تجهيز السيارة الجديدة (( الفورتشينر )) عند السنيدي للوازم الرحلات (( بالصور ))

[محروم.كوم]

أيها الإخوة الاعزاء .....













الحمد لله وشرينا قبل كم شهر هالمبروك كسيارة البر الرئيسية وعسى الله يطعمنا من خيره ويكفينا شره آمين ....


والحقيقة إن توني أفضي لتجهيزه للبر والمكاشيت ....


وأول شي فكرت فيه هو إزالة المرتبة الثالثة وتجهيز المنطقة الخلفية للعزبة ..... وطبعاً بعد دوران على أغلب محلات القصيم المتخصصة ما لقيت مثل السنيدي .... وبتقولون غالي وبتقولون الخامة يمكن ماهيب زينة .... بأقول لكم زينتها بنفس سعر أحد المحلات المشهورة في القصيم وبأسرع بأسبوع كامل ( تعرفون مستعجل ) لا بعد وشغلي كله تفصيل الشراع و الطبق والخزان ... وش رايكم ؟؟؟ وكانت القيمة 1100 ريال ( طبعاً لإنه تفصيل وفيه طلبات معينة وكذلك خامة ممتازة )









هذا الله يسلمكم قبل أمس رحت لمهم وفكوا المراتب وخذوا المقاسات وجاب خزان جاهز وطبق جاهز وعرف الفروقات والشغل اللي أبي وقال تعال الإربعاء .... وجيتهم بعدما إتصلوا علي بعد .... يعني ماهو انا اللي رحت ادور شغلي خلص وإلا لا ....










واول ماجيت لقيت شغلي جاهز وركب العامل الشراع وقال وش رايك ؟ مزبوط كذا وإلا تبي نعدل شي ؟
قلت مزبوط ونصف رح جب الباقي الله يعافيك .....












ركب العامل الخزان وبعده ركب الطبق ووزنه مزبوط وطبق الشراع موزون 100 % وسكر الباب وقال إذا أعجبك الشغل إنقد 1100 ريال عند المحاسب الله لا يهينك .... ورحت ونقدت ال 1100 بكل سرور ورضاء ....



وإن شاء الله الأيام جاية والعزبة ماعاد تحول من الموتر ونبي نكمل باقي التجهيزات شيئاً فشيئاً على حسب الفرغة ......





موضوع بسيط أدري .... بس حبيت أشارككم به لعلي أفيدكم ولو بالقليل في هذا المجال

__DEFINE_LIKE_SHARE__