المشاركة الأصلية كتبت بواسطة دااانه غير (المشاركة 1045587971) لا لا توقفني وراويتج حلوه حطيها وهي اصلا قصه عجيبه اتمنى انج ماتوقفين وتستمري تحياتي:دااانه غير والسموحه منج

المشاركة الأصلية كتبت بواسطة smily girl (المشاركة 1045588975) كككملي ككملي وانا اختججج اهم شي انا متابعععه خخخ :kk_ed:

بارت ((20))

بعض الحكايا قريبه من واقعنا ..
ووبعضها تلتمس حقائق نمر بها ..
وتستمر الحكاية . . !!
في البارتات السابقة *

سيف ماله خبر ؟ ومشغول بأشغاله ميثه تحاتي شو صار معاه ، وسيف يقول أن بخير . .
شو سالفة علاقة عمات سيف بنوره ودانة إلي عندها ولد ومب مهتمه فيه لدرجه أنها في آخر
فتره تزور نوره وتخلي ولدها رشود الي عمره 10 شهور فالبيت !
حمد ومها بعد زواجهم كيف بتكون علاقتهم وهل بتستمر . .
سيف ولغز الكبير .. وبعد ماقدم الإستقاله صار بدون شغل كيف بيتهم فالبيت والمصاريف وغيره ؟
ناصر وموت أخوه أحمد إلي بعده متأثر في هالشي هل بيتقبل الواقع وبيكمل حياته ؟
ساره أخيرا فكرت تشغل شو بيصير معاها وعلاقتها مع ميثه يمكن ترد مثل قبل ؟
نوره ليش تعامل ميثه ب هالكره مع أنها هي طلبت منها تتزوج سيف وشو سرها ؟
وميثه معقولة بتم على هالحال والكلام يضايقها من البنات وكيف بتتقبل سيف وهو بدون شغل !
،،

((في المستشفى))

خلصت التحليلآت ويلست أترياا االنتاايج ..
الدكتوره تقول أن فيني نقص فيتامينات وغيره ..
وإن شاء الله تكتب لي أدويه .. وأكل عدل وما اتعب عمري
وبس تبي تتأكد شو هيه الفيتامينات الي احتاجهاا وغيره ..
يلست أترياا النتاايج .. !!

شفت ربيعة فطووم .. يت وسلمت علي : هلاا والله ..
رديت : أهليين شحالج ؟؟ *كانت اطالعني مستغربه *
ردت : الحمدلله بلاج ميثه جيه ويهج مصفر فيج شي *يوم سمعتها جيه قالت شكيت بعمري*
قلت : هاا مافيني شي ليش ويهي مصفر ل هدرجه ؟؟
يلست ويلست معاها : هيه يبين أنج تعبانه سلامات فيج شي تعبانه ؟؟
رديت : لآ مافيني شي بس مريت اسوي فحوصات ..
ابتسمت وسألتني : صصصصج شوو بشري حامل ؟؟
أنا انصدمت : شووووووو !!!!!
طالعتني باستغراب : بلاج ؟؟ كأني قلت شي غلط .. أسألج ؟؟
رديت : لآ .. بس عندي نقص فيتامينات ..
ردت : اهاا .. يالله ماتشوفين شر ..
قلت : الشر ماييج حبيبتي ، طمنيني عنج إنتي كيف الدوام ؟؟
ردت علي : الحمدلله مرتاحه في شغلي .. *سمعت النيييسر تزقرني*
أنا : يالله عيل اسمحيلي ..
.
.
.
.
.
.
رجعت البيت ..
شفت سيف يالس فالصاله سلمت : السلام عليكم ..
سيف : وعليكم السلام " كان يطالع كيس الأدويه "
أنا وأحط الكيس وراي : وين عيل عموه ونوره ؟؟
سيف : ميثه شو هالادويه ؟؟
أنا : بروتينات ..
سيف بشك : سلامات ..
رديت : الله يسلمك " إلتفت معقوله محد اليوم في العاده لازم موجودن "

سيف : ميثه شو بلآج محد في البيت غيرناا ..
أنا : أوك بروح أبدل وبسوي لك شي تاكله ..
سيف : مب يوعان ..
تحركت للحجره وبدلت ثيابي ورحت أسوي لي شي آكله عقب خذيت الدوا ..

خآرج النص : - " بمآ ان صار لي فتره مآكتب البارتات يمكن في حد نسى الشخصيات تذكير سريع *
- سآره = بنت عم ميثه إلي تغير علآقتها بينها وبين ميثه ورجعوا لبعض بس مب شرات أول ..
" أحمد وناصر خوآنها "أحمد إلي توفى بسبب مرضه" + عبدالله *بو زيود* "
- سيف = ريل ميثه + إخته نوره يعيش مع أمه ونوره وميثه ..
- دانة بنت عمة سيف مع نوره وايد وفي آخر البارتات ظهر عنده عمات ! وعيال عم
- راشد + سلطآن = خوان منصور من أم ثانيه * وعندهم ناصر إلي متزوج *
- منصور = ولد عمهم إلى توفى وأبو ميثه يهتم فيه قبل لا يتعب ..
- شوق + فطوم = خوات وأخوهن "حمد" عيال عم ميثه ..
- سعود = أخو ميثه + هو متزوج شيماء "عندها خوات " + آمون إختها ..
- مها + عنود = بنات خالته ميثه .. " مها تزوجت حمد وألحينة هم مسافرين "
- أم مايد = عمة ميثه عندها مايد الصغيرون ..
والباقي بتعرفونهم فالبارتات ..
.
.
.
(( بعد صلاة العشا ))

خلصت طباخ وغطيت الأكل ..
قلت في بالي .. إلي يبي ياكل ياكل أنا مب مجبوره أقولهم تعالو إتعشوو ..
تحركت سرت أخذ شور وبعدها سرحت شعري وعدل شكلي حسيت ويهي مصفرر ..
إلتفت عند الأدويه وقلت : لآزم آخذ هالبروتينات عسب لآ أتعب ..
شليت كيس الأوية ويلست آخذ الدوا مع الماي ، بعدها رتبت الغرفة ونظفتها بندت الليتات
وظهرت بروح الصاله . .
لما سكرت باب الغرفة سمعت صوت نوره كأنها ترمس حد فالفون ،
نوره : هههههههههه جد والله هيه ماتدري شو السالفه ..
أنا أطالعها تقصد منو ؟؟؟
... : ميثه !!
إلتفت : بسسم الله ..
.. : شو يني جدامج ؟
أنا : لا سيف عندي سؤال كنت بسألك أو نوره من زمان بس كنت محتاره ..
سيف ومستغرب : سؤال ؟ " حركت راسي بمعنى هيه "

سيف : زين سالي ..
قلت : دانة ليش جيه أحسها مب مهتمه بولدها وغريبه ماكنت أشوفها قبل ..
سيف ونظره غريبه : ليش ؟
رديت : كيف يعني ليش أنا أسألك فضول ..
سيف : ميثه كم صار لنا ونحن متزوجين !
إستغرب من سؤاله : يمكن كملنا سنه مدري ..
سيف : نعم ماتدرين !!! .. زين برايه سويتي عشاا ؟
رديت : هيه جهزت كل شي فالمطبخ تبي تتعشى ؟
سيف : هيه يوعان ..
رديت : أوك دقايق ويكون الاكل جاهز .. " تحركت المطبخ أعابل فالأكل سيف كان يراقبني "
عقب قلت : يالله بالعافيه .. "هو تجدم ويلس قريب من الطاوله " : تسلم ايدج .
قلت : الله يسلمك عيل بروح أتصل أطمن على أبوي ..
سيف وكأن يبي يقول شي بس سكت ..

ظهرت من المطبخ مدري ليش لما أشوف سيف أذكر كلام البنات وأني مظلومه بزواجي ..
حاولت ما أفكر خلاص كل هالفتره مرت وصارت أشياء ما أتوقها من أقرب الناس ..
فرحنا وحزنا ومرينا بمشاكل وغيره ومافي شي يتم على حاله ،
.
.
.
.
\
/
\

(( بيت بو عبدلله ))

دخل ناصر وسلم على أمه وأبوه ..
ساره : هلا ناصر كيف الشغل ؟
ناصر كالعاده : زين ..
أم عبدلله إطالع بو عبدلله بمعنى أن ناصر تغير وحتى في كلامه ،
ناصر وبهدوء : ليش إطالعوني جيه ؟
أم عبدلله : لآ أميه مافي شي أنا بروح أحط لكم العشاا ..
بو عبدلله : ساره قومي ساعدي أمج فالمطبخ " ساره وقفت "
وعقبها راحوا المطبخ ..
ناصر : أبوي أنا خلاص بكمل شغلي ومابسافر برع البلاد ..
بو عبدلله : على راحتك ، ولاتضايق بعمرك إلي راح راح جابل شغلك ومستقبل ..
ناصر ساكت ويسمع أبوه إلي يلس يكلمه حوالي ربع ساعه لين ما راحوا يتعشون ،

وبعدها سار حجرته ويلس يتذكر أحمد وإلي كان يصير معاه والمواقف الحلوه والمره ..
باللحظه تذكر موقف ..
>

<

>

أحمد : نصوووووور أقولك ألحينه ماعليك مني لازم نسافر مع بعض ..
ناصر : زين إنت تعبان .. ماتقدر ،
أحمد : لآ عااادي شو بلاك مافيني شي وبعديين ساروه كلمت أبوي ونحن كلمناه وما اعترض ..
ناصر : أوك حلووووووو عيل نصبر كم شهر وبنسافر ..
أحمد : ناصر سمعت أن ميثه بتتزوج ؟
ناصر : هيه ، وصلني الخبر اليوم ..
أحمد ومضايق : شفت كيف لما تكون إنسان مريض كل شي يتأجل وفالنهاية مايكون من نصيبك ..
ناصر : لاتقول جييه وبعدين للحين ماصار شي أكيد ليش جيه صاير نكدي ..
أحمد ويضحك : ههههه لآ لا بس جيه عندي إحساس يقول أن حتى السفر مابروحها ..
ناصر : لآ حووول أحمدووه بلاك هالأيام ..
أحمد ويبتسم : مافيني شي بس مضايق شوي ..
ناصر : زين لاتضايق عمرك ان شاء الله كل الي بخاطر بيصير ..
أحمد : هيه تحاول تقنعني .. زين خل هالكلام بينا ماريد حد يعرف ..
ناصر : ههههههه هيه سرك في بيير ولآيهمك أقول يالله قوم نطلع نغير جو ..
>
<
>
<
ناصر بحزن : كل شي راح ..
صوت حد يدق الباب .. ناصر : منو ؟
دخلت ساره : هذي أنا ناصر ممكن توصلني بيت خالي ..
ناصر : أوك مب مشكله روحي إتجهزي ..
ساره : أوك مشكووور ..
ناصر : العفو ،
.
.
.
.
بما أن ييه وقت الرقااد لآزم أرقد ..
بس بروح أشوف فلم رعب عالام بي سي 2 رحت الصاله وسكررت الباب ..
شليت معاي اللحاف وخذيت معاي جبسات وعصير بارد ..
طبعا الليت مبند ووخليت مكيف واحد شغال ، نوره ألحينه راقده
وسيف محد يمكن في حجرته الثانيه أو راقد فيها بدأت أطالع الفلم ..
كل شوي أغمض عيوني عساس أني ما أخاف ههههه شوي ويرن فوني ..
رقم غريب !!!!!!!! فكرت أرد ولا .. يوم شفت الفون يرن وايد رديت ..

أنا : ألوو ؟؟
. . . : هلا
إستغربت هالصوت مب غريب : منو معاي ؟
. . . : شحالج ميثه ؟
شو السالفه ؟ : بخير بس منو إنتي ؟؟
. . . : أنا مب مهم بس بطلب منج طلب ..
رديت بعصبيه : قلت منو إنتي ؟؟
. . . : شوفي أبآج تخلين سيف يطلقج بأسرع وقت وبعدين بقولج أنا منو ..
تذكرت هالصوت يمكن حد من الحريم الي كانو هنيه آخر مره : يالله بااي ..
وسكرت .. لآ جد شوه الاستهبال شوي بون هذيله بالاول نوره والحين العمات ،
فريت فوني وحطيته عالصامت ..

كملت المسلسل بس عقلي مب معاي يلست أفكر ليش يقولون جيه ..
أنا لو فايدي جان خبرت سيف يطلقني وأفتك منهم كلهم وأريد لأميه وأبوي وإخواني ..
صبرت وايد واااايييدد "يلست أتحرطم ونسيت الفلم " ههههههه
شويه وأسمع صوت سيف : ميثه ترمسين منو إنتي ؟
دخل الصاله ظلام كان بس ضوء التلفزيون تجدم صوبي وهو مستغرب ..
أنا : أكلم روحي ..
سيف : لآ والله !!
أنا : هيه عيل أكلم اليناوه ..
سيف ويطالع التلفزيون : شو يالسه إطالعين فلم ليشم ب راقده الوقت متأخر !!
رديت : مافيني رقاد بشوف الفلم لين يخلص وعقب برقد ..
سيف : عيل تعالي ساعديني بيلس عندج ..
أنا : زين تم فالكرسي مالك " قصدي الكرسي المتحرك"
سيف " جدم الكرسي عند الكنبه ورفع عمره عساس ييلس عدالي "
أنا خافيت عن يطيح مسكته ويلست : عنييد ..
سيف ويعدل يلست : شو عبالج ما اروم أتحرك نهائيا ..
رديت : لآ .. *في نفس الوقت حسيت بشعور غريب مدري شو هو*

رجعت مكاني ويلست حذاله : زين بس لاتسأل عن الفلم وايد طالع وبتفهم السالفه ..
سيف ببرود : زين ..
مر الوقت .. وسيف كل مايصير مقطع يخوف يطالع درت فعلي أنا ساكته بس هو يضحك !!
قلت : لييشش تضضضضضحك ؟؟
سيف : أونه أنا القوي الي ما أخاف ههه ..
رديت : ههههههههه والله مب خايفه متعود عالافلام الرعب ..
سيف : انتي بروحج تخوفين ..
رديت : شو تقصد إنت إلي دوم أحس بخوف تجاهك ..
سيف ورافع حايب : أنا أخوفج ؟
رديت متوتره : هيه أحيانا أخاف منكم ،
سيف : بعد منكم يعني مب بس أنا ؟
سكت ..

عقبها خلص الفلم بس تميت يالسه ..
سيف : يالله بسج سهر ..
كنت افكر اقوله عن الاتصال ولا لا ..بس للحظه سألت شي ثاني : سيف متى ناوي ادور شغل ؟
سيف : الله كريم ..
رديت : سييف والله أرمس جد ترا فلوسك الي فالبنك مابتعيشنا طول حياتنا ..
سيف ويبتسم : ليش واثقه أنج بتعيشين وايد ..
إنصدمتتتتتتتتتتتتتت : شووووووووووه !!!!!!!!!!!!
سيف ويضحك : ههههههههههه أسولف معاج يالخبله ..
أول مره جيه يضحك !! : بعيد الشر عني لي شجيه تفاول علي الله يسامحك ..
سيف : أسولف بلاج ..
رديت : لآ أدري مقصوده ، يالله برقد ..
سيف : أوك ذلفي عيل ..
أنا اطالعه من صجه هذا !!
سيف : بلآج جيه اطاعليني يالله روحي رقدي سهرانه فنص الليل ..
حسيت اسلوبه جاف ويقهر .. تميت واقفه ،
سيف : يالله ميثه انتي دوم جيه ماتفهمين الا بالعصبيه ..
أنا تحركت الموضوع يضايق رديت الحجره وسكرت الباب ..
مشكله أن قد مايحاول يصير طيب تظهر حقيقته ..
>
<
>
<

رقدت وقمت عالفير أصلي ورحت اشرب ماي البيت هدوء ..
مريت الصاله شفت سيف راقد بعده في مكانه شكله ماقدر يرجع للكرسي ،
رحت صوبه وقلت بصوت شبه مسموع : أحسن عيل تعصب علي ..
انصدمت يوم فتح عيونه : سمعتج ..
أنا ومتوتره : هاا
سيف ويعدل يلسته : مب راقد أنا رقدت ساعه ونشيت ..
رديت : زين أنا بروح ..
سيف : ههه زعلانه شو ؟
دخلت نوره : صباح الخير " التفتت" ماشاء الله سهرانين مع بعض ؟
سيف : صباح الخير .. ليش معصبه كيفي أنا وحرمتي ..
نوره : ما أحيدك جيه سيف من يوم هذي يت هنيه وانت متغير ..
سيف : أنا متغير خخ لا مب متغير ..

نوره : زيين "وطالعتني" عيل ليشش مب مسويه الريوق ..
طالعتها : ألحينه !!!!!!
نوره : هييه أنا يوعاني ..
تحركت بروح المطبخ .. سيف : ميثه خلج الي يبي ياكل يروح المطبخ إنتي مب خدامه عندنا ..
نوره : شدخخخل مرت اخوي لازم اجابل البيت والطباخ ..
سيف : إنتي قلتي انها حرمتي يعني إذا بتسوي بتسوي لي ومب مجبوره تطبخ لج ..
أنا ماحبيت تنقلب السالف هواش ومشاكل : خلاص سيف مب مشكله ..
" ورحت المطبخ اسوي ريوق لهم "

\

/

\

/

\
شوق : ميثوووووووه لآزم تخبرينه ..
رديت : شووق مستحيل كيف أقوله والله رقم غريب ورديت وخبرتني كذا وكذا !!
شوق وتضحك : ههههه انزين شو بتسوين ؟
قلت : مدري والله مب فاهمه اذا كانت عمة سيف فليش جيه تقول ..
آمون : شو صاايررر ؟؟
رديت : ماشي ..

آمون : ميثه تدرين شيماء إختي تبي تتطلق وتتزوج ولد عمتي ..
أنا ومنصدمه : لآاااااا والله !!!!!!!!!!! وكيف عرفتي ..
أمون : هيه بروحها تقول شو يعني بطلق وبتزوج ولد عمتي ..
انا متنرفزه : أمون سكتي عني ولا إتيبين طاري شيماء لأني جد أكرهااا ..
شوق : هييه والله لآتعكرين مزاجنا برايهاا عساس سعود ميت عليها ..
ضحكت : هههه حليله اخوي ما أدري عنه شي شو صاير معاه ..
شوق ومستغربه : مارمسج بعده ؟
رديت : يرمس سيف ويقوله يطمني بس ماكلمني ..
شوق : أها يالله ماعلي لاتحاتين .. صححح مهووه راده هالاربعاء ..
أنا : والله زيين اشتقت لهاا وايد طولو فالسفر ..
شوق : هههه تذكرين يوم رحتي انتي وسيف ماصار لكم كم يوم ورجعتوا ..
يلست أذكر شو صار معاي في السفر والمواقف : ههههه سكتي شوق لاتذكريني .. كنت حزينه وايد ..

أمون : ليش سيف مب أوكيه وياج ..
رديت : معرف شو ارد عليج ..
عنود : على طاري ريلج ليشم تكلمينه يسافر يتعالج ..
رديت : مدري كيفه ..
عنود : شو كيف حرام عليج حاولي وياه لي متى جيه حياتكم ماتعبتي ..
قلت : لآ ليش اتعب سيف بروحه يعتمد على نفسه وبالنادر مايطلب مني اساعده بشي ..
أمون : بناااااااااااااااااتتتت يالله غدااااا ليطووفكم طباخ أميه ،
عقب يلسنا كلنا الحريم والبنات نتغداا .. كان الاكل وايد حلو ماشاء الله طباخها غاوي وأنا
من كم يوم ما آكل شي عدل .. يمكن عس بجيه نقص فيتامينات لآزم آكل عدل من اليوم وساير ..

وبعدهآ رجعت البيت شفت سيارات ثانيه !!
شكله حد فالبيت ، لما دخلت شفت دانه ونوره .. ومعاهم نونو صغير ،
رحت سلمت عليها : شحالج ؟
دانه : الحمدلله ..
شفت الياهل : ماشاء الله عليه حلو فديته ..
نوره : هيه طبعا بيطلع على أبوه وأمه ..
رديت : هيه ربي يحفظه لكم ..
دآنه : آميين ياربي ..
قلت : بروح أبدل وبرد لكم ..
" دخلت الحجره بدلت ثيابي وعقب رحت اسوي جاي وقهوه "
شليت الصينيه وخيذتها الصاله ..
دانه : تسلمين فديتج ..
رديت : الله يسلمج ..
يلسوا يسولفون وأنا ارمس فالقروب ..

أمون : لآلآلآلآلآلآلآلآلآلآلآلآلآلآلآلآ *فيس يصيح*
شوق : هههههههههه زين خلاص مابقول شي
أمون : ماعليكم من شوق خراطه ..
كتبت : شو السالفه ؟
شوق : ماشي بستر على أمون هالمره ..
كتبت : هههههههه شو مسويه أمون ..
أمون : ولا شي تخرط عليكم ..
عنود : بنات يبالنا نروح البحر نغير جو ملينا من هالزيارات والمحلات والمولات والمطاعم ..
شوق : هيه حلات البحر هالايام نظهر نغير جو ..
أمون : أنا موافقه ..
شوق : وأنا ميثه شو قلتي ؟
رديت : أوك بكلم سيف وبرد لكم خبر ..
عنود : الزوجه المطيعة ههههههههه
شوق : ههههههههههه
أمون : هههههههههههه *فيس يضحك*
كتبت : تتطنزون برب ..
أمون : لآ لا لا تعاالي ..
كتبت : برب عندي ضيوف ..
شوق : ههههه أوك تك يور تايم ..

حطيت الفون على جنب ويلست أسمع دانه وشوق يسولفن ..
شوي ويرد سيف البيت وأول ما شافهم : خير أشوف كثرت الزيارات ؟
نوره : وشو فيهااا ؟؟
أنا رحت عند سيف وهمست له : سيف عيب لآتقول جيه مب حلوه ..
سيف : ميثه لاتدخلين ..
دانه : ليش مضايق ؟
سيف : أنا أسألج كثرت الزيارات ؟
نوره : هيه يايه عشاني مب عشان لاتخاف ..
أنا إستغربت كيف يعني مب عشان سيف !
دانه : مب خاطرك تشوف ولدك ؟
أنا مستغربه شو تقول هاي أي ولد !!!!!!!
سيف : لآ ومره ثانيه ما اريد اشوفج هنيه .. "تحرك سيف وراح الحجره "
وأنا واقفه مكاني مستغربه !!!!!!!!! ومنصدمه من الي قالته دانه شو تقصد ..

دانه : لي شجيه منصدمه ..
نوره : قلتلج بأنها ماتدري عن شي ..
أنا تنرفزت : شوو السااالفففههه ؟؟!!
نوره : سإلي ريلج ليش تسإليناا نحن يالله دانا تعالي حجرتي الياهل راقد ..
عقب تحركوا من جدامي وأنا للحين مب مستوعبه ..
عن أي ولد تقصد ليش سيف من متى عنده عيال ؟؟؟
رحت الحجره شفت سيف عالسرير عساس راقد ..
وقفت عنده وقلت : لآتسوي عمرك راقددد ..
سيف : سكري الباب وراج .. "رحت سكرته ورجعت عداله "
قلت : شوو السااااالفه !!!!
سيف : سالفة شو ؟
رديت وأنا مبين علي معصبه ومنصدمه : الكلام الي سمعته عن أي ياهل ترمس هيه ؟
سيف وبرود : ألحين انتي ليش جيه معصبه ؟
رديت : أناا أسألك جاوب مب تسأني ..
سيف : ماشي يحاولون يسوون مشاكل ..
رديت : سييييييييف قوول الصج ؟؟؟؟

سيف : يالله منج قلت مافي شي بلاج جيه عنيده ؟؟؟
ظهرت من الحجره ورحت لنوره فتحت الباب وإطالعني باستغراب : خييير ؟؟
قلت : ويينهااا دااانه ؟؟؟؟؟؟؟
نوره : لييييش ؟؟
دزيتهاا من جدامي ودخلت : داانه !!
دانه وبإستغراب : نعم !!
رديت : شوو كنتي تقصدييين بكلاااااامججج ؟؟؟
دانه : أي كلام " تسوي عمرها بريئه "
رديت : لآتنرفزيني ..
دآنه : أهاا صح ماتدرين أن سيف كان متزوج قبلج وعنده ولد ..
أنا ومنصدمه : شوو !!!!!!!!!!!!!!!!!!! "طالعت نوره منصدمه "
نوره : ليش اطاالعيني جيييه !!
ردييت : وليش ماقلتي من زمااااان !!!!!! جذبتوا علي ؟؟
نوره وتضحك : هههههه شو ؟ انتي ماسالتي وبعدين كلمي ريلج ليش اتكلمينا نحن ؟
رديت : ومنو هي ؟
دانه : أناا ، وبعدين من حقه يشوف ولدنا صحيح تطلقنا بس محد ينكر أن راشد ولده ..

طالعتها بصدمه : وليش ماظهرتي من زماان !!!
دانه : كنت مشغوله وفي العين وبعدين هالشي راجع لي ..!
حسيت بشعور فضيع كيف يعني سيف كان متزوج !! وعنده ولده ..
رديت : بسسس انتي قلتي الياهل عمره بالشهور ؟؟
دانه : هههه جذبت ولدي فديته كمل سنه ربي يحفظه لي ولأبوه ..
نوره : اووووووف اقولج طلعي برررع تراج إزعاااج ..
أنا لأول مره فضلت أنسحب وما أتكلم زياده ظهرت وأنا منصدمه ..
معقوله سعود كان يعرف وشيماء !! بس ليش محد خبرني ؟؟
لا لا اكيد شيماء ماتدري .. لو تدري جان ماسوت كل هذا !!
او ليش لا بالعكس هيه تكرهني فالنهاية سعود ما كان يدري ..
وأنا حتى مافكرت في هالشي نهائيا وماتوقعته زييين ليششش ليييششش !! الظاااهر في وايد أمور لآزم نتكلم عنها يا سيف ..




كاااااااااات وأعتذر هذا الي قدرت عليه ..
:bored: