مرثية الملك فيصل

محروم.كوم · #1 04-30-2009, 04:50 AM

السلام عليكم ورحمة الله وبركاته

يشرفني ان اقدم لكم مرثية الملك فيصل اللي كتبها حامد العمري

يالبيب استمـع ستـه وخمسيـن بيـت وافيـه
والله لو ما توفي خاتـم الانبيـاء والمرسليـن
وأدرجت فوقه الاكفان وأمس بشبر من البسيطه

واصبح الموت فـرض لازم للصغيـر وللكبيـر
من جميع البشر والجن وملوك عرش الله تموت

مايكن واحد صدق بموت الملك نـور الجزيـره
قائد المله السمحاء وبيـن المـلا يدعـى بهـا

حتى دانت بدين الله شعـوب كثيـره واسلمـت
فيصل الفارس المغوار نـور القلـوب المظلمـه

كل عين بكت من الناس حتى الذي لم يعرفونـه
ياخساره لعين تعرفـه كيـف لـم تبكـي دمـي

ورث الحزن في الاكبـاد ياللمصيبـه والحـزن
نكست لاجله الاعلام عند العدو واهل الصداقـه

واظلم المجلس الدولي على قائـد لـه فيـه دور
كل عضو في المجلس يقل من يعـوض فيصـل

كانت ايده في المجلس مع ايد الـدول متضامنـه
طيب الله ثراه وعظم الشعب بالصبـر الجميـل

وارجو الله لخالد حاكـم بلادنـا يسعـد حياتـه
والفهد والي العهد المظفـر يـدوم لنـا سنيـن

ولوزير الدفاع النصر سلطان بن عبـد العزيـز
والميامين فـي جمـع المناصـب يخليهـم لنـا

يالله انك تأزرهـم بنصـرك وعونـك يامعيـن
أسرة الحق ةالتوحيد يمشون في نهـج الخلافـه

بالكتاب المنزل والشريعة علـى نهـج السلـف
والتكاتف على حمل الرساله على الوجه الصحيح

يحفظون الوفاء والعهد حتى العيـون الساهـره
قد رسمها لهم عبد العزيز المؤسـس للجزيـره

ثم خلف عظيم القدر فيصل ولـه وصـى بهـا
قل حافظ على المظلوم وعلى الفقير اعظم وصيه

واحرص على كتاب الله وسنة رسوله لاتصيـف
فأنت فيصل كما قد قيل ياليت فيصـل فيصليـن

حقق آمآلنا في كل شبر مشى ركـب الحضـاره
كل عام نرى مايسعد الشعـب ويغـم الحسـود

سار شعب السعوديه في اعلى القمم بين الشعوب
ياغبون الوطـن ومواطنـه والذئـاب العاويـه

ما تحدر من اصـلاب الرجـال الثقـاة ولاولـد
مثل فيصل عسى مثواه تلـك الجنـان العاليـه

هذه مآثر البيت السعـودي مناهيـل الشهامـه
ساس مقرن صلاب الشور نعم الرجال رجالهـا

من ملكها بحـد السيـف يـوم الظـلال مقبلـه
والتواريخ تحكي ماجرت بـه مقاديـر الزمـان

والفتوحات في الاسلام تحكـي بفعـل ابطالهـا
كل دوله لها دستورها ودستورهم دين الحنيـف

قالها شاعر يمشي مع العصر في ركاب وحافـي
ماتعديت في الاوصاف والنقـص فيهـا ماتزيـد

واطلب العذر من الشعب السعودي اذا لم يكتمـل
فانها تعجـز الاقـلام خـل اللسـان وهيضهـا

وابتدي بالسلام لحد من ضال من جمع القبايـل
من بني شهر وبني عمـرو ولا أجنبـي رادنـا

كلنا اخوان في الاسلام وفي العـداوه والقضـاء
استمع يالبيب العقل وافهم وصـل علـى النبـي

قالها شاعر يحـذى علـى الـوزن ولا القافيـه
مرحله حاسمه يصعب علـى الذاكـره حفظانهـا

ودمتم بود&&&

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جنية الملك فيصل التذكاري 1976	محروم.كوم	منتدى أخبار المواقع والمنتديات العربية والأجنبية	0	04-25-2010 03:30 PM
للبيع ارض على شارع الملك فيصل ( حى المجاز ) خلف مطعم ماكدونالدز ــ على شارع الملك فيص	محروم.كوم	منتدى أخبار المواقع والمنتديات العربية والأجنبية	0	04-18-2010 09:50 AM
أمطار حي الملك فيصل بالرياض	محروم.كوم	منتدى أخبار المواقع والمنتديات العربية والأجنبية	0	04-15-2010 09:30 PM
للبيع ارض على شارع الملك فيصل (حى المجاز )	محروم.كوم	منتدى أخبار المواقع والمنتديات العربية والأجنبية	0	03-15-2010 05:50 PM
كم نسبة القبول في جامعة الملك فيصل	محروم.كوم	منتدى أخبار المواقع والمنتديات العربية والأجنبية	0	06-06-2009 02:30 PM