محتاج فزعتكم يا النشاما في موضوع خاص...اخوكم التميمي

محروم.كوم · #1 08-13-2012, 08:10 AM

السلام عليكم ورحمة الله وبركاته

كل عام وانتم بخير يا ربع

وعيدكم مبارك قبل الزحمه

ياجماعه انا كنت متردد كثير واقسم بالله العضيم اني ما نويت اكتب الموضوع هاذا

الا بعد ما تسكرت كل الابواب بوجهي

و الحين ابي منكم تفزعون معي وانا ما كتبت موضوعي هاذا في هلمنتدى الا لثقتني بكم كاخوان لي

يا جماعه الخير زوجتي خريجة كلية اعداد المعلمات عام 1427 هـ

قسم قران كريم ودراسات اسلاميه

وانا تعبت وانا ادور لها على وضيفه وما حصلة

قدمة لها اكثر من مره على ادارة تعليم البنات ولا حيات من تنادي

قدمت لها على موقع جداره قبل 4 سنوات ولا حيات لمن تنادي

قدمت لها على مدارس اهليه وعلى قول المثل وكلن يحوش النار على قريصه

كلن يقول خلو الملف ونرجع ندق عليكم ولا عاد نسمع خبر

قدمت لها على شركات وبنوك وبعضها صار فيها اختلاط وتركناها لوجه الله

وانا ياخوان تسكرت كل الطرق بوجهي

الا طريق المولا عز شانه

وياجماعه انا مابي لا صدقه ولا زكاه ولا احد يسلفني ريال الحال مستور ياربي لك الحمد

بس انا محتاج لفزعتكم يا النشاما ومحتاج ان زوجتي تتوضف ونتساعد على حمل واعباء الحيات

موقعي الرياض وماعندي مانع حتا لو الوضيفه خارج الرياض بس تكون بحدود المنطقه ماعندي مانع

وضيفه حكوميه او وضيفه بقطاع خاص او بمدارس اهليه او بشركه او موسسه ماعندي مانع بس اهم شي مايكون فيها اختلاط ...

تكفون يا اخوان الي يقدر يساعدني بهلموضوع لا يبخل علي

وجعل والديكم في الجنه

اتمنى من الجميع احترام منتدانا الغالي وعدم الاستهزاء لاني اتكلم وانا جاد
ولو ماكنت محتاج لفزعتكم ماكتبت لكم هلكلام

تكفون يا الربع الي يقدر يساعدني او يدلني على وضيفه له الدعاء بضهر الغيب

من شخص محتاج لفزعتكم

ارجع واكرر تكفون لاحد يستهزء او يكتب كلام ماله داعي

ان لم تحترموني احترمو هلمنتدى و القراء الي بيقرون ردودكم

اتمنى من الاداره انها ما تحذف موضوعي

والله اني ما كتبت لكم هلكلام الا لثقتي بكم في هلمنتدى كاخوان

ولكم تحياتي

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فزعتكم يا النشاما	محروم.كوم	منتدى أخبار المواقع والمنتديات العربية والأجنبية	0	08-26-2010 07:10 PM
فزعتكم يا النشاما ..	محروم.كوم	منتدى أخبار المواقع والمنتديات العربية والأجنبية	0	07-19-2010 12:40 PM
تكفوون فزعتكم يا النشاما	محروم.كوم	منتدى أخبار المواقع والمنتديات العربية والأجنبية	0	03-16-2010 11:00 PM
تكفوووووووون يا النشاما فزعتكم......	محروم.كوم	منتدى أخبار المواقع والمنتديات العربية والأجنبية	0	10-11-2009 05:30 PM
يا النشاما افيدوني ابغى فزعتكم	محروم.كوم	منتدى أخبار المواقع والمنتديات العربية والأجنبية	0	07-25-2009 03:10 AM