.. { مــا بقــى غيـــر الهنــدي ياخــذ القيــــاس } ..

راقيه باسلوبيْ}~ · #1 08-14-2012, 10:14 PM

.. { مــا بقــى غيـــر الهنــدي ياخــذ القيــــاس } ..

السلام عليكم ورحمه الله وبركاته

موضوعــي اليوم .. قد لا يكون منتشر بشكل كبير
الا ان لازالت فئه من البناات مستمرين في فعله
فوضعت حروفي هنا للتنبيه والنصيحه

{ مــــوقف }

قبل 3 أسابيع رحت محل العبي .. المهم وانا يالسه اطالع العبي
شفت بنيه تختار وتناقش الهندي عسب الموديل والـخ
الظاهر انهم اتفقوا على شي معين
وما بقى غير .. { القيــــــاس }
الحين منوو يلي بيي ياخذ قياس البنيـــه
طبعـااااا >>>الهندي
بصراحه انا يوم شفت البنيه انصدمت .. يعني البنيه كبيره
والهندي يقايسهاا .. وطبعا تعرفون شلون طريقه القياس
يعني في احتماال كبير وفي بعض الحالات الاكيييد انه بيمسك البنيه

بعد هالموقف .. اكيد عرفتوا عن شو راح اتكلم
عن البنـــات يلي يروحون اماكن التفصيل .. سواء عبي او مخورات او بدل والخ
ويخلون الهندي ياخذ مقاساتهم ..
من وجه نظري هالشي غير لائق ابداا .. ومب حلوه بحق البنيه
والاغلب اهلهم يكونون معاهم .. سواء امها او اختها اولى انهم ياخذون قياسها
بداال هالهندي يلي ما تنعرف شنو نيته .. حتى نظرته ما راح تكون حلوه ..

{ نقـــاط التحـــاور }

هل انتي من البنات يلي يرضون وان الهندي ياخذ قياساتهم ؟
بالنسبه لـ الشباب ..
هل ترضى هالشي على وحده من قرايبك ..؟
وللـ الاثنين
وجه نظركم بالموضوع .. ؟

وللـ علم .. اخذ القياس
بمعنى انه ياخذ قياسها بشريط المتر ..

(م ن ق و ل

__DEFINE_LIKE_SHARE__

شموخ اجتبيه · 08-14-2012, 11:08 PM

لــآ طبعا...يخسي الا هوووو ياخذ قياسي..
حق تفصيل العبايه اعطيه قياس عبااايه ثانيه وبسسسسسسسسسس

يسلموو خيتوو __DEFINE_LIKE_SHARE__

بنَتْ الْنَعيمِي~ · 08-15-2012, 02:59 PM

هاللي ناقص بعد

اذكر مرة كنا رايحيين انا وامية وخواتي الخياط عسب نفصل حق المدرسه < ايام يوم كنت ثاوية
انا طبعا لازم يكون عندي القياس جاهز اييبه ويايه ، بس خواتي الصغار تقريبا ( صف 3 و 7 ) مايايبات
هنيه الهندي قال انه يبا ياخذ القياس حق اختي الصغيرة ، بس اميه قالت عطني انا بقايس
( اونه ها اللي ناقص تصكك بناتي ) ، استغرب الهندي قال ماما هذا بنت صغير ، قالت امايه انا في معلوم ياخذ قياس < خبرة ماشاء الله

البنت صغيرة ولا كبيرة يحاولوون قد مايقدروون يوفروون لها قياس ، ولا تخلي امها او اختها

تاخذ قياسها أأمن لها

شاكرة لج الطرح
يعطيج العافيه

__DEFINE_LIKE_SHARE__

جوري العدواني · 08-16-2012, 12:15 PM

يسلمو على على هالموضوع
عن نفسي اقوله طولي ولبس العبائه جدامه اقوله ضيق مني جم اصبع وسؤها جذي وسؤها جذي
واخر شي يطردني من المحل 😂😂😂
بعض الاحيان الوحده تكون مجبوره مافي احد معاها ويعجبها شي وتكون بس هالقطعه شنو تسؤي

لازم ياخذ اقياسها والله يسامح هي عالنيئه __DEFINE_LIKE_SHARE__

حسبتكـ لي · 08-18-2012, 02:57 AM

انا ماعرف هالسوالف بس لو صدق اشووف جي حتى لو مب من اهلي اسوي سالفه

>> دمه حار الاخ

صراااحه الواحد لازم يكون عنده غاريه حتى على بنت بلاده ولا برع عيييييييييييييب

عنبوو وين الحيآآآآ لا حيا ولا مستحى بايعات عماركن ولا شووو ؟؟؟؟؟؟؟؟؟؟؟

هندي ولا باكستاني ولا من اي دوله بالنهايه يطلع ريااال ولاتقولون مايفهم وعاادي ..........الخ

ترااه مب بهيمه

اترك المجال للبنات افضضل __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بقــي فايتـــر نظييييفه جدا للبيع	محروم.كوم	منتدى أخبار المواقع والمنتديات العربية والأجنبية	0	12-25-2009 04:40 PM
[ تبادل اعلاني ] : مـوقع إمـآرآآتي . . بنرآت متنــوعهـ . . وأحجـآم مختلفــه .. بقــي عليك الاختيـآر	محروم.كوم	منتدى أخبار المواقع والمنتديات العربية والأجنبية	0	05-10-2009 01:10 PM
بو شهآآب غيـــر	نبض روحي	المواضيع المكرره	3	03-15-2009 10:29 AM
.::.::. أحــب مــا تــعــمــل حــتــى تــعــمــل مــا تــحــب .::.::.	مزيون بوظبي	الطلاب والتعليم والجامعات	13	04-09-2008 02:13 PM
عـــندما تقفـد القدره على الحب	سيف الكبيسي	الشعر المنقول	7	02-07-2008 11:19 AM