منتدى استراحات زايد - وش الحل مع النامس ( عرمشنا )

السلام عليكم ورحمه الله وبركاته

اخوكم في الله من سكان الرياض حي التعاون والحي وما جاوره من الاحياء معروف بأرتفاع منسوب المياه الجوفيه من سنين عديده

واللي زاد الطين بله الصرف الصحي ـ اجلكم الله ـ حفرله شعبان بوسط الشوارع ومستنقعات ومياه راكده في كل مكان والضحيه المواطن ـ وين البلديه مدري مصلحه المياه.. الزبده المسؤول عن هاللي حاصل

وسكان حي الوادي الله يكون بعونهم الظاهر بيبعون سياراتهم ويشرون دركتلات من الطين والحفر :mad:

والمعذره يالربع شطحنا عن الموضوع الرئيسي بس من الحرقه والقهر دولتنا تدفع من المليارات وينهبونها الاجانب ويلمصقون ديرتنا :confused:

يا اخوان اللي يخبرلي طريقه ( تبيد ) النامس يكسبنا اجر تكفون ـ مابي كريمات جلد او بخاخات او من الاشياء اللي تبعدها ودي بشين يذبح لاني جربت كم طريقه قبل فتره وما نجحت

رشيت الحوش ديزل ـ رشيت امس مبيد مستحلب قوته 60% استبيع وصار يصدمنا صدم ـ يشفط علني ولا هامه احد

اما الفليت البخاخ صرنا نجيبه قبل الجريده واللبن :D

واللي بيقول الفليت مضر بالصحه اقوله يابعدي ماجربت ونّـته بأذنك ونت بغرقه النوم

ماشفت ولدك الرضيع وجهه معتق من القرصات :mad:

واظمئن ياجزاك الله خير مايرش الا اخوك مع تدبيل لطمتين وبعيداً عن الاهل والاطفال

وسامحونا على الاطاله والاسلوب اللي الله بالخير

بس على قوله العجز ــ من حر ما اوجس :j