منتدى استراحات زايد - سالفه الخطيب والبنت الى جابت العيد هههههه

السلام عليكم ورحمه الله وبركاته
صبحكم الله ومساكم الله باالخيرات والنيرات

اخوانى الاعزاء على قلبى
ادم الله عليك الفرح والسعاده وكفاكم فتن الدنياء

السالفه ذكرت من قبل سنين ويمكن كثير من الاعضاء يعرفه

يحكى ان رجل من اهل الرياض اسمه على قد كبر من المراهقه وتوظف وزانت اموره الماديه :good2:

وقال لامه وخواته دورولى بنت الحال ودى اعرس قاله وهو مستحي ;) ومتقطع من الحياء

جراء البحث والتحري عن البنت وموصفات الرجل معروفه ومدروسه بعنايه فائقه

وجات الاخبار من امه بانه حصلت بنت ناس ادب وخلق وجمال وحياء زود مره مره

البنت من كثر حياء ردت كثير من الخطاب والرجال الى عليهم القيمه وكفوا مره مره

المراد ان ابو البنت واخوانه تظايقوا من البنت اكبرت ومن حياه لانه ماطلع للخطابه مره مره

جاء اخوناء على وتقدم للاسره وخطب البنت وقال ابوه عطني فرصه ووقت نشاور البنت

ونسئل عنك قال توكلنا على الله سبحانه وتعالى

شاور البنت وقالت موافقه بس مانب طالعه له اشوفه ابدا ابدا يبي يعرس من غير شوف

توكلنا على الله سبحانه وتعالى

الشايب عنده حيله باالبنت بس قال لاعياله اسلوا عنه وخلو الباقى على الله سبحانه وتعالى وثم على

جوا العيال وبشروا الشايب ان الخاطب ماعليه كلام بس عليه ملاحظه انه مشترك بموقع مكشات وماخذ اكثر وقته :D:D:D هذي من عندي ;)

حمدالله الشايب انه رجال كويس ومحترم

كلموا العيال على وقالوا حياك الله تعالي انشوفك ونتقهوا سواء قال على سم

وقالوا لعلي المعرس الخطه المظبوطه

قبل مايجي على للبيت قال ابوهم يعيال عندي خطه ماتخرش الميه :good2:

قال الشايب لواحد من العيال دخل على للمجلس وقهوه وقال لواحد من العيال دخل الموتر

للحوش وشف فيه غرظان خفيفه واذا عطيتك الاوامر ناد اختك خله تاخذ المقاظى علي دفعتين وانت شل على خفيف ونفس اختك علي دفعتين علشان العريس على يويق ويشفوف :j

مع الدريشه زين لان الدريشه (الشباك) تطل على الحوش والمقاظى والعريس متفهم الوضع جدآ
الشاهد تقهوا العريس ولايدرى وش شرب من الوظع الى اول مره يمر عليه ويسمع فيه :p

الشايب عطى الاوامر والعريس جالس يناظر وينتظر العروسه الين تجي وتشيل الاغرضان

وتحظر العروسه وياليت مااحظرت الثوب قميص عادي جدا والشوشه منتفشه تقول ليفت مواعين :eek:

المهم الزبده والشاهد باالموضوع والطامه الكبره ان العروسه يوم تاخذ الغرظان وهن خفيفات يوم تدوس على الابنص برجلينه وتفحط باالحوش انواع التفحيط :D:D:D والرجال مندهش

هو يناظر البنت والا التفحيط الى ادهش عقله ومخه وجاه شد عظل في اعيونه ;);) مشواها

ارجعت العروسه ثانى مره للغرظان وشاف وقز وناظر وبص على الهواء مباشر :good:

قال العريس ابى استخير واشوف وارد عليكم

سبحان الله العريس على رد عليهم بسرعه عجيبه لان الله سبحانه وتعالى انزل حبها بقلب

على العريس وتم التجهيزات والفرح واخذ على عروسته للبيت وهى مستغربه جدا جدا من

الوضع الى صار كيف ما اصر ابوه عليه انه تشوف العريس

المهم اخذوا على بعض وراح الحيا من العروسه بعد كم يوم

ومع السواليف ذكر العريس للعروسه سالفه الحوش والتفحيط :):) وخجلت اشد الخجل

من السالفه وصار هو كل مدها يذكره ويظحكون ;) ويذكرون ذيك الايام الجميله الحلوه

خاصه انه جت عفويه

الفائده من القصه واكثركم يعرفه
بس للتذكير
فذكر ان الذكرى تنفع المؤمنين

انه الحياء من الايمان وهو هاالايام الله يرحم الحال
وان الدين امر ان يشوف الخاطب مخطوبته
وان الشيبان اكثرهم عنده حكمه وفطنه وقليل من الشباب ان شاءالله يعتبرونهم موظه ودقه قديمه
وان الخاطب يدور علي الخطيبه ذات الدين والاخلاق
قال الرسول صلى الله عليه وسلم(فااظفر بذات الدين تربت يداك) سيبك من جمالها وراتبها كله زايل ورايح مع ادراج الرياح

ادرى انى طولت وبهرت اشوي وهى فيه زود ونقصان الله اعلم

سبحان الله وبحمده عدد خلقه وزنه عرشه ومداد كلاماته