|
وروح حمداان كان يبى شي من ميثة كان البااب مبطل ونسا يدق الباب وشاف فطامي تحراها ميثة حمدان مسكها من ظهرها وزيغها : بووو فطامي فزت من مكانها : بسم الله الرحمان الرحيم ميثوه عن الاستهبال وسارت اونها تبى تضربها بس للاسف شافته حمداان تقفطت ومن القفطة حطت ايدها على ويهاا حمداان : هههههه احم وظهر برا وكان مستانس وظهرت ميثة من الحماام ميثة : خيبه شفيج فطامي فطامي : هااه لا لا ماشي ميثة : عيل والله تقولين فطامي : خبرتها السالفه ميثة : ههههه لا اونه ميثوه عن الاستهبال ههههههه فطاامي : جب جب فالحه تضحكين بس ميثة : اقوولج بيون اهل بوظبي اليوم فطامي : قولي والله ميثة : والله \\ بيكون وناسه اتصلي في امج قوليلهم ايون فطامي : اوك واتصلت في امهاا ام عيسى : هلا فطامي فطامي : اهلييين \\ اماية تعالو اهل بوظبي بيون اليوم ونحن مانعرف ام عيسى : انا ادريبهم الا جانج انتي ماتعرفين نحن امبونا تونا ظاهرين في الطريج فطامي : اهاا \ اوك يلا باي وبندت ميثة : هاه شو قالت فطامي : امبونهم ياين في الطريج ميثة : يلا قومي ننزل فطامي : يلا ونزلن كان الكل في الصاله حتى الشباب فطامي و ميثة : السلام عليكم الكل : عليييكم السلام سارن وقعدن وتمو يسولفون جان ادشون ابو عيسى - ام عيسى - عيسى – شمسة الي حدرو : السلام عليكم الكل : عليكم السلام ونشو كلهم وسلمو على بعض وسارو الريايل الميلس ابو سيف : شحاالكم ؟ ابو عيسى و عيسى : بخير ونعمه ومن جداك ابو سيف : يسركم الحال وتمو يسولفون وعند الحريم رن موبايل ميثة وظهرت ميثة برا البيت وسارت الخيمه ميثة : اقول ربيعتها : قولي ميثة : باي برمسج عقب قوم عمي يو ربيعتها : سي يا ميثة : بااي وبندت وتوها ميثة ناشه تبى تظهر جان يدش منصور الخيمه منصور : العين في غيبتك تغريك وغمزلها ميثة : الناس يسلمون انته داش على مسلمين ولا تحراني وحده من خياسك الي ترمسهن منصور : هههه اكرم انج مب منهن وظهر ميثة في خاطرها : لا بعد يعترف هع وظهرت ميثة : يا مرحا يا مرحبا نور البيت بوجودكم شواخ : مرحبتين الساع منور بأهله وسارت تسلم عليها وشواخ كانت شاله شنطت اللابتوب ميثة : لا والله وانا حالفه يبي عنج ثقيل عليج شواخ : هههههههههه لا لا عادي وهي تزاقر الخدامه الخدامة : سبر سبر سوي انتي مايسوف انا نزل سنته شواخ : عنلاتج لا بعد تصارخين وسارت ميثة وسلمت على ام سالم ودلتهن البيت و ابو سالم و سالم و منصور سارو الميلس حدرو وسلمو وقعدو تمو يسولفون ابو سيف : عيل مادام انه اجتمعنا شرايكم نسير العزبه ابو سالم : انا رايي من رايك شو تقول ابو عيسى ابو عيسى : زين الا بدون صدعة البنات وبنخلي وياهم الشباب ابو سيف : زين عيل بسير اخبر ام سيف ابو سيف : ام سيف ام سيف ام سيف : هاه الغالي يايتنك صبر وسارت له ابو سيف : خبري الحرمات بنسير العزبه اليوم الا بدون البنات بنخلي وياهم الشباب ام سيف : زين عيل بخبرهم ام سيف : الشياب يبونا انسير العزبه ميثة : الله وناااسه اوك ام سيف : لا لا انتن تمن وبنخلي وياكن الشباب ميثة : امايه لا نبى نسير ام سيف : هاي رمست ابوج ميثة : خلاص اوك والظهر عقب الغدا سارو العزبه ابو سيف - ام سيف - ابو عيسى - ام عيسى - ابو سالم - ام سالم والي تمو الشباب والبنات سارو الشباب الصاله عند البنات الشباب : بووووو البنات : سكنهم في مساكنهم بسم الله الرحمان الرحيم فطامي : اووف انا كل يوم تزيغوني حمدان : ههههههههههههه سيف : شرايكم نييب فلم ونطالعه الكل : اوكي سيف : عيسى تعال ويايه بنسير نيبه سالم : وانا مالي رب سيف : لالا انته ضيفنا مانبى نتعبك سالم : ههههه تعبك راحه منصور : اونك عاد حشيم سالم : ليش شو جايفني جدامك راشد : بل بل بل بس بس هدو هدو حمداان : كملو واتضاربو سوو اكشن شوي سالم كان يشرب جاهي حطه على الطاوله : تبى اكش ها ونش اونه يصربه حمداان : لا لا مب علي على منصور ميثة : وييي وييي يالخواااف حمداان شلها من الكرسي : يلا كلكم نشو ضربوها تقوليلي انا خواف ها ميثة نشت وربعت على الكرسي : اااااااااااااااااااااااااااااه سيف اونه يحج اذنه : صمختينا يعلج الصمخ حمداان : ماتلاحظون انه منصور مب ويانا هع سيف : منصووووور راشد : اسكت اسكت خله بنسير بنيب ماي بارد وثلج نشو راشد و حمدان و سيف و سالم و عيسى سالم كان عداله جان يحط ريله وتخرطف منصور وطاح على ميثة ميثة حمر ويها : ااااااااااااااااااه قوم عني منصور نش وكان يضحك والكل حتى كان يضحك عليهم منصور : شفيكم عليه مالقيتو الا انا واونه زعل سيف : اووه سوري زعلنااك حمدان : سوري ولا فلسطيني خخخخخخ الكل : هههههههههههه منصور : لا والله مازعلت ماعاش من يزعل منصور سيف : اشوه عيل يلا كملنا الخطه منصور : هااه لا خطة بعدكم ناوين عليه يلا عيل فمان الله سالم زخه : اقعد اقعد انسولف وياك عيسى : اممم قررت المحكمة ان تكنسل شوفت الفلم وانسير المول ميثة : بنسير وياااكم سيف : اوووك منصور : انا وين اسير جي جابين عليه الماي شواخ : ليش مايبت ملابس انته شو منصور : اووه صح والله اني غبي حمدان و راشد : الاعتراف بالحق فضيله مريم : خشب خشب شمسه : انا دقيته اول هع هع ميثة : شو يخصج انتي لووول راشد : يلا نسيتو السيرة شو عيسى : يلا انا متجهز الي يبى يتلبس يسير سيف : اصبرو بدق في عبادي بقوله اي ويانا اعرفكم على عايلة ابو عبدالله هم ساكنين في العين ابو عبدالله ولد عم ابو سيف و ابو عيسى و ابو سالم ابو عبدالله : كبر ابو سيف ويحب عياله و وايد مشغول ام عبدالله : مااتت في حادث عبدالله : مثل سيف وعيسى وسالم يحب السياير والعزب ويدرس في الجامعه و عمره 23 مهرة : عمرها 20 تدرس في الجامعه مع بنات عمها وهي من عقب ما ماتت امها مستويه الام الثانيه للبيت هزاع : عمره 18 يحب منصور ولد ابو سالم و وايد وياه ودومه يتحوط والتوأم عواش و روضة : عمارهن 17 يدرسن في المدرسة ويا فطامي وميثة سيف : الو عبدالله : هلا والله سيف : اهلين شحالك ؟؟ عبدالله : بخير وانته سيف : بخير \ اقول عبدالله عبدالله : امر سيف : بنسير المول تعال انته وكل اخوانك بيتنا اوك عبدالله : اوك يلا ياايينكم منصور : شو قال بيون ولا سيف : بيوون منصور : الحمدالله بلقا حد عقدي عيسى : ليش نحن مب مالين عينك ميثة : اوووف بس بس لا تبدون الضرابه شوااخ : منصور انته لازم اتكون في كل ضرابه منصور : جب انتي سالم : منصور اسكت \\ يلا بنات سيرن اتلبسن واتجهزن سارن البنات فوق واتلبسن ونزلن وكانو لابسين نفس الشي والشباب بعد لبسو نفس الشي كانو لابسين كنادير زرق كويتيات وسفر حمر ويو قوم عبدالله سلمو على بعض وسارو بثلاث سياير الرنج الاسود الي يسوق سيف و عداله عيسى والي ورا سالم و عبدالله و سلطان والي ورا اخر شي مريم و شمسة و مهرة البورش الابيض الي يسوق حمدان وعداله راشد والي ورا ميثة و فطامي و عواش وروضة النيسان الرمادي منصور و هزاع وانطلقو لـ العين مول ميثة : اااخ عفصتوني عواش : ههههه هاي فطامي مرتاحه جنها راقده راشد : هييه ثرا دفان مستوي عندكم حمدان : ههههه طالع انته ميثة كيف محمرا هع و وصلو المول الشباب كانو يتمشون رواحهم والبنات جدامهم الشباب كانو 9 والبنات 7 شواخ : سالم نبى نسير استاربكس سالم : سيف يبون يسيرون ستاربكس سيف : منو سالم : البنات سيف : حمدان حمدان : هلا سيف : سير انته وراشد ويا البنات ستاربكس راشد :اوك يلا منصور : انا وهزاع بنسير سيف : برايكم حمدان كانت على ويها فطامي : فديييت هالويه فطاامي استحت وحمر ويها راشد : منو اتفدا حمدان : ها اتفداك يعني منو بتفدا راشد : عيل ليش فطامي ويها احمر هع فطامي : لا والله الحمدالله ويهي ابيض مثل القمر حمدان : اكيييد مثل القمر راشد : حووه حوه انا اخوها هني ماتشوفني استح عويهك حمدان : انا انشالله خطيبها هع راشد : يمكن تكوون مب اكيد ويوم بتصير مب قبل حمدان : على امرك يا استاذ ميثة : حمدان شوف هاي كيف اطالعك حمدان : منوه ولف على يمينه البنت : وايه فديت هالويه اندوك الرقم 050******* البنات : ههههههههههههه شمسة : طاعو ويها جنها بقرة لورباك >> لانها كانت متينه الكل : ههههههههههههههههه راشد : يلا لقطي ويهج البنت : لقطته اونها تلقط ويها ميثة : ها ها تحذري خشمج بيطيح الكل : ههههههههههههه البنت : انتو شو يخصكم انا اكلم حبيبي فطامي معصبة : حبتج القرادة انتي شتبين فيه \\ اي حب هاذا من البدايه ولعلمج مالحب الا للحبيب الاولي البنت : اووه ظهر عنده حبيبه وعطتها شردة عواش : شو هالغبيه والله انعكست الدنيا استوو البنات يغازلون الشباب روضة : انتو طاعو شكلها جنهاا درام راشد : طبوهاا يلا انسير استاربكس وهم يمشون ظاعت ميثة وتمت ادورهم كانو شلة شباب واحد منهم : اول مرة اشوف غزال في المول الثاني : فديييتها انا محلاتهاا واحد ثالث لحقها : الغاليه اندوج الرقم وعطاها الورقة ميثة كانت مطنشتنهم ويوم ياها الريال غيرت اتجاها ولا عطته ويه جان يشوفها منصور و وراها الرياال كـــــــــــــــــــــــــــــــــت شو رايكم في البارت ؟؟ شو تتوقعون منصور يسوي لميثة ؟؟ شو تتوقعون منصور يسوي للريال ؟؟ |
شو رايكم في البارت ؟؟ روووعة شو تتوقعون منصور يسوي لميثة ؟؟ اممم يمكن يهزبها شو تتوقعون منصور يسوي للريال ؟؟ امم يمكن بيظارب معاه تسلم ع البارت الغاوي.. ونتريا التكملة.. |
تسلمين ختيه على المرور الطيب واتريا بااقي الاعضاء |
شو رايكم في البارت ؟؟ [overline]روعــه ؛؛[/overline] شو تتوقعون منصور يسوي لميثة ؟؟ [overline]بيهزبها ؛؛[/overline] شو تتوقعون منصور يسوي للريال ؟؟ [overline]بيضربه ضرب ؛ او بيهزبه ويسبه سب[/overline] :) ثـــــــــــــانكسـ عـ البارت ؛؛ بانتظار التكمله ؛؛ |
عطشت من كثر ما اقرااا كملوا البارت |
| الساعة الآن 10:54 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir