|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته اليكم هذه السالفه القديمه اكثر من ثلاثين سنه مااعرف بالضبط بس اسنين واجد على وقت مكاين البلاكستون والسواقي بعنوان راعي العجراء والفلاح والساقي في سنة من السنين طلعنا نصيد في احد الشعبان لمدة ثلاثة ايام وكان الجو حار جدا وذباب الله يكرمكم اذا بغيت ترمي يدور عينك المفتحه يوقع عليها واذا وخرته عن عينك راح للمنشاف حق الصتميه ووقع عليه ومعاد تشوف الدخله ولا مر من عندك صوته تقول سيارة سباق ااااااااام حتى يبطي مايغير قيره ابنص واحد على انه كبير بثر ووطب من كبره لاوقع على الجبهه يهزع راسك تحت واذا وقع على اذنك اليمنى ميلت الراس لليمين واذا وقع على خشمك صرت احول المهم ضيق الخاطر الحر والذباب قلنا ياولد مالنا قعده في هالشعيب ليه مانروح لمزرعه اندور حدى هالمزارع وندخله وان شاء لله صاحبها مايقول شي حنا ثلاثه ولا معنا صغيرين وماندور الا الصيد توكلنا على الله ومشينا ونلقى ذيك المزرعه الزينه فيها اثل واجد وحنا ندخله وننزل اغراضنا تحت ذيك الاثله والصيد زين وحنا نقعد نصيد ولاشفنا احد فيها ماغير الماء مع السواقي يجري بهدو وحنيه ونسمع صوت مكينة البلاكستون واخذ من الوناسه وسعة الصدر وانا اروح اصيد بالاثل البعيد يوم صيدت ولقى ذاك الساقي اللي يحبه قلبك والماء بارد قلت الا ماغسل ثيابي اللي كلها دم طيور وغبار وانا افسخ ثوبي وفنيلتي وغسلهن على جال الساقي وانشرهن على ذيك الشجره ومابقى علي الا السرور السكري يوم شفته وسخ رحمته واشفقت عليه وحسيت ان ربقة السروال تحكي تقول يابن الحلال مابقى الا اناوالسروال سوبنا خير قلت ابشري بسعدكم مانيب كاسر خاطركم وانا اتلفت يمين ويسار ولاشفت احد ربعي بعيدين والمزرعه مافيها احد وانا افسخ السكري وغسله اشوي يوم قلب لون الماء بالساقي قلت بعد انا ليه مانسدح بالساقي واخذلي دش ساقي وتنضف زين حتى تنشف هدومي وانا اجيك وانسدح بالساقي بهالبراد اروح متر وارجع متر الساقي عمقه شبر وانا عرضي ثلاثه اشبار اثري سديت الساقي وانفجر الماء واشوفه بس مهوب شغلي وانا ماجبت خبر الساقي عقب الغبار لقيت ماء يالله من فضلك الفلاح يروس بعيد عني وماشفته لعل الماء قطع عن الفلاح بالمكان اللي يروس فيه والمكينه شغاله ويوم جاك يمشي الف ويصوت بس ماتوقعت يصوت لي احسبه يصوت لشخص ثاني مابيني وبينه معرفه يوم يصوت لي تركته وقعدت اسبح وعيني له الا الرجال قرب مني ويصوت يقول اطلع لابارك الله فيك اقول الماء قطع وانت اللي طاب فيه يالبطه وهو يمر على ذيك النخله وهو يكسر ذاك العسيب ويجيك ناصين اطلع لاقطع العسيب على ضهرك قلت خلاص ابطلع بس انت وخر هناك ماعلي شي قال مانيب رايح حتى اشوفك طالع قلت لو اقعد بالماء شهر ماطلعت اصل هو يشوف كل شي الساقي ارتفاعه شبر قلت يابن الحلال ابعد شوي تقدير لك لاتشوف شي واذا طلعت ولبست هدومي انا اجي لك وقطع اضهري بعسيبك اللي انت جايبه قال مانيب رايح حتى تطلع انا جايك من مشوار والماء فاجر الساقي قم خلني اسكر اللي انفجر فوق راسك قلت ان قمت مصلوخ تساوت عندي والله لدفنك بالساقي او اخليك ردميه للساقي اللي انفجر بس احسلك تذلف عن وجهي لاقطع عسيبك على ضهرك قال ونت وش دخلكم للمزرعه قلت اذا لبست علمتك وهو يروح وانا اطلع من الماء تقول غرنوق قبيسي واركض لثيابي واخذ ام صتمه وروح شوي يوم جاء وصلح الساقي وصوت لي انت منين جاي ووشلون دخلت قلت انا جاي نزل مع هالطيور من السماء المهم اخذها ضحكه قلت شف تبي تقطع ضهري الحين والا تقلط عندنا قال وين خوياك قلت بطرف الاثل قال شوي وجيكم اخذنا شوي يوم جاء وقعد معنا وعلمت الربع بالسالفه وهو موجود وخذ ياضحك ومن عقبه صرنا نعرفه ونروح في مزرعته نصيد ويفرح لاشافنا نوسع صدره ويجيب معه مقسوم الله من المزرعه انتهت سالفتي وقبل الختام سبحانك اللهم وبحمدك لااله الا انت استغفرك اللهم واتوب اليك تقبلوا تحياتي ارجو السموحه والله اني مستعجل فيها قبل الصلاة
__DEFINE_LIKE_SHARE__
|
مواقع النشر (المفضلة) |
أدوات الموضوع | |
انواع عرض الموضوع | |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
راعي العجراء والمطازيز | محروم.كوم | منتدى أخبار المواقع والمنتديات العربية والأجنبية | 0 | 04-24-2012 12:20 PM |
راعي العجراء في سوق السمك | محروم.كوم | منتدى أخبار المواقع والمنتديات العربية والأجنبية | 0 | 10-31-2011 12:50 PM |
عرس راعي العجراء | محروم.كوم | منتدى أخبار المواقع والمنتديات العربية والأجنبية | 0 | 09-26-2011 02:30 PM |
من سواليف راعي راعي العجراء (ثوب العيد والخياط الباسكتاني ) | محروم.كوم | منتدى أخبار المواقع والمنتديات العربية والأجنبية | 0 | 09-16-2011 02:10 PM |
من سواليف راعي العجراء (عزيمة القعوس لراعي العجراء ) | محروم.كوم | منتدى أخبار المواقع والمنتديات العربية والأجنبية | 0 | 09-10-2011 01:40 PM |