منتدى استراحات زايد - لا للـــظـــلم.ابو صفوق

السلام عليكم ورحمة الله وبركاته
صبحكم/مساكم الله بالخير جميعا
زوجتي معلمة متوسط وقالت لي امس على حكايه وربي توقعتها تمزح وهي تخص زميله لها
تقول هي سيده عطاها ربي من الزين وحسن الاخلاق والاصل والفصل واهم شي راعيت دين
وهي مدرسه معها بالمدرسه وبنفس الوقت جيران اهلها من 28 سنه
الرجال يسافر كل عطله والخميس والجمعه بالاستراحات والشتا بالبر انا شفته كم مره لكن شخص غير مريح
تقول يعني ام صفوق :
كان ياخذ كل راتبها وهي مطاوعته غصب عنها خوف يعرس ولا طلعه ولا تقدير ولا هو حولها بكرب ولا حتى بفرج ان دخل البيت صار بحل يالديك وعياله سوا لهم عقد نفسيه تشوف الواحد لاجا بيتكلم دلا يتأتئ وياله ياله حرف يفهم
مع بداية الدوامات بالمدارس للمعلمات ما جت ولاترد على زميلاتها بالتلفون واليوم جت اختها تاخذ لها او تقدم لها اجازه ليه ؟علشان المليح اعرس وهو حر له بالشرع اربع والعدل لا ينساه
واللي صار اخذ قريشاتها اللي لها سنين تحتريه يعزمها لو على حسابها ما يهم المهم شوية تقدير وسافر هو والعروس اللي هي بعد مالها ذنب كونه خطبها ووافقت وبيقضي شهر العسل على حساب الضعيفه اللي يوم انها درت جاها انهيار عصبي
ما ادري وش لون مايحس انه ظالم لرفيقة العمر وش لون تجبر وتكبر بتعرس اعرس بس من غير ظلم وحط الله بين عيونك هو القادر على كل متكبر,الا الظلم يأخوان الاالظلم
ادري انها يمكن تحذف بس انا شفتها بمقام اختي وبنتي وما قدرت ابنفجر ان ما قلت شي
الله يكفينا وياكم شر آفة الظلم
ابو صفوق الثنيان