عام بالتيلفون هذا هل من مؤيدين استخدامه وإلا معارضين ؟؟ عادي لا ايد ولا اعارض |
| الساعة الآن 09:04 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir