سعد والهياط والسلوقي والضيف

محروم.كوم · #1 08-04-2012, 09:10 AM

السلام عليكم
في يوم من الايام جاني واحد من الربع مبطي. منه ويقلط علي سلام وعليكم السلام وانا معي واحد من خوياي اسمه سعد مهايطي الف وجهه تقول زنوبه متقلبه المهم والله ونسوي العشا ويتعشى الرجال وندخل في علوم المقنايص والسوالف المهم وهو يقول والله اشتقت أزمانها اول واحنا وصيد جرابيع ومدري وش ويوم ويوم المهم قلتله ابد ابشر بكره نطلع لنا طلعه قالي اانت صادق قلت إيه بالله المهم ووالله ويبيت الرجال عندي وانا اللي اطلع الصبح بحط اكل السلقه وانتم بكرامه ووالله ألقاها رابضه ماتبي القومه المهم يمين يسار وإشيلها واوديها البيطري ويقولي فيها رضه ومدري وش ريحها يومين وتطيب قلتله زين ونسيت خوينا وأعود وألقى خوينا توه صاحي وأزهب القهوه والقدوع ويجي سعد ونتغدا وانا ناسي موضوع الجرابيع والله يوم إذن مغرب ويقول ضيفنا اليوم نبي تتعشى على الجرابيع واذكر الموضوع وانا اللي اتنافض واذكر الموضوع واقوله إيه زين واستاذن منه وادق على خوين لي عنده سلق
آلا وجواله مقفل واروح حوشه مابه احد وانا اللي ابلش ×:r يمين يسار قلت بس رحنا وطي وامسك وجه الشؤم سعد واقوله وليتني ماقلت له وهو اللي يقول بس هذا الموضوع ابشر والله واحد من ربعي عنده السلوقي اللي فعلته وتركته ومدري وش قلتله كفو قال بجيبه وبنقنص به وبنستانس ماعليك ووالله وأخذ ضيفي ونروح لنا في ارض يذكرونها بالجرابيع ونشب الضو ونزهب القهوه :f وننتظر سعد الا والله ذاك الداتسن 93 تسمع صوت كبريتره من اخر الدنيا وهو اللي يجي ويتقهوى وقمنا انا مابعد أشوف السلوقي المهم وأركبه الموتر ويا الضيف ويلحقنا سعد وهو يمشي جنبي وانا اللي أشوف السلوقي وينقلب وجهي اسود وأبرق فيه يمين يسار يارجال اثره جعري والضيف ماشافه ونروح ونلقى لنا اول جربوع ويوم نزل الجعري ويشوفه الضيف وهو اللي يمسك ضحكته ويركب الموتر وانا اللي امسك سعد وأقولب به في الارض واقط جعريه عليه وأقول له خذ جعريك فشلتنا ويقول آفا لا ماهو جعري هذا ابوه فلان قلت اقول عاد انه جعري والضيف يضحك علي وعليك المهم وش الدبره قال اصبر خلني اهده عالجربوع وندور ونلقى لنا واحد ويهده وهو اللي يهج ويخلي الجربوع وأنحاء المهم الضيف مات ضحك وانا حاطت يدي على وجهي وسعد يجي ويقول السلوق ماتدرب ومدري شلون قال الضيف الله يعوضك بمثله ههههههههههههههه المهم ونعود الحوش وأمسكه واحب خشمه واقوله ترا السالفة كيت كيت كيت وهو اللي يضحك ويقول معذور المهم ويوم وصلنا ونتقهوى ونسولف ونضحك على سعد وجعريه ويدخل سعد بعد ساعتين معه حول ال15 جربوع ويقوم ويتعذر ويقول والله مادريت انه جعري وانا مالي خبره ومدري كيف المهم واقوله وشلون صدت الجرابيع ويقول انا اللي صايدهم جمعت اخواني الصغار وصدناهم وقلت بعوضكم :good2:

واحنا ننسدح ضحك وواللله ونزبط لنا كبسه __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حليب الدجـآج والضيف . . ؟ ؟ ؟	محروم.كوم	منتدى أخبار المواقع والمنتديات العربية والأجنبية	0	11-11-2011 10:30 PM
طيري غدء والسلوقي ضاع	محروم.كوم	منتدى أخبار المواقع والمنتديات العربية والأجنبية	0	04-25-2010 12:00 AM
ضيف جديد والضيف في حكمة المعزب	محروم.كوم	منتدى أخبار المواقع والمنتديات العربية والأجنبية	0	04-10-2010 12:21 AM
طيري غدا والسلوقي ضاع	محروم.كوم	منتدى أخبار المواقع والمنتديات العربية والأجنبية	0	06-24-2009 08:00 PM
طيري غدا والسلوقي ضاع	محروم.كوم	منتدى أخبار المواقع والمنتديات العربية والأجنبية	0	06-24-2009 07:59 PM