منتدى استراحات زايد - عساه بالفردوس في قصرٍ مشيد

السلام عليكم ورحمة الله وبركاته
مرثية في الشيخ عبيد بن خلف رحمه الله

ياوجد عيني وجـــــــدها يالاجاويد
على صديقٍ عن نظر نونها غاب

جاني خبر عن صاحبي تاسع العيد
انه عن الدنيا رحل سيد الاصحاب

مريت حيه باقي القصــــــر والغيد
ورسوم لو يعقل طفل شانها شاب

وقررت هـــــجرانه بعد كبه عبيد
من شوفته وزيارته خاطري طاب

وانا ادري ان اللي على جاهد البيد
يرجـــع كما يبدا من اتراب لتراب

النقــــطـه اللي مالنــا دونه محيد
مافيه من دونه مخارج ومجناب

نارد لها ورد العطاش المواريد
اللي حداه بجمرة القيض لهاب

لاساعة تنقص ولا ساعة تزيد
اجلاً مســــــمى والتعدد بالاسباب

شيخٍ هـــــــرم ولا بسن المواليد
من جــــاه ديانه ذهابٍ بلا اياب

يالله يلي تبــــدي الخــــــلق وتعيد
يامحصي آجال الخلايق في اكتاب

عساه بالفردوس في قصرٍ مشيد
بجوار سيد الخلق وآله والاصحاب