وفجأه ظهرت جدامه شاحنه وراشد سرع سرعه مش طبيعيه وزايد من موتره

شهق شهههقه لككن الحمدالله ربي ستر وقدر يسيطر على الوضع .

(الشباب كانوو كلهم مصدووومين وزايغين عليهم)

منصوربعصبيه: اناا كنت حاس انه بيصير شي بس كنت ابا وناستهم وبنفس الوقت خايف عليهم

حميد بندم: انا غلطت يوم قلت لهم يترايسسون

(ككلهم وقفو صوب المحطه ونزلو من مواترهم واطالعو رششود وهو نازل)

الشباب كلهم: بوسسنيده صار فيك شي ؟؟

رشوود: لا الحمدالله ربي ستتر

حميد: هيه والله الحمدالله الله ستر

منصور بعصبيه والخوف باين عليه: اخخر مره تترايسسون شفتو شوكان بيستوي فرشود

الشباب كلهم: ان شاءالله

(عند البنات) بعد صلاه العشا عقب ماظهرنا من الكوفي كلنا توجهنا لموتر حمدوه عشان نرد بيت مهاري ونرقد عندهم لانه مريوم ومهاري اصرو انه نتم عندهم وماحبينا نكسر بخاطرهم ماعادا علايه ردت بيتهم .

(فالموتر)

ريموه: حمدوووه لاتسرعيين يالححيوانه ريلي يباني

ميروه: الله والريل عاد دخيلج انتي بس !!!!

ريموه: انتي سكتي سكتي

ميروه: والله بقوملج ها !! (وهي تعيب ع ريموه) ووييييوو قاعده فالنصص

ريموه (والجذب باين عليها ) : جب جب اصلا عايبني المكان انزين

مهاري (تصارخ): خلاااااااااااااااااصصص اججعمو !!

مريوم : حمدووه دخيلج حطي شي نسمعه غير اصواتهم لاعت جبدي من ضرابتهم !!

(ريموه وميروه يطالعون بعض عقب طالعو مريوم زين منهم ماقامو ولعنوها)

حمدوه: هههه ، اوكيه تبون آنججليزي ولا ؟؟

كلنا مع بعض وبصصراخ يبط الاذن : لااااااا ، نبي اغنيه حيرتي وصمتي .





( جلست بحيرتي وصمتي افكر

انا وين ابلقاك ترا حارت بي الدنيا حبيبي كيف انا الاقيك

وجودي لا تقول اني على بعدك نويت انساك

انا لو انتهي لحظه حياتي عنك افكر فيك.....)

كلناا اخترشنا ونسينا ام مهارري وحالتها ويلسنا نررقص ونغني واستانسنا ، وبعد نص ساعه وصلنا بيت قوم مهاري وكانو الشباب موجودين فالحوي ( زيود ، رشود ، سيف ، حميد ) عاد اول ماوصلنا وقفو ويطالعون موتر حمدوه ، ونزلنا بككل ثقه ونصارخ ونضحك وماكنا نعرف انه الشباب موجودين .

زيود (بفشله): شباب شرايككم نروح الميلس !

(سيف انصدم وفخخاطره:جني اعرف هالويه >> قصده ع ريموه << وبتسم.

رشود : يلا سرينا

سيف: انتو سبقوني انا بروح ايب شي من موتري وبي ( عشان يجوف ريموه بس وريموه المتعايزه ع طول دششت البيت ولا سوت سالفه وكلنا هني دخلنا البيت ويسلنا )

مهاري : تبون ايب لك شي ؟

(هني زيود صرخ ) : مهااااااااااري

مهاري (بصراخ عشان يسمعها ) : هاااااااااا

زيود : خلي لا ككشمي ( البشكاره ) اتيب ماي الميلس حق ربعي

مهاري: انززززين انززين احين بسير اخبرها

(وقبل مايدش الميلس لمح ميروه وبتسسم )

ريموه (وهي تقوم ) : انا بسير البيت بيب ملابسي وبالمره بنروح بيت ميروه عشان اتيب ملابسها حق باجر تبون شي ؟

مريوم : اذا ابي شي بدق لميروه ولا تتاخرون

حمدوه: هيه اذا نبي شي بندق لميروه لا طولون

ريموه : حوووه ميروه يلا قومي معاي

مهاري : عيل انا بجهز Move للسهره



( طلعو ريموه وميروه من بيت قوم مهاري ورايحين يركبون موتر ريموه ، وركبنا وريموه الهبله بركنت الموتر غلط وماعرفت اطلعه وسيف موتره لاصق فموتر ريموه ماقصر ماشاءالله وريموه بكل هبل يلست تصارخ وتزقر مهاري ومريوم عشان يطلعون ومحد سمعها ، والاخت ميروه عايشه الجو رافعه عباتها وماخذه الحريه ولمحو حد يطلع من الميلس وقعدو يطالعون هالشخص بكل غباء )

سيف : اووه سوري ها موتري ويت بي وبطلعه ( متخبل ع ريموه الحبيب )

ريموه بطفره وعصبيه : بسسرررعه يااخخخي (عافان الله ماشي اسلوب هههه)

ميروه : بلااااج كليتي الريال ياشيخه هدي هدي

( سيف حرك موتره وريموه الهبله لين احين ماعرفت اتظهر موترها )

ميروه ( وهي تطنز ومتعمده تعلي صوتها عشان يسمعها سيف ويطلع الموتر): اهم شي انج ماتعرفين اتظهرين الموتر الاخت ماخذه الليسن واسطه

ريموه ( تكمل ويا ميروه عشان سيف يسمع ) : لا والله بس مادري كيف بركنت انا

( سيف سمعهم وتم يضحك ع خبال هالثنتين ونزل من موتره ويا صوبنا ): قومي بظهر الموتر عنج

( نزلنا ثنيناتناوابتسمنا لبعض وهو ظهر الموتر اخيرا )

ريموه ( بنفسيه ) : شكرا اخوي ماقصصرت

سيف ( وهو شاق الحلج): العفو والسموحه انا الغلطان

ميروه ( بطنازه ) : الله الله عليج ياريموه ( وهني عرف سيف اسمها)

وزيود ظهر من الميلس يدور سيف ويا صوبنا : شو فيككم !!

ميروه تأففت وريموه جافت ميروه بنظره وقالت : يلا ميروه حركنا عشان مانطول

سيف يرد على زيود : كنت مصكر ع البنت ومارامت اطلع موترها

( زيوود فخاطره مب مهتم بكلام سيف واخيرا عرفت اسمها > يقصد ميروه< البنات كانو يجهزون لل Move واتصصلو ع ميروه وميروه حطت سبيكر

مهاري: ميييييروووه وويعه وينكم

ميروه : خخلاص بني لاتصارخين اذني راحت فيها

حمدوه ( بصراخ عشان ميروه تسمعها ) : ميروه مرو ع الدكان يبولي فليك وريد بول

مهاري : ونا بعععععد يبو لي ريد بول

ميروه ( تصارخ ع مهاري ): مهاري جب ريد بول فخشمج

مهاري : لييييش

ريموه : هيه صح انتي جب فيج الربو مب زين ياحماره

مهاري : والله العظيم بتنظربون

ريموه ( بخبث ) : ميروه صكري الله يخليج صكري فويها

وجان تصكر فويه مهاري طووط ططوووط ططوط

مهاري : طع الحيوانه بندت فويهي

مريوم (بطنازه ): ههههههههههه وحليلج صكرو فويهج

حمدوه: احين بتمون تتضاربون صخو

(ريموه وميروه مرو ع الدمان وخذو الي يبونه البنات وردو البيت وزيود كان برع يترياهم يردون عشان يصكر باب الحوي ، البنات نزلو من الوتر وجافو زيود يصكر باب الحوي وميروه الحبيبه تتأمله وماعليها من حد )

ريموه : ايواه ايواه اسرحي فالريال اكثر

ميروه مب مسويه سالفه واطالع زيود وريموه حبت تغايض ميروه وقالت لزيود : زيود تبي ريد بول( هني ميروه اطالعتها وفتحت عيونها )

زيود يطالع ريموه وميروه ويبا يعرف منو الي قالت تبي ريد بول : هاااااا!!

ريموه بصراخ جنه البيت بيتها : تببببي ريد بووول

زيود ( بخيبه اممل عباله ميروه الي رمست ) : لا لا مشكوره بسير ارقد

( وقبل مايدخل الميلس يسمع ميروه تتحرطم على ريموه وضحك عليها )

ودخلو البيت وجافو ال Move وعقبها رقدو وكل وحده طايره فصوب .

(الصبح ) الساعه : 9:30

مهاري واعيه من وقت وتوعي البنات : يلااااااااااااا قومو صصارلي ساعه اوعيكم ، جهززت لكم الريوق اول مره انا مهاري بنت ابويه اسوي لك ريوق يلااا قومو وعن العيااازه

ريموه ( وبصوت ككله رقاد): ايييييه بس بس جب والله ابي ارقد البارحه مارقدت عدل

مهاري : اسكتي انتي اسكتي لو رقدتي دهر بعد بتقولين مارقدت عدل

ميروه فتحت عيونها ع صريخ مهاري ولاحظت شي ع حمدوه انه تسمع اغاني وراقده فتحت عيونها اكثر وصارخت فجأه والكل صد يطالعها ححتى ريموه العيازه فتحت عيونها بقوه من الصراخ : ححححححححححممممددددوو وويييييييعه ( واشرت لريموه ومهاري انه يجوفون السماعات الي فاذنها)

ريموه كانت عدالها ورفستها : نششششششي ايييييييه !!!

مهاري: مب ززين تسمعين اغاني ونتي راقده ولا بعد انجليزي ياليت شي مثل الناس

مريوم بنص عين : شششو السسالفه انتو وايد حششره

حمدوه( تفج عيونها ) : هاااااااااا !!

وفجأه فون مهاري رن ومهاري بحماسس ردت

مهاري : هلا هلا بعلايه وينج انتي

علايه (تصيح وساكته ) .............

مهاري : ششو فيج ؟؟؟؟؟؟!!!

علايه ( بصرااخ وصياح وشهاق ): مممممممااااااتت

مهاري (بصدمه) : منوووو الي مااااااات ؟؟؟؟؟

البنات ككلهم قامو من مكانهم وراحححو صوب مهاري يبون يعرفون منو الي ماتت !!!............



( صصوب زايد فالميلس دق عليه سيف )

سيف ( بدون سلام ): زيييييود حبيبي انا يوعان بني عندك نتريق

زيود ( وهو يضحك ع ربيعه ): هههههه حححياككككم بدون لا تستأذن بعد

سيف : هههه افا عليك نص ساعه ونحن عندك

زيود : يلاا عيل اترياكم فمان الله

بعد نص ساعه وصلو الشباب ميلس زيود

زيود ( بحماس ) : قربو قربو الريوق جاهزز

رشود : الله زيووود الاكل يشهي ليكون انته سويته حقنا

زيود : ههههه انا ويني ووين الطباخ ، سرقته من البنات ( وبصوت خفيف ) شكلها مهاري سوته

( عند البنات )

مهاري ( فاتححه حلجها) : بلاااااج تكلمي ليش صاخخه

علايه ( تصيح): اممممممممممممي ماااتتت مهههاري ماتت

مهارري( بصدمه ) : شششششو تقولين انتي ؟ متتتتتى ؟ وككككيف ؟

علايه ( بصراخ هسستري ) : ماتجوفين فهالايام ماككون وياكم هي كانت تعبانه

مهاري ( بحنيه ): حياتي انتي خخلاص لا تصحين دقايق ونحن عنددج \

علايه ( بهدوء والضيقه مبينه عليها ): لا ططوووولون ابيكم والله !!

مهاري : اوكيه مابنطول يلا تحملي بعمرج لين اني عندج

( صكرو عن بعض )

البنات يطالعون مهاري ومب فاهمين شي يتريونها ترمس وهي اطالعهم والصدمه باينه عليها !!

مريوم ( بخخوف ): مهاري شو فيج؟

حمدوه ( بشك ): مهاري تكلمي

( مهاري ساككته واطالعهم )

ميروه : مهور بلاااج اتكلمي شو مستوي

ريموه : تراج خوفتينا شو صاير فعلاييه

مهاري ( بححححزن ) : ام علايه عطتكم عمرها

البنات كككلهم والصدمه فعيونهم : شششششششوووووو !!

مهاري : احين ماعندي وقت اقولكم بعدين بقولكم البنت محتاجتنا يلا قومو بنسير لها

البنات ولا وحده فاهمه شي من تقوله مهاري ومب مستوعبين !

مهاري( بصراخ نقزهم من مكانهم ): يلاااااااااا بنسير لها البنت تبانا نحن لازم نكون وياها

( وكل وحده راحت تسبح وتلبس بسرعه عشان يروحون عند علايه ونسو سالفه الريوق ، طلعو من البيت متوجهين لموتر ريموه بحكم انها كبيره وواسعه شويه )وهم فالطريج .................



( صوب الشباب )

حميد : ههههه حراام عليك

زيود : برايه عادي اهم شي البطن

رشود : اكككككككككيد مهاري سوت

( سيف غمز لرشووود )

زيود ( يضحك) : هههههه ، هي شكلها هي فديت اختي ياحظ الي بياخذها

رشود يقول لسيف : بلاك تغمز

سيف ( بصوت خفيف ) : الله ياخذك فشلتنا

حميد ( يغير الموضوع عشان زيود مايشك ): اقولكم وين منصور

رشود : هيه صح وينه

سيف وزيود : دق عليه حميد

حميد : اوكيه

(ودق عليه)

منصور بصوت تعبان : هلا حميد

حميد ( بخوف ) : اهلين شو فيك

منصور (يكح ): تعبان ياخوي فيني حراره وحكه وزجام

حميد : سلامتك ماتجوف شرر

منصور : الشر ماييك

حميد : ها منصور اتروم اتي ميلس زيود مشتاقين لك من زمان ماجفناك

منصور : خلاص شوي وبي تامرون امر

حميد : يلا عيل فداعه الله نترياك مابنتريق لاطول لانه الجحوش يواعه

منصور: ههههه خلاص تمم يلا ياي

حميد : مع السلامه

( وصكرو عن بعض )



( صوب البنات )

وهم فالطريج نودي دقت على مريوم

مريوم : بنااااات الحححقو نودي ادق عليه

حمدوه : اونهه

مهاري اويه شو بنسوي ؟!!

ميروه اطالع ريموه الي شويه وبتصيح مب رايمه تسوق خايفه ع علايه

ميروه : شو بتسووون احين اذا نحن ماردينا اكيد بدق ع علايه وعلايه بتقول لها مافينا نودي مودها ينقلب ع ريلها

ريموه : رمسوها وجنه مب صاير شي خلكم عادي

مريوم : هيه هيه صح يلا خلكم عادي

مريوم وهي ترد ع نودي : هلا نودي هلا اي مسس يو

نودي : ويييينج من متى ونا اترياج اتردين مادقيت عليح الا لانه اعرف انهم رقود ومحد بيسوي لي سالفه

مريوم ( بأرتباك واضح ) : ها هيه هيه بس كلنا واعين بنروح نتريق برع

( كلهم صدو يطالعونها )

مهاري (تصارخ وترقع الموضوع ) : نووووودي ححححياتي انتي والله اشتقنالج متى بتردين

نودي ( بشك ) : بلاج مريوم مرتبكه

مريوم تهمس للبنات انها شكت و فرت الفون ع مهاري ومهاري فرت الفون عند حمدوه وحمدوه استسلمت وحاولت انه ماتبين لها شي لانه اذا فرت الفون عند ميروه بترتبك اكثر عن مريوم

ورمست حمدوه نودي

حمدوه: هلا نودي

نودي : اهلين يالقاطعه وينكم ولا جني ربيعتكم لا تسؤلون ولا ادقون تطمنون عليه

حمدوه: توج معرسه شو تبين فينا هههه

نودي: ههههه حبايبي انتو والله دوم ع بالي

حمدوه : انتي ماعليج نحن بخير دامج بخير

( ووصلو البنات بيت علايه ونزلو من السياره وروحو عند علايه ونودي بعدها ع الخط ترمس حمدوه وحمدوه فالسياره بروحها )

حمدوه : اامم نودي احين وصلنا الكوفي بنتريق عقب بنرمسج

نودي ( بنشبه ) : هههه بلاكم العاده عادي ترمسوني

حمده ( ومبين انها تجذب ): اويه نودي حياتي فون مريوم مافي جرج عقب برمسج يلا طوط طوط طوط

نودي (مستغربه من تصرفاتهم) : بلاها هاي ، شو سويت انا عشان محد يبي يرمسني ، يمكن صدق مشغولين ، ربي يحفظم انا خلني اروح عند ها وايد احسن مليت ونا قاعده بروحي

شوو توقعاتكم ؟كيف البنات بيتصرفون مع علايه ؟ والشباب شو بيسوون ؟

ونودي كيف علاقتها مع حمد الي هو ريلها ؟ نودي شو بيكون ردت فعلها يوم تعرف انه البنات ماخبروها عن ام علايه ؟