شارع جميرا

راقيه باسلوبيْ}~ · #1 06-26-2012, 07:42 PM

السلام عليكم

شحالكم عساكم بخير

الا وهو شارع جميرا

بالنسبالي شارع جميرا او جميرا بشكل عام افضل اني اطلق عليها اسم ((مملكتي))

بطبيعة الحال يوم اكون فالبلاد اخطف عليها دايماً لاني اطلق عليها اسم ثاني وهو ((فريجنا))

لكن المشكلة ..!

ان جميرا مب الاولية

خصوصاً شارع جميرا.. اصبح مكان موبوء .. ومرات احاول اتفاداه ولكني انجبر ولا كيف برجع البيت ،،خصوصاً في الويكند
وهذا اللي خلاني انقل لكم الموضوع واحب اني اتناقش فيه وياكم..

بسم الله

--

لم نتخيل يوما أن يتحول شارعنا الوديع الذي كنا نراه من أجمل

و أهدأ شوارع دبي الى أقذر و أقبح و أشرس شارع في الامارات

يتحول شارعنا الذي كان في يوم ما كشوارع خلق الله

الى مكب نفايات لأخلاق بعض البشر خصوصا في نهاية الاسبوع

و الاجازات, و رغم وجود دوريات الشرطة الا ان النفايات

المتحركة تدور في المكان من غير ان تجد لها منفذ,

نفايات محتوياتها الكثير تبدأ من التحرش و تنتهي الى

الاستعراض الغبي.

و مع ازدياد تحول الفلل و البيوت المطلة على الشارع من

الجهتين الى مقاهي تزداد حاويات القمامة أقصد سيارات

الطائشين تماديا في غزو الشارع بعبث ليس له أول و لا آخر.

صدق أو لا تصدق

اللي يبغي يشوف اول سيارة اخترعوها في العالم ايي شارع جميرا

آخر سيارة صرعة ,,شارع جميرا

اكبر سياره في العالم ,,شارع جميرا

اكبر سيارة (الخنبسانه ) في العالم شارع جميرا

اغرب سيارة همر باللون الفوشي في العالم و,,شارع جميرا

ارقى سيارة باللون التركواز,,شارع جميرا

اقبح سيارة بنات زلمات,,,شارع جميرا

اصغر مراهق ايسوق دراجة قوم بو سيكل ,,شارع جميرا

سيارة مشكوكة بكرستال و فولك,,شارع جميرا

سيارة تمشي بريول بني آدم ,,شارع جميرا

سيارة تمشي بشفايف بوتكس,,شارع جميرا

سيارة امخصرة,,,,جميرا

السيارة الصلعاء ام شوارب,,شارع جميرا

الخ الخ الخ

حرام عليكم يا جماعة احنا نستحي نظهر من بيوتنا من عقب المغرب

يستوي عدنا حظر تجول في أيام آخر الاسبوع

من يشوفون وحده اتسوق في هالطريج

يقولون هيييييييييييه هنيه الدنيا و تستوي زفة عرس لين بيت البنية

يعني لازم تتلعوز الوحده اذا بغت اتغير الدرب من الشارع الرئيسي

الى الشوارع الخلفية!!

--
هذا الموضوع كان بقلم بنت

اصبحت البنت اللي تخطف على الشارع هذا مثل الفريسة

ومابعفي اي فئة من المسؤولية .. اولهم شباب دبي ولو اني مب من دبي، وشباب بوظبي ، وبعدهم شباب راس الخيمة وبشكل اقل شباب الشارجة والعييين بعععد

برايكم ،، شو الحل لهالمشكلة ؟

وهذا بعض من ردوود الاعضاااء

آلسلـآم عليكم و آلرحمـه

آمـآنةً آنـآ قمت آخـآف حتى آمر ع شششـآرع جميـرآ

و آنـآ مآلي حـآيه هنـآك غير آني آروح آلبحر وذ ماي سيس + فريند آو مركـآتو آذآ دق فـ آلمزآج

و سمعت كلـآم ع لسـآن وحده عربيه اعتقد اردنيه شي جيه ..

تمينا نرمس عن مناطق و هيك و يبنـآ طـآري جميـرآ ..

جـآن تقول :: [ شـآرع جميـرآ و آلـآ شـآرع آلمغـآزل ]

ويههي قفط ..!! يعني شـ بقوللها .. فـ سكت و غيرت السالفه

====

و نص شبـآب آلـآمـآرآت فـ آلويك آند هنـآك يمكن ثلثهم بعد ..

حتى آني مره سآلت عمري .. آلحين شو هدفهم آنهم ييون هالشـآرع

غير آنهم يغآزلون ........!!!! ........

ترآه آلـآ شـآرع عـآدي لـآ آكثر و لـآ آقل ....

ع آلعموم .. ربي يهديهم و يصلح بالهم

و آلوآحد كم بيرمس و كلامه لا يودي و لا اييب ..

+ يقولون كل مشكله و لها حل .. و آنـآ آعتقد مشكله شارع جميرا اشطبوها من القايمه
لا لها حل و لا هم يحزنون ..

=============================================
صرآحة برمسْ بشكل عآإمْ , عن هآلظآهرهْ
مب الا ف شآرع جميرآ بمآ اني ماروحلةْ
ولآ اعرف شي عنهً الا الاخبآر اللي توصلْ ل مسآمع الجميعْ
انا من كلآم البعضْ عرفت انه حقْ المغآزل
بس بعدً في نقطةْ قآلتهآ وحده فوقْ , انه البنت اللي مآتسوي شي
او مآتعطيْ وية للشبآب محد يقولهآ شيْ

وانتيً الصآدقة الشبآب لو شآفوآ بسً الاسودْ
يمشيْ , خلآص يطيرونْ لآنه كلهمْ نفس التفكييرْ
مآبيقولون والله هآي ف حآلهآ مآبنسويلهآ شي او مآبنغآزلهآ

والله المحتشمةً والضآيعةْ دآم الولد شآف بنتْ
مع الدنيآ السلآم هو وعقلة الغبيْ
طبعآ لو شآف اختةْ ف هالمكآن , وواحد يغآزلهآ
بيلعنْ خير اختهً واللي يغآزلهآ

بس لآنه بنآت النآس عآديْ , ف يسون هآلشيْ
مآيعرفون هآي شو نيتهآ وهم نيتهم خآيسةْ
ومب الا شبآب دبي وبوظبيْ ورآس الخيمةْ و الشآرجةةْ
عذرآ لـ شبآب العينْ ,

مبْ مخلينْ بنت ف حآلهآ , حتى ف المولآت عينيْ عينك
حدث ولآ حرجْ , الامرْ او الوضع هذآ صآر شي عآدي
يعنيْ مع الآيآم بيجبرون الجميع ب هآلتصرفْ
آلسيء انه نتعودً ع هآلظآهرهْ

يعنيً هل هوً ضعفْ ف الوآزع الدينيْ
آو ضعف شخصيةْ
او فآقد حنآن ويروح يدوره عند بنآت النآسْ
او غبآءً وتسليةْ
اوً مرض نفسيْ ويحتآج علآج سريعً

صرآحة مآعرف فآي قآئمة ينحطون هآلشبآب
اللي يسسون هآلآشيآءْ , وترى بدْآ التطورْ
عند البنآت

آلحينْ ببعض البنآت هن اللي يدورن الشبآبْ
مرهْ والله رآيحين المولْ
وخوية يمشي ويآنآ , يعني مآدري لوين وصل التفكيرْ
في بنآت يمشن ورآنآ ويرقمن خويه !

وفوق هآ آنحطآط لآبعد حدْ يقولنْ
يعني يآلس تمشي ويآ 2 عطنآ وية انزينْ
يعنيْ وصل تفكيرهمْ انه حتى الولد اذا
مشىً ويآ خوآتةْ [ بيتحرونهن ربعآتة مب خوآتة ]

جد آنقهرت ذآك اليومْ . وخوية مآسك اعصآبة
لانه مكآن عآمْ والحق ويآ البنت هآلآيآمْ
يعني ف الحآلتينْ , بتحصلْ هالشوآذ
سوآء كآن بنت آو ولدْ

================================================
صدق شآرع جميرآ كآن هآدي قبل وجيهـ .. بسس أحين أإستغفر الله آلعظيمـ ..

من كل مكآن أإييون له يعني مآ أدري اشمعنى هآلششآرع يعني ..؟؟!!

شآرع فيه 3 سيدآت مآ فيه شي زود عن بآقي آلششوآرع غير آلرآدآرآت آللي تيود ع 70

شو يبون ف هآلششآرع أنآ مآ أدري

بسس بصرآحه أخويه آللوم مب كلهـ عآلششبآب يعني آلبنت لو أإتسو له سسسسآلفه

فالولد يعني مآ يصصدق .. ولو أسستوى هالشي ويآ وآحد يتعمم ..

وآلششآرع هذآ يكون ع آخر آلأسسبوع زحمـــه .. أنـآ مآ أقولك مآ أسسير من هنآك أنـآ أسير لآن بيت عمي هنآك شآرعهم هآدي ..بسس قبل لا نوصل شآرع فريجهمـ {مهزلـــــه و مصخرررهـ }

حتى والله أنشوف مرآت أرقآم قطر { ششو مودنهمـ هنآك مآ أدري }؛؛؛؛

آلوآلد حتى يسسألنآ هذيل شو شآيفين ف هآلششآرع ؟؟!!

نطآلع بعضض والله ..

بخصوص هآلموضوع أنـآ سمعت {سعآدة آلفريق ضآحي خلفآن } في آلبث آلمبآششر

أإنهم رح يسسوون حملــه آلحمله هاي تتكون من أشخآص عآديين يعني يبلغون أعتقد عن أي موتر يشوفونه يلفلف في الشآرع ..

شي جيهـ .. وأإن شآء آلله هآلحل يحل مصيبةة هآلششآرع .. لأنه ششي صصدق يقهر ..

حتى عقدووناا كرههننا ان نظههر بسبب هالشباااب اندوور امااكن ماافيييهاا شباااب بسس للاسسف مااشي بس بعض الحداائق يالي ينضموون يووم للبناات وللاولااد >>....<<
اترياا ردوودكمم + التقيييم اذا عييبكم الموضوووع __DEFINE_LIKE_SHARE__

vip^^"" · 06-26-2012, 08:28 PM

صــراحه عيبني موضووعج^^"" .. >> لانه بحصصل حريه فـ الكتاابه و التعبير ..
لـأنه البنااات صرااحه ما يعرفن وين يرووحن فـ الوييكند وربي كل مكاان شبااب >> زين خلوا لنا مكااان على الاقل نستاانس فيه .. اوك قلنا المول بس مب كل الشبااب مره وحده وربي ماا تجوفوا الا وااحد ورااج ويالسه يرقمج نعم خير اخووي امضييع شي ><"".. يعني شو تبوا مناا وربي الحيين انصدم من بعض البناات هم اللي يباادروا بدال الاولاد >> لا بالله اختربناا ><"" ..

عااد الولد ماا يصدق البنت تعطييه ويه >> ها نص الاولاد ماا اعمم ..

و يااخي مشكله لو تجووف ولد ويا بنت يمكن اخته وانت شعرفك انها حبيبته ولا يمكن حرمته زيين اوكييه شوو يخصكـ !!!ماا اظن انه لكـ داعي تتدخل بينهم ..
والله هـ الايام حااله مب بس شاارع جمييراا وربي اول ما تدخلي الموول جي .. المشششكله الكبيره لو ادشي ويا اختج ولا بنت عمج وتتري اخوج ولا ولد عمج ولا اي واحد من العايله قبل ما تدخلي اوووف ققهرر يعني يتمعوا لج الشبااب و يبدوا >> هلا بالحلو .. صوبنا شوي .. ويبداا بالرقم 050******* .. >> يبالي اقووله من زين رقمكـ يعني .. >> خاطري اسويهاا واعطي ليـ الشرطه الرقم اذا صارت لي نفس الموقف ههه ..
.. فـ خااطري اقول واقوول بس منوو بسمعناا >> لو الشبااب "" قووم المغاازل "" سمعوا شكااوي البنااات ..>> وربي ما بهتموا يعني بخصووصكـ يااي تغازل وحده ليش شو بتستفييد وشو بتفيدكـ !!.. >> تراا كل هاا بتتحااسب علييه
..
..
..
تسلميين خيتو على الطرح ^^"" ..
ننتظر يديدج ..
تقبلي شكااي ^^"" .. __DEFINE_LIKE_SHARE__

..بـو قحيــــط.. · 06-26-2012, 10:28 PM

أنا أعترف أولا إني دوم أمر على شارع جميرا وأم سقيم والصفا من فترة للثانية !!! البارحة كنت فجميرا والي قبله !!! بس ولله الحمد ما أروح أقردن فيه ولا أغازل !!! <<< الحين محد بيصدقني هههههههه !!!

.
.
بس صحيح كون منطقة جميرا منطقة سكنية فما يحق لك إنك تسو فيها حشرة وإزعاج ولازم تحترم سكان المنطقة بما إن يحق لهم العيش فيها بهدوء وبدون حركات مغازل أو إستعراض أو تحشيش ومصخرة !!!
.
.
أشوف إن لازم يكون شي مراقبة زيادة من الدوريات على الي يسو فوضى ولا حشرة ويتخالف !!!
والله المستعان على هذول الشباب !!!
.
.
سلمتي على الموضوع !!! __DEFINE_LIKE_SHARE__

عيناوي للأبد · 06-27-2012, 02:01 AM

واللهي الشارع مافي احلى عنه
وانا لازم اخطف عليه كل ويكند .. hhhh

من الاواااادم الي مشوهين سمعة المكان بطريقتهم

مو بس الشباب ..
البنات الحين اخسس عن الشباب ..
وانا اشوف كلام فاضي ..

اما عن المغازل وغيره ..
طبعا الشباب ما بيشوفون وحده بحالها وحاشمه نفسها

وبعدين هاي السوالف في كل مكان
مب بس شارع جميرا
الله يهدي شبابنا وبناتنا ..

يقهروني لما يقولون كل مكان شباب ..

يعني وين انروح ننتحر .. hhhhhh

تشكيرااات راقييييه ... __DEFINE_LIKE_SHARE__

Mraim’ · 06-27-2012, 02:41 AM

//

يعني تبين الصدق عندي ربيعات مطيحات هناك !!
المــشكلة نصهن بس يتمشن ..والفكرة اللي تناخذ عنهم غلط

وبصراحه .. فبلادنا كثرت هالسوالف
مب بس فجميرا الواحد مايعرف وين يسير
اذا سار مول ما خلوه..واذا في سيارته ما رحموه!!
احنــا اقربلنا الممزر !! عاد هني حدث ولا حرج
والله لو بالغلط لو مضيعة لو يايه بس البحر يلحقونج ويرقمونج غصب

حتى سمعة البنية تتشوه لان في هالشوارع هذا ربيع هذا فإذا تكرر وجود البنية تنحفظ بسرعه
وهالشي اللي للاسف مستوي..بحكم ان كلية دبي عدال الممزر..البنات يسيرن يتريقن بين فتره وفتره

وبالنسبة لجميرا ,, يعتمد على اخلاق الشخص وتربيته واحترامه لبنت بلاده .. ونفس الشي للبنت خو مافي مستحى احين ! هي اللي تنزل الجامه وترقم عادي

ماقول غير الله يحفظ بلادنا من شرور بعض اهلها واعمالهم !!! __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
للبيع أرض شارع جميرا الرئيسي	محروم.كوم	منتدى أخبار المواقع والمنتديات العربية والأجنبية	0	01-26-2012 11:00 PM
للبيع أرض في جميرا شارع رئيسي	محروم.كوم	منتدى أخبار المواقع والمنتديات العربية والأجنبية	0	11-27-2011 02:10 AM
شارع جميرا الرئيسي	محروم.كوم	منتدى أخبار المواقع والمنتديات العربية والأجنبية	0	10-03-2011 08:40 AM
مطلوب فيلا تجاري للإيجار شارع الوصل أو شارع جميرا الرئيسي	محروم.كوم	منتدى أخبار المواقع والمنتديات العربية والأجنبية	0	07-07-2010 11:40 AM
مطلوب محل للايجار على شارع جميرا	محروم.كوم	منتدى أخبار المواقع والمنتديات العربية والأجنبية	0	04-29-2010 10:10 PM