مانت ابن اللغيصم ليا قال يوفي

[محروم.كوم]

عندما بعت جيبي لاسدد التزامات ماليه لرياجيل شرواكم
ورحت اسجله بالمعرض قابلني راع المعرض وعندنا رياجيل
قالي ليش بعت الجيب يابوعادل وانت ماعندك غيره
قلت علي التزامات ماليه كبيره حول ال100 الف
ولايسدها غير بيعت الجيب وابقي لي مبلغ بسيط اشتري به سياره
على قد الزايد من المبلغ
قال ابشر بالعوض مرني بعد يومين وتلقى الي يسرك
مريته بالامس القريب قالي في سياره مشتريها ب50 الف
وباخذ عليك مكسب 20 الف اقساط وعطني الي يحضرك
قلت هذا العوض الي انت مواعدني فيه
قال ايه لو هو غيرك مابعته الا بكفيل
قلت يجيك الرد ان شاء الله
وكتبت هذه الابيات ردا عليه وتعبيرا عن ماباخاطري :


مانت ابن الغيصم ليا قال يوفي** شيخ ليا برك للحمل ارتكا له
لو ولد جدعان داري عن ظروفي** كان اخشرني يوم تصدق في حلاله

قلت كلمة حق والشيخ معروفي** يفرح بالمحتاج ليا منه عنا له
وان وصفته قلت حاتم بالوصوفي** اشهد انه حاتمي في شماله
ولا انت خنصر كلب والساس معروفي** يالله تنظف المجتمع من هالحثاله
قلت قول ماتلحقني به حسوفي** لاتجمل بي ولا ابي لك جماله

ابوعادل الحربي

__DEFINE_LIKE_SHARE__