منتدى استراحات زايد - قلبي رفض يحب غيرك وٰ صرت أنا مجنونك♥..

البارت الـ8 ..
.
.
.
.
.
الريال تقرب مني لين ما لصقني في اليدار .. و يلس يقطع ثيابي ب ايده .. و يمط ششعععري الطويل ..انا تميت اششمممخه ب اظافري و اشووته ..
الريال عصب : كفااااايه ..
شفت غرشه بيبسي جان أفرها عليه ..
الريال طلع من يبهته دم : اناااا حوريييكيي ..
تم يكفخني .. و يضربني في كل مكان في جسسمي .. لين ما حسيت اني بموت .. يلس ع الكرسي و انا ركككضضت صوب الباب .. شردت و هو يلحقني .. و شعري الطويل مغطي على ظهري و جتوفي .. شفت بنت ف طريجي ..
البنت : حبيبتي شو فيج ؟ شو بلاج ؟ تبين أساعدج ؟
انا صحت : دخيلج استريني ..
البنت مشتني وياها .. و المصري تم يطالعني .. دخلت وياها الغرفه و انا اصييح انوح من الصياح .. و خدودي تحرقني لانه المصري كفخني تكفيييخ .. البنت يابتلي ماي .. و لحاف .. لحفتني و شربتني الماي ..
البنت لوت علي : خلاص فديتج .. لا تصيحين ي الغاليه .. فهميني السالفه عسب اقدر أساعدج ..
انا مسحت دموعي : ماعرف شو اقولج ..
البنت ابتسمت لي : قوليلي شو اللي وصلج لهالحاله ؟
انا : امممم . . ريلي ظهر من اربع ساعات تقريباً . . و يوم كنت ابا اقفل الباب ظهر لي هالمصري الحقققيييير . . "رديت اصيح" حاول يعتدي علي . . و ريلي محححد شكله رااح عند ربعه يرقد . . ماعرف شو اسوي الحين .. ماعرف والله . .
البنت مسحت دموعي و مسكت ايدي : لا تخافين انا وياج ..
انا : لازم أروح الحين .. بييون أهلج ..
البنت : لالا والله ما تروحين ولا مكان .. اهلي محد .. انا بروحي ساكنه هني .. "ابتسمت بحسره" ماعندي أهل اصلا ..
انا : وينهم ؟
البنت : متوفين من سنتين .. توفى ابوي ف حادث سيارة و عقب امي يتها جلطة من الخبر .. و ماعندي اخوان ..
انا : الله يرحمهم ..
البنت : أمين ..
انا ابتسمت لها .
البنت : و ترا انا اسمي مريم ..
انا : انا اسمي العنود ..
مريم : عاشت الاسامي ..
انا : عاشت ايامج .. سامحيني مريم ..
مريم : مسموحه فديتج .. يالله نشي عسب تبدلين ثيابج .. و زين ان شقتج قريبه من شقتي ..
انا : هيه ترانا جيران ..
مريم نشت : وهاذا واجب الجار .. يالله قومي ..
قومت عمري و احس اني متكسره .. طلعتلي جلابيه وسيعه لونها ازرق فاتح .. لبستها و تسبحت بسرعه .. و احسس ان جسمي محتتترق .... ظهرت و شفتها ف ويههي ..
مريم : تعشيتي ؟
انا : هيه ..
مريم : ما تبين عشا ؟
انا : لا مشكورة ..
مريم : اممم عيل بترقدين ؟
انا : هيه .. دام ريـلي متأخر يعني اكيد رقد عند حد . .
مريم طالعتني : حبيبتي ترا انا عندي غرفتين .. هالغرفه خليهاا حقج .. رقدي هني و خذي راحتج .. وأنا برقد هناك "أشرت صوب الغرفه اللي ع طرف"
انا ابتسمت لها : مشكورة مريم .. تعبتج ويايه ..
مريم ابتسمت : افا عليج حبيبتي ..
انا : تصبحين على خير ..
مريم : و انتي من أهل الخير .. يالله رقدي ريحي حبيبتي ..
أنا : ان شاء اللہ ..
طالعتها لين ما غابت عن عيني .. فديتها والله طييييبه .. و مسكينه ما عندها أهل .. و على طاري الأهل .. محد اتصلي من اهلي .. "بوزت" و سيف .. ااااه ي سيف وينك عني .. حرمتك كانوا بيغتصبونها لو ربك ما ستر .. حطيت ايدي على خدي صوب الجرح .. و طاحت دمعه .. و مسحتها ..
رن تيلفوني ..
انا : الو ؟
شيخه : هلا العروووس وينج مختفيه ؟
انا : عايشه ..
شيخه : عايشه ولا ميثا ؟ هاهاها ..
انا ابتسمت : هههههه هبله ..
شيخه : ها شو العرس وياج ؟
انا : انصحج ما تعرسين ..
شيخه : افاااا ..
انا : ولا اقول عرسي عرسي .
شيخه ابتسمت : بعرس مب عكيفج ..
انا : ها اعترفي ليش متصله ؟ ادريبج زطييه ..
شيخه : اناااا زطييه ؟ ماعليه بنتفاهم يوم بشوفج ..
انا : ههههه ..
شيخه : شمووه ربت اليوم ..
انا : اونه ؟ مبرووووك ..
شيخه : يابت بنت سموها مييثاا ..
انا : زين والله تتربى ف عزهم ان شاء اللہ ..
شيخه : عسب جي انا متصله ..
انا : مالت عليج .. وأنا اقول من الوله متصله .. ثرج تبين بس تخبريني ..
شيخه : لا والله فديتج اشتقتلج ..
انا : انا بعد ..
شيخه : ها سافرتوا ولا بعدكم ف البلاد ..
انا : باجر بنسافر ..
شيخه : وين ؟
انا بدلع : بريتاانياا <بريطانيا .. و باريس ..
شيخه : اووووونه .. انزين ماا اوصيج ع الماركات و الهدايا .. و كثري من هاي الماركه مالت سان لوران و ماكس ..
انا : افااا علييج لا توصيين ..
شيخه : هههه عز اللہ بيفلس سيفوه ..
انت ابتسمت ببرود : آه ي سيفوه ..
شيخه : انزين و علوم العرس وياج ..
انا : بخير يسلم عليج ..
شيخه : يالله ببند .. خلصتي رصيدي ..
انا بصوت شوي عالي : يععععلللج الفقر من اخت ..
مريم سمعتني و ضحكت ..
شيخه : اويييه خلص خلص ..
انا : شوو هو اللي خلص ؟
شيخه : اهئ اهئ رصيدي ..
انا : سلمي ع قوم أمااياا ..
شيخه : يوصل يوصل .. الا تعالي شو موعنج هالوقت ؟
انا : انتي اللي شو موعنج الساعه 3 الفير ؟
شيخه : والله سهرانه اشووف فلم ..
انا : زين يالله رقدي ..
شيخه : يالله مع السلامه ..
انا : فمان الكريم ..
بندت و عقبها على طططوول رقدت ..
.
.
.
.
فز و نش من كابوسه الساعه 3 الفير ..
سيف : بسم اللہ .. "يطالع حواليه" وين انا ؟
ماريا قامت : سيف ؟
سيف طالعها ..
ماريا : حبيبي ما نمت ؟
سيف : حبج موت ياربي ..
ماريا غمضت عينها و ابتسمت : ليله امس .. أحلى ليله ..
سيف : ليش انا شو سويت .. "غمض عينه يتذكر" ششتتتت .. اناا غبي .. اناااا غبي و اهبل لأني ييتج .. و سويت وياج ..
ماريا : و انتي جيتني ب ريولك ..
سيف : يعل ريولي القص ..
ماريا تتلحف : ماراح ترجع تنام ..
سيف وقف : لاء ..
ماريا : سيف ..
سيف : خير ؟
ماريا : بس حبيت خبرك انك انته اللي اجيتني ب رجلك ..
سيف : مااارريااا سكتتتي ..
ماريا : طيب .. لا تعصصب ..
نشت حصه و هي تصييح ..
سيف طالعهم و سار . . ظهر من بيتهم و ركب سيارته متوجه للفندق .. اما ماريا تمت تدعي عليه وتتمنى انه يرد يرقد وياها ..سيف شاف باب الشقه مفتوح .. دخل داخل شاف السويت فوق تحت .. زجاج ف كل مكان .. و صينيه عشى طايحه على الارض .. دخل كل الغرف و الحمامات و ما حصلني اسستغرب وااايد و قال هاي وين بتروح .. اتصل حق الاستقبال عسب يطرشون حد ينظف اللوث اللي هني .. يلس يتصل علي و يتصل . بس فوني ف شنطتي و مغلق . . سمع اذان الفير و توضى و ظهر من الفندق بكبره .. صلى ركعتين فرض و سنه . و يوم دخل الفندق مره ثانيه سأل الحرمه اللي عند الاستقبال ..
سيف : امم اختي لو سمحتي ..
البنت : نعم اخويه ؟
سيف : البنت اللي ف غرفه 134 ما شفتيها ظاهره مكان ؟
البنت : والله انا ماعرفها . . .
سيف طلع صورتي من بوكه : ما جد شفتيها ظاهره من الفندق ؟
البنت : هيه اتذكرت .. كم مرة شفتك وياها .. سيف : شفتيها ظاهره ولا لاء ؟؟؟
البنت : يوم انته ظهرت من الفندق هي ما ظهرت ..
سيف : متأكده ؟
البنت : هيه متأكده ..
سيف : مشكورة اختيه ..
البنت ابتسمت : العففو ..
سيف تنهد و سار فوق .. انسسدح ع الشبريه ..
سيف : وين بتروح عنود؟ أدريبها عاقل و ما بتروح مكان .. بس وين سارت .. اصلا انا كيف خليتها بروحها امس .. آه يا ماريا اللہ ياخذ الساعه اللي عرفتج فيها .. من يوم ما عرفتج و المصايب تييني من كل صوب .. "تنهد و رقد" .
.
.
.
.
.
.
في المستشفى .. حمد يالس يسولف ويا شما لين الفير . . و محد رقد فيهم ..
حمد يلعب ف شعرها : فديت ام ميثه ..
شما تتثاوب : فدوتك ..
حمد وقف : هيه هيه ادري من الصبح يالس اهذرب يالله الحين بسير أصلي و رقدي ..
شما : زين يوم حسيت ع دمك ..
حمد يلس : عيل شورايج ما اسير أصلي و ايلس ع جبدج..
شما دزته : قوووم سسير صل .. ابغي اررقد ..
حمد : مافي نوم بعد اليوم ..
شما ابتسمت : أذلف ..
حمد يأشر على عيونه : من عيوني بذلف . .
شما غمضت عينها ..
حمد باس راسها : رقدي .. يالله انا ساير . .
.
.
.
.
.
.
.
نشيت سرت الحمام و صليت .. شوي و دقيت عليها باب الغرفه ..
انا : مريم فديتج نشي .. صلاه ..
مريم : ان شااء اللہ .
انا يلست ع الشبريه و بعدني لابسه الشيله . . ظهرت سرت غرفتنا و فجيت الباب . . دخلت وٰ شفته راقد .. تقربت صوبه و لعبت ف شعره ..
سيف بصدمه : عنننوووود!!!!!!!
انا نزلت راسي : هيه عنود ..
سيف مسك ويههي بإيدينه الثنتين : شو ياااج؟ منو ضرببج ؟ منو سوى فيج جييه؟
انا خبرته السالفه كامله ..
سيف فااار دمه : وينه ها اللي ما يستحي ولا يخيل .. والله ان شفته لااا اذبحه ..
انا قمت : و اللہ انته اللي ما تستحي .. مخلني هنيه برررروووحي .. لا اتصلت ولا طرشت لي مسسج . . خليتني مثل المينونه .. "بلعت ريجي" لين ما حاول يعتدي علي هالحيوان ..
سيف : نععععم؟
انا بلعت ريجي : كان بيعتدي علي ..
سيف : يعني كان بيغتصبج !!!!!!
انا : حاول .. لكن ربك ستر ..
سيف حظنني : وعد ما اخليج بروحج .. وعد ..
انا : وين سرت عني ..
سيف : سرت عند ماريا ..
انا بققت عيووني : ليش ؟
سيف : مادري ليش و كيف .. بس رقدت وياها ..
انا انصدمت : ها؟
سيف : مب مني والله غصب عني ..
انا ضربته على صدره : كل مره تقول غصب عني .. كل مرررره تقول جييييه . .
سيف : والله والله غصب .. حلفت لج و اسم اللہ هب لعبه ..
انا سكت . .
سيف : شكلها تسويلي سحر ..
انا : ودني عند اهلي ..
سيف : شووو ؟
انا : اللي سمعته .. و سفر وياكـ ماشي .. ما بسافرر وياكـ .. ولا بسير بقعه وياك .. خل ماريا تسير لندن ..
سيف مسكني من جتوفي : العنوووووود ..
انا ببرود : نعم ؟
سيف : ما بتسيرين مكان ..
انا خوزت ايده بقوو : بسير مب ع كيفك و اذا ما وديتني اللہ يخليلنا تكاسي دبي ..
سيف عصب و صفعني : ما بتسيرين مكان ..
انا نزلت دموعي و قلت بطنازه : بسير عند اهلي .. مب عند ريلي الثاني ..
سيف رفع ايده بيعطيني طراق ..
انا : اوووه .. سيف ي القوي يالله اضربني .. اضرب حرمتك ..
سيف : لاا تطلعيني من طووري ..
انا : بطلعك و كيييفيي ..
سيف : لا اله الا اللہ .
انا : محمد رسول الله ..
سيف : استغفر اللہ ..
انا : استغفر مليون مررره .. ماااا بيلس دقيقه ويااااك .. بسير بيت اهلللليي بيت ابووويااا ..
سيف رص على ايده : والله بصفعج طراااق يوديج بيت أهلج جان تبين ..
انا : يالله اضررب . . عطني هالطراق اللي بيطيرني ..
سيف صفعني طيحني ع الشبريه ..
انا انصصدددممت !!!!!!! ما توقعته بيضربني ..
سيف رفع صبعه يهددني : عسب مره ثانيه ما تستفزيني . .
انا ابتسمت و دموعي تطيح : ما هقيتها منك ي سيف ..
و سرت عنه .. دخلت غرفتي اللي كنت راقده فيها و طلعت شنطتي اللي مزهبه فيها ثيابي .. و اتصلت حق نهياان .. رد علي من ثاني مرره . . .
انا بصوت فيه صياح : الو ..
نهيان : الو . . عنود ؟ بلاج ؟
انا : أممم نهيان ممكن تيني الفندق ..
نهيان : أوكيه .. اي فندق ؟
انا : العنوان ..
نهيان : يالله ياااي فديتج .. دقايق ..
دخل علي سيف .. مسك ويههي ..
انا طالعت الصوب الثاني : خووز عن ويههي ..
سيف : مابا ..
انا خوزت أيدينه عن ويههي و سرت طلعت عباتي و شيلتي ..
سيف بذهول : وين بتسيرين ؟
انا : عند اهلي ،.
سيف : و منو بيوديج ؟
انا : نهيااان ..
سيف تنهد و ظهر ..
لبست عباتي و يلست اغطي الجروح اللي ف ويههي ب كريم اساس و بودره .. يلست اترياه شوي لين ماا اتصل لي ..
نهيان : ايي عندج فوق ولا بتنزلين ؟
انا : لالا ادخل ايلس عند الاستقبال .. انا بييك ..
نهيان : انزين حبيبتي باي ..
انا : باي ..
شليت اغراضي و شنطتي و شفته ف ويههي ..
سيف يطالع عيوني : العنود ..
انا طالعته : اكرهك ..
سييف : الععععنوووووود!!!!
كان يزقرني و انا اتجاهله لين ما نزلت تحت ..
نهيان : عنود شو فيج ؟
انا : ماشي بس خل نسير بيتنا ..
نهيان : ما بتحرك لين ما تقولين شو بلاج ..
انا : انزين اول شي نركب السياره و عقب بخبرك ..
نهيان : اوكيه ..
سرنا صوب الباركنات و ركبنا السياره ..
نهيان : يالله رمسي ،.
انا : حرك السياره ..
نهيان يرمسني وٰ هو يسوق : شو مستوي ؟
انا خبرته كل شي . . من يوم ما ظهر سيف و و ماريا و المصري و مريم و كل شي ...
نهيان : كيف يخليج بروووووحج ف الفندق كيييف و انتوا بعدكم ف شهر العسسل ؟
انا : ماعرف ..
نهيان : و كييف يمد ايده علييج ؟
انا : خلاص نهيان .. انا ما برد له ..
نهيان : انا بسير له اليوم . . بلعععن خييييره . .
انا : لا .. لا تسوي فيه شي ..
نهيان : مب ع كيفج .. نحن مأمنينه عليج و واثقين فيه يسير يخون الثقه و يخليج بروحج و يمد ايده عليج ..
انا : افف ..
نهيان : أففف ف عينج ..
انا : نهيان خلاص لا تسوي فيه شي .. خله طز فيه ..
نهيان : لا والله؟ تبين اخليه ؟ انتي تعرفين لو ابويا درى ب السالفه شو بيسوي فيه ؟ بيخليه يطلقج . .
انا : ما يسوى علينا . . طلاق مره وحده ..
نهيان وقف جدام الباب : نزلي نزلي .. و انا بتصرف . .
زقرت ليزا تيي تشل شنطتي لأني تعبانه و ابا ارقد .. سرت غرفتي و رقدت .. علللىى طووووول ..
.
.
.
.
.
.
يوم الخميس الساعه 8 الصبح ..
منصور : يالله نشي .. سيري تعدلي .. "ابتسم" حقي ..
عليا بصوت فيه رقاد : منصوري حبيبي .. عقب عقب .. توها الساعه 8 ..
منصور : ما يخصني .. نص ساعه و ابا اشوفج ف المحكمة ..
عليا : يعني يرضيك يرضيك اييك وأنا مطنقره و فيني رقااد ؟
منصور : لااا طبعا .. بهفج ب بكس ..
عليا : والله؟
منصور : لا ما تهونين ..
عليا : خلاص عيل خلني ارقد ..
منصور : لاللالاالاالااالاالا ..
عليا نشت : خلاص اصلا طار الرقاد من عيني . .
منصور : ههههههه احسسن .. قومي يالله ..
عليا : باي ..
منصور : بنتلاقى ف المحكمة ..
.
.
.
.
.
.
سيف نش من رقاده شاف مسج من منصور (تعال المحكمة اليوم ملجتي . . ولا ما تبا تحضر؟) تنهد و سار يتسبح .. تلبس و تكشخ و سار المحكمة ..
منصور يتخاشم وياه ؛ ما بغيت تيي ي ولد العم ..
سيف : تراك حضرت ملجتي . . و اكيد لازم احضر ملجتك ..
منصور : أباك تكون واحد من الشهود . .
سيف : افا عليك .. كم ولد عم عندي أنا ؟
منصور يسوي ب صبعه واحد ..
سيف : هههههه ..
دقايق و يوو خالد و عليا .. و ورآهم بو سيف و بو منصور .. شهدوا ف المحكمة و عدت السالفه على خير . .
خالد : مبروك .. و من زين حظنا ناسبناكم ..
منصوور : والله نحن اللي محظوظين فيكم ..
منصور يبوس راس أبوه ..
بو منصور : مبروك مبروك .. عقبال ما نفرح ف عرسكم ..
منصور : يالله متى بيي هاليوم ..
بو منصور : قريب قريب ..
بو سيف يتخاشم ويا منصور : مبروووك ولد أخويا ..
منصور : ربي يبارك فيك ..
سيف : مبروك ..
منصور : اللہ يبارك فيك .. و عقبالك "غمز له"
سيف ؛ عنلاااااتك .. تسدني وحدده شو اباها الثانيه ؟
منصور : سأل عمرك ..
سيف يطالع عليا : سير سير صوب حبيبه القلب ..
منصور : بسير ما بترياك ..
سار صوبها .. و باس راسها : مبروك ..
عليا ابتسمت : اللہ يبارك فيك ..
منصور يلس عدالها و مسك ايدها : ها تحقق حلمج ؟
عليا بحيا : هيه ..
منصور : وااافديتتتتتهههم اناااا ..
عليا ابتسمت ..
منصور : انزين الحين بظهرج بنسير نتغدى و بنرد ..
عليا : شاور خالد اول ..
منصور مسك ايدها و وقفوا : يالله بنشاوره ..
ساروا صوب خالد و سيف و بو منصور و بو سيف .،
منصور : خالد بشل اختك بغديها و بردها لكم ..
خالد ؛ شلها ولا تردها .. خلاص ما نباها ..
منصور : عيل خلاص يالله قومي نسير ..
خالد ؛ بس ردها لا تسرقها ..
منصور : بفكر ..
خالد سار وياهم ..
سيف : يسويها هالهرم ..
بو سيف ؛ انته وينك هاد حرمتك وياي اهنه ؟
سيف : ياي أهني عسب اشهد ع ملجت ولد عمي ..
بو سيف : و وين حاط الحرمه ؟
سيف : سارت عند أهلها ..
بو سيف : لايكون اضاربتوا؟
بو منصور : سيف ما بيصطلب لين ما يأخذ وحده تأدبه ..
بو سيف : شكلي برمس أمك ف السالفه ..
سيف : لا أبويه مابا ثالثه ..
بو سيف : هب ع كيفك .. شكلك مب مرتاااح وياها هاي ..
سيف : الا مرتاح ..
بو منصور قاطعه : لازم تآخذ وحده تريحك و تنسيك هموم الدنيا .،
.
.
.
.
.
.

آلبارت آلـ9..
.
.
.
.
.
كل ما نسيته جابلي الشوٰق طاريھ ..
كل ما نسيته لقيت روٰحي تناديھ ..
مدري شلون أنساه وٰ أنسى أحلى لياليھہ ..
كل ما يروٰح يزعل ارجع اراضيھہ ..
.
.
.
.
.
منصور يالس ويا عليا ف مطعم مسكر و الحبيب مأخذ راحته و زياااده ..
عليا : بس منصور ..
منصور يبوس خدها : كييفي حرمتي ..
عليا ظهرت مرايا صغيره من شنطتها ..
عليا : شوف شقايل غدن خدودي ..
منصور يبوس خدها و يعضها : كييفي ..
دخل الريال و هو يايب الغدا .. منصور بدا يأكلها لين ما شبعوا ظهروا من المطعم و ساروا البحر ..
عليا : فيني رقاد ردني البيت آلحين ..
منصور : بفرج ف الماي بتتنشطين ..
عليا : لالالا مشكور ..
منصور ابتسم : يالله نزلي ..
نزلوا و يلسوا يتمشون ع البحر .. شوي و وصلها بيتهم و هو سار بيت ابووه ..
بو منصور : منصووور ؟؟؟ شماا اختك ربت ..
منصور : ابويا انته تسألني ولا تخبرني ؟
منصور : أسألك ..
منصوور : ما ادريبها ..
ام منصور : اتصل لها ..
منصور : انزين .. "اتصل و حط سبيكر" الو شما ..
شما : الو منصور . . شحالك ؟
منصوور : بخير ..
شما : الحمدلله .. شحالهم اميه و أبويه ؟
منصور : يسلمون عليج ..
ام منصور : شماااا غناتي .. ربيتي ؟
شما : هيه أمايا امس ربيت . .
ام منصور : و شحاله الياهل ؟
شما : بخير اميه بخيير ..
ابو منصور : بنت ولا ولد ؟
شما : بنت ابويا ..
ام منصور : شو سميتوها؟
شما : ميثا ..
ام منصور : واااففدييييتت مييثاا و أمها ..
شما : فدوه امايا ..
ام منصور : وانتي شحالج الحين ؟
شما : بخير امايا ..
ام منصور : بييج اليوم ..
شما : انزين امايا بترياج ..
بو منصور : ديري بالج على عمرج ..
شما : حاضر ابويا ..
.
.
.
.
.
.
انا نشيت العصر و لبست لي مخورة برتقاليه .. و شيله صفوه برتقاليه .. حطيت شويه كريم اساس و روج برتقالي .. و ايلاينر اسود .. تعطرت و نزلت تحت ..
اميه : وييديييه .. عنود ؟ متى ييتي ؟
انا : الفير ..
اميه : وليش تخلين ريلج وانتوا بعدكم ف شهر العسل ؟
انا : تولهت عليكم ..
اميه ؛ قولي جي من اول ..
انا حبيت راسها ؛ ما نروم على ام العنود ..
اميه ؛ الله يحفظج ويخليج انتي و اخوانج لي يا رب ..
انا : آميين ..
اميه : تغديتي ؟
انا : لاآ مب مشتهيه . .
اميه : يوم بتيوعين سيري جدى المطبخ فديتج ..
انا : ان شاء الله ..
شيخه نزلت هي و نهيان ...
نهيان يغني : يااا البرررتققااااله ..
انا ارمش بعيوني ..
شيخه تسلم علي : محلووووووه ..
انا : من زمان انا حلوه اصلا ..
شيخه : ما بغيتي تيين .. اليوم الفير مرمستنج ..
انا : يابني الوله ..
نهيان حظنني : حبيبتي اختي ..
انا : احم انا حرمه معرسه الحين ..
نهيان : اوب اوب .. لا تييون صوبها ..
رن تيلفوني ..
انا : الوو رويض . .
روضه : الوو .. وينج ي القاااطعه ..
انا : هني ..
روضه : سيفوووه ياي من الصبح .. جان ييتي وياه بنستانس . .
انا : ماعليه قلبي ان شاء الله مره ثانيه بيي ..
روضه : ليش وينج انتي ؟
انا : عند اهلي ..
روضه : اهاا .. حبيبتي حبيت اعزمج على ملجتي أححم ..
انا ؛ اوووونه خطبوووج !
روضه : هيه .. المهم سمعي .. ملجتي يوم الثلاثاء ..
انا : بشوف ..
روضه : شو بشوف ؟ حبيبتي بتين غصبن عننننج ... مب كيييفج انتي حرمه اخوياا ..
انا : بسم الله شوي شوي .. خلاص بيي بساعدج ..
روضه : فديتج ..
انا : فداا ..
روضه : أنزين حبيبتي .. تراني وااايد متولهه عليج ..
أنا : انااا بعد ..
روضه : تعالي تعشي عندنا ..
انا : اممم ..
روضه : لا امممم ولا بطيييخ بخلي سواف يمر عليج الساعه 8 ..
انا : روييض ..
روضه : جب ولا كلمه .. ياخي حسي فيني تولهت ع مرت اخوياا الجميله ..
انا : هههههه انا بعد تولهت عليج ..
امايا : منووو هااي؟
انا : اخت سيف ..
امايا : سلمي عليها ..
انا : رويض امايا تسلم عليج ..
رويض : ربي يسلمها ردي السلام ..
انا ؛ اوكيه ..
رويض : يالله باي ..
انا : باي ..
رويض : الساعه 8 لا تنسين ..
انا : اوكيه .. (بندت) ..
امايا : شحالها ؟
انا : بخير تسلم عليكم ..
نهيان : معرسه ؟
انا : مخطوبة .. ملجتها ورا باجر ..
شيخه : عيل قومي بنسير نتشرى فساتين و نرمس صالون كريستال ..
نهيان وقف : انا ما بوديكم ..
أمايا : اشررد قبل لا يتقبضون فيك ..
نهيان حب راس امه : مع السلامه ..
انا سرت فوق ويا شيخووه .. لبسنا عبينا و نزلنا تحت ..
أمايا : لا تتأخرون ..
انا : ان شاء اللہ ..
.
.
.
.
.
رويض ابتسمت : الساعه 8 لا تنسين ..
سيف : منو ترمسين ؟
رويض : حرمتك ..
سيف : شو تبينها ؟
رويض : عزمتها ع العشى ..
سيف : شو قالت !
روضه : بتي ..
سيف : اها زين ..
روضه : انته اخطف عليها ..
سيف : اوكيه ..
روضه : سيف قولي الصدق .. متضاربين؟
سيف : روضه اتمنى انج ما تدخلين عمرج ف هالسوالف ..
روضه : سييف .. خبرني ..
سيف : مب متضاربين ... بس هاي المشاكل اللي تصير بين كل ريال و حرمته ..
روضه : يعني متضاربين . .
سيف : تقدرين تقولين جي ..
روضه : ايووواا ..
سيف : ليش عندج حل ؟
روضه : هي عندي بس قوم ابا اسير ادور فستان . .
سيف : بتي العله شووقوه ..
روضه : هههههه حرام عليك .. شووقوه مب عله ..
سيف : جب يالله سيري تزهبي ..
روضه : وانته وين بتسير ؟
سيف : بسير بيت عمي تعالي هناك ..
روضه : اوكيه ..
سيف ظهر من بيتهم و سار بيت عمه "بو منصور"
بو سيف يالس ويا بو منصور يتقهوون و ياكلون خبز خمير مسوتنه ام منصور ..
سيف : السلام عليكم ..
الكل : وعليكم السلام ..
سيف : شوق قومي سيري تزهبي بتظهرين ويا رويض تختارون فستان ..
شوق تطالع ابوها ..
بو منصور : سيري فكي عمرج و خلصي من الحين ..
شوق : انزين ..
سارت فوق ..
منصور : ها سيف .. شحال العرس وياكـ ؟
سيف : ماشي حاله ..
بو سيف : انا برمس أمك تخطبلك وحده هي مختارتنها ..
سيف : ابويااا .. انا غير هاي مابا ..
بو سيف : ترا انا بعد أعزها لانها بنت ربيعي بس هي مب مناسبتنك ..
سيف : عيل منو مناسبتني ؟
بو سيف : مي ..
سيف زخ راسه : لا دخيلك ..
بو سيف : تراني مب يالس استهبل ..
منصور : خذ الثانيه و خلك قدوتنا ..
بو منصور : انته قصورك تآخذ ثانيه ..
منصور : ليش عادي ..
بو منصور : ذليت ام آمنا على هاي عليا .. ان خذيت غيرها بنفاادك ..
منصور : فديتها مابا غيرها اصلا ..
سيف طالعه ب نظره ..
بو سيف : برمس أمك اليوم و بشاورها ..
سيف وقف : ابويا انا مابا اخذ وحده فوق العنود ..
بو سيف وقف و رفع صبعه يهدده : اسمع ي سيف .. مب انته اللي تي على آخر زمانك و تكسر كلمه ابوووك .. وإذا ما طععت تاااخذ وحده من اختيار أمك ما برضى عليك لا دنيااااا ولاآآ اخرررره ..
سيف تنهد : أبويا مب انته اللي خليتني اخذ العنود ؟ اصلا كيف ترضاها على بنت ربيعك ؟
بو سيف : تباااا تطلقها براايك ..
سيف : مااا بطلق حد ..
بو سيف : براايك لا تطلللق بس كلمتي ما بتكسرها لااا اكسر راسك الحيييين ..
سيف : ابووويااا ..
بو سيف : لاا ابويا ولا غيره .. بتاخذ وحده من بنات ربيعات أمك ولا لا انا ابوك ولا أعرفك ..
سار بو سيف ..
سيف تنهد و يلس ..
منصور : ماعليه سيف اصبر كم يوم و يغير رأيه ..
سيف : انته ما تعرف ابويا كيف ..
بو منصور : اللہ كريم ياا سيف اسمع كلامه ولا انته الخسران ..
.
.
.
.
.
.
دخلت ام منصور وهي شاله باقه ورد و وراها خدامتها شاله سله حلاوه ..
شما : هلا امايا ..
ام منصور تبوس راسها : الحمدلله ع سلامتج ..
شما : الله يسلمج امايا ..
ام منصور : وينه ريلج ؟
شما : سار يشتري كبتشينو يبا يعدل راسه ..
ام منصور : اهاا ..
شما : و ابويه وين !
ام منصور : بعد شوي بيي ..
شما : ما يت شووق ؟
ام منصور : لاوالله ما خبرناها .. سارت هي و رويض يتشرن حق ملجه روضه ..
شما : و روضه خطبوها ؟
ام منصور : هيييه ..
شما : متى ملجتها ؟
ام منصور : ورا باجر ..
شما : زين والله امايا .. انتي شحالج و شحاله ابويا ؟
ام منصور : الحمدلله بخير و عافيه ..
شما : الحمدلله ..
ام منصور : فديتهاااا انااا حبيبت يدتها ..
شما : ههههه ..
ام منصور ترمس ميثا : ميثا ؟ شحالج ميثاني ؟
شما : امايا تشبهني ولا تشبه حمد ؟
ام منصور : ياهل ما فيها ملامح ..
شما : فديتها ..
ام منصور : كتكوووووته ..
شما ابتسمت و دخل حمد ..
حمد : السلام عليكم .. هلاوالله عمتيه ..
ام منصور : هلا شحالك حمد ؟
حمد : بخير ..
ام منصور : مبرووووك ماياكم ..
حمد: الله يبارك فيج ..
ام منصور حطت بيزات ف ثياب ميثا ..
حمد : حق شووو عموووه ؟
ام منصوور : حق ميثاني ..
.
.
.
.
.
.
شوق نزلت ..
سيف وقف : يالله انا بسير ..
منصور : بسير وياكـ ..
سيف : حياك ..
ركبوا سياره سيف و اتصلوا حق رويض ..
رويض : ياخي صبروا شوي .. شو بلاكم مستعيلين ؟
منصور : ركبي ركبي ..
روييض : انته مالك خص ..
منصور : مع نفسج .. حرك سيف ..
رويض ركبتّ و يلست عدال شوق ..
.
.
.
.
.
.
[ في الســـيـارة ]
انا : شويخ عقب بنخطف ع المستشفى أبا اشوف بنت حموود ..
شيخه : أوكيه .. خل اول نسير نخلص ..
انا : عبد القادر سير البستان ..
عبد القادر : ان شااء الله اووختي ..
شيخه : انزين متى بتسافرون ..
انا : المفروض اليوم ..
شيخه : و ما بتسيرون ؟
انا : مادري ..
شيخه : قردنيه ..
انا : ما اعرف اقردنه ..
شيخه : مالت عليج ما ظهرتي شرات اختج ..
انا : هههههه لا صدق .. ماعرف ..
شيخه : انزين لا تسيرون خلاص ..
انا : ما ابا اسير انا ..
شيخه : ليش ؟
انا : بس جي ..
شيخه : مزعلنج ؟
انا بغغصه : لاا ..
بعد عشر دقايق وصلنا .. شفت سياره سيف ..
شيخه : حووو نزلني .. منو تطالعين ؟
انا : سيف هني ..
شيخه : و يعني ؟
انا نزلت و خطفت جدام سياره سيف ..
دخلوا و دخلنا وراهم ..
شيخه : منو ها اللي ويا ريلج ؟
انا : شدراني ..
شيخه : شوق و روضه هني ..
انا : هيه ...
سيف يأشر : مب جنه هاي عنود ..
روضه يت عندنا : عنوووود ..
انا صديت : روييض ..
روضه تبوس خدي : حياتي والله ..
شوق سلمت علينا ..
روضه : ها شو يايه تسوين هني ؟
انا : أخذ لي فستان حق ملجتج ..
روضه : هههه احم ..
شوق : طالعوا سيف شوي و بينفجر ..
روضه : بسم الله تعالوا نسير صوبهم ..
انا : منو ها اللي وياه ؟ ربيعه ؟
شوق : لا أخويا منصور ..
روضه مسكت ايدي و سحبتني صوبهم ..
سيف ابتسم : شحالج شيخه ؟
شيخه : بخير ..
منصور طالعني : و اانتي عنود شحالج ؟
انا : يسرك حالي ..
منصور : عيل انا و سيف بنترخص دامكم متيمعين هني ؟
رويض : لالا انا ابا اخذ ذوق سوااف ..
شوق : من زين ذوقه ..
سيف ب خقه : ما ترومون على ذوقي ..
منصور : احس شكلي غلط وياكم ..
انا : لا غلط ولا شي ..
منصور : هههههه فديتج عسل ع القلب ..
سيف ضربه ب كوعه : شو فديتج هاي بعد ..
منصور ابتسم : ههههههه بالغلط ..
روضه : اونه يغار ..
سيف سحبني من عند رويض و قبض ايدي ب قوو : هيه اغار ..
انا ابتسمت ب مجامله و حاولت اسحب ايدي ..
روضه : يالله طوفوا .. ولا بتموون يالسين هني ؟
منصوور : عايبتنا اليلسه اهنه ..
روضه : جب ..
منصور : والله اني حاشم حرمه اخوج و اختها ولا بدوس ف بطنج ..
روضه : ما تروووم اصلا ..
شيخه ابتسمت ..
سيف : عيل انا و حرمتي بنسير شوي ..
انا : اباا ايلس وياهم ..
سيف : مب ع كيفج ..
روضه : خلها ويانا ياخي ..
سيف : شوي بس و بردها صوبكم ..
مشينا صوب المحلات ..
سيف : يعني بتمين ساكته ؟
انا : هيه ..
سرنا صوب الحمامات ..
انا : تبغي تسير الحمام ؟
سيف : لا .. يبتج هني عسب محد يشوفنا يوم نضارب ..
انا : زين والله ..
سيف : ليش معصبه ..
انا : جي ..
سيف : و ليش زعلانه ..
انا ضربت جتفه بخفيف : لأنك انته حيوان ..
سيف : و يعععششقج هالحيوان ..
انا ابتسمت ..
سيف تقرب مني : هيه خلج جذه ابتسمي مب دوم عاقده حواجبج ..
انا حطيت ايدي جدامه : وين وين تبااا؟
سيف : محد بيشوفنا شو نسوي ..
انا : انزين انا مابا اسوي شي ..
سيف : بصفعج طراااق ..
انا : ما تروم ..
سيف : تراني صفعتج ..
انا ابتسمت ب حسره : هيه صفعتني ..
سيف تقرب مني لصقني ف اليدار و باس خدي وين صفعني ..
انا طالعته ..
سيف باس خدي الثاني : آسف ..
انا نزلت راسي : سامحتك ..
سيف رفع راسي ب صبعه : احبج ..
انا طالعت الصوب الثاني : ادري ..
سيف : قولي ..
انا : شوو ؟
سيف ابتسم : انج تحبيني ..
انا ابتسمت : اكرهك ..
سيف : صدق؟؟؟
انا : لاا .. يعني العكس ..
سيف : قوليها انزين ..
انا : مابا ..
سيف مسك خصري : قولي ..
انا انحرجت : مابا ..
سيف : يالله عنووود ..
آنا : مابا ..
سيف طالع عيوني : قولي ..
انا : آحبك ..
سيف ما استحمل و <<<<
”cut“
.
.
.
.
.
.