|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته مرحباً بكم مشرفينا.أخواني.أخواتي .زوارنا ببعض الاحيان وعندما تتذكر ايام الطفوله تستغرب بعض التصرفات ووش الفايده من لعبنا باللي مهوب لنا.. السالفه هذي مر عليها 40 سنه وما زلت اذكر زين الموقف والاحراج اللي تسببت فيه للوالده أطال الله بعمرها ولعمة الوالدها رحمها الله.. الوالده الله يعطيها الصحه والعافيه كان عندها مكينة خياطه وكنا حول الثلث الاخير من شهر رمضان المبارك وقالت لازم تروحين معي للمسجد وبخيط لك جلال صلاة جديد كتشجيع يعني وبنفس هذا اليوم مرتنا عمة الوالده رحمها الله وقالت ان مسجدهم صغير وودها تجي تصلي بمسجدنا ،،فرحت أمي بالعمه الغاليه وقالت لها عندي مصلى جديد وابي اخيط جلال صلاة لك أنتِ وقوافي لا تجيبين شي .. خاطت امي هاك الليله جلالي وجلال العمه ويوم قضت تسحرت ونامت وهي مستعده لبكره و لحضور العمه الغاليه .. يوم جا بكرانا،، قلت لأمي :هو باقي شي من القماش قالت :ايه على المكينه باقي كثير خوذي اللي تبين(لا عادت كنت بسوي مقطع لعروستي) المهم جبت المقص ومسكت قطعه من القماش وهي كما هي على المكينه ما فردته بالارض ولا شي على ساس انه من القطع الزايده وقصيت حسب ما أشوف انه كافي لمقطع اللعبه.. جت العمه الغاليه وافطرت معنا ورحنا جميع للصلاة وامي دخنت جلال العمه بعود طيب تحتفظ فيه للمناسبات المهمه .. ورحنا للمسجد ويوم وقفت عمتنا تبي تلبس جلاله ولا وش تلبس به دويحه وش كبره من الظهر تقل دواويح الرسوب بالشهادات منول ..يوم انهبلت امي وشذا والتفتت علي هاااااااااااه وش انتِ قاصه ؟؟؟ قلت:أنتي قلتي !!! مهوب انتي قلتي خوذي قماش شوفيه على المكينه ؟؟ قالت :l:l:f:f انا قلت قصي جلال عمتي !!! والله ان احيان ربي وطلعت من المسجد لأقص شوشتس الحريم بالمسجد ومعهم عمتي الله يرحمه ويسكنه جنات النعيم قعدو يضحكون وصراحه حسيت بأحراج.. وعمتي حلفت على امي ما تقص شوشتي والحمد لله عيدت من غير خساير.. تحياتي اختكم ..قوافي.. |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة:رسب ثمن سقط..قوافي | محروم.كوم | منتدى أخبار المواقع والمنتديات العربية والأجنبية | 0 | 07-07-2012 01:20 AM |
سالفة:دلال الدلوعه..قوافي | محروم.كوم | منتدى أخبار المواقع والمنتديات العربية والأجنبية | 0 | 05-30-2012 02:30 AM |
سالفة:تيس الأصدقاء..قوافي | محروم.كوم | منتدى أخبار المواقع والمنتديات العربية والأجنبية | 0 | 03-16-2012 03:20 AM |
سالفة:طين جدي.قوافي | محروم.كوم | منتدى أخبار المواقع والمنتديات العربية والأجنبية | 0 | 10-11-2011 08:30 PM |
سالفة:دجيجات.امي...قوافي | محروم.كوم | منتدى أخبار المواقع والمنتديات العربية والأجنبية | 0 | 09-12-2011 12:00 AM |