السسلام عليكم .. حبايبي اعضاء مملكة مكشات :d مفروض نخليها دوله :d حياكم الله جميع وانشالله تستمتعون بالقصه
في يوم من الايام الوالد متخرج من الثانويه وفي ذاك الوقت تو الناس باديه تدرس بالخارج .. المهم ووالله وتدخل في راس الشايب ويكلم جدي :d ويقوله يايبا انا ودي ادرس برا اضمن مستقبلي ومن هالكلام .. يقول الوالد قبل لا اكلمه قاعد يتقهوى .. ويقول يوم قلتله ادور الفنجال الا ماهوب في يده .. اصره عالق في عيني :d ويقولي قم يامال الوجع انثبر بس .. ههههه ويقول وانا اللي تحز في خاطري .. واللي كان على البعثه او اللي ماسكها واحد يعرف ابو الوالد ( الجد ) انا ابلشت الوالد والوالد مدري متى اكتب ذي واشيل ذي هههههههه المهم يقول واروح اكلمه ويروح له ذاك اليوم ويهلي ويرحب تقهو ويتقهوون المهم جا وقت العشا :d يقول الوالد انا شفت الرجال خذته السوالف والقهوه قلت شكله نساني .. المهم وتوهم حاطين العشا ويتعشون ويمشون الرجال بقى هو والجد .. يقول وهو يوم يفاتحه بالموضوع .. ويتكلم ويتكلم والجد ساكت يوم خلص قاله خلصت قال ايه قال اما كلامك فهو على الراس واما ولدي فهو معصي يطلع عند هالغرب وهالكافرين :d الوكاد مشى الضيف وماوعيت الا هو يقول عبيد الحقني السطح .. يقول وانا اللي تنفض ركبي .. مايقولي كذا الا المشعاب بيلعب علي .. :d يقول واروح ويطلع المشعاب وفعلا سواله كبري وجسرين فوق ظهري .. وفتحة نفق :d .. المهم واخليه يومين واجيه من جديد واحب راسه وخشمه واهمز رجيلاته :d:d هذي عندنا بالعايله كلنا تبي واحد يرضى عليك همزه :d ههههههه .. المهم ويقولي وش تبي .. قلتله يعني الولد لاهمز رجيلات ابوه عشان يطلب شي .. قال ايه اعرفك ملعون :d .. قلت يايبه الموضوع اني ابي اروح ومعزم وخلني اشوف روحي واوعدك صلاتي ما اخليها وابغض النظر وماعلي من احد ويقوله وش يوديك اقعد انا اوظفك واعطيك اللي تبي بس اقعد ويقول وانا اللي اركب راسه لين مارضى .. وانا اللي اطير من الفرحه واوصل سطح بيتنا واتعلق مع القمر واسير على كم نجم واعود :d .. واروح اقول للوالده وتبارك لي وهي ضايقن صدرها ماتبيني اروح .. والله واكلمهم واخلص كلش ويمر اسبوعين دقو علي قالو ترا بعد 3 ايام رحلتك .. زهب روحك قلتلهم على خير .. وانا اللي اجمع غريضاتي وانا قاعد اجمع دخل على الوالد وجايب لي 3 اغراض .. سجادة صلاه .. وفلوس .. وقهوه مع دلتها وهيلها .. ههههههه .. المهم يقول جا اليوم اللي بمشي فيه .. وانا اللي اسلم على اهلي واودعهم والوالد هاه كنها حازه في خاطره واجيه واحب خشمه .. قلتله يايبا كانك منت راضي تراني بقعد :d .. يعني مسوي فيها حبتين الواالد .. ويقوله راضي ب 3 شروط .. قلتله وش هي .. قالي صلاتك وغض نظرك .. والشهاده وترا ان ماجبت الشهاده بشغلك على حماره الله يكرمكم في السوق :d .. قلتله ابشر ووالله امشي .. المهم جينا بنركب الطياره .. الوالد يقول ماشفت طياره الا مره وفي التلفزيون :d ..يقول كان مافيه الا قناتين السعوديه والبحرين ههههههه:d .. المهم يقول واركب وانتظر احسبها تطير وخذنا حروة ساعه الا الطياره تتحرك وانا اللي اقوم القط غريضاتي احسبها حولت ويجيني واحد يقولي وين وين قلتله بحول .. هذي نزلتي قعد يضحك وقال تونا ماشين اقعد الله يصلحك .. يقول هي بس اقلعت الطياره وانا اللي تطقني الحوله والصيحه احسبنا بنموت :d المهم يقول وصلنا امريكا بعد عناء .. يقول واشوف العماير والبيوت والعالم اختلفت علي الدنسا يقول انا ما اخبر عندنا كذا اخبر البيت وقدامه صكة تراب وحماره الله يعزكم وحصا قدام البيت نجمعه عشان لاشفنا عصفور رميناه :d .. نرجع لكم مع الجزء الثاني انشاء الله
__DEFINE_LIKE_SHARE__