تكفووووووووووووووووووووون يارجال ابي القصيدي ذي صوتيه

محروم.كوم · #1 06-12-2012, 10:20 PM

السلام عليكم ورحمة الله وبركاته

تكفووووون ياخواني الشعار ابي القصيده ذي بالصوت

شدني قدام شفته فوق هذيك الزباره
ناطحٍ هب الشمال ومستعــــدٍ للسبي

رافعٍ كفٍ وكفٍ ينتظــــــــــــر رد اعتباره
صالبٍ من فوق وكره ما تقـــــول الا كبي

بين خمس مفرعات وسادسٍ ياخذ يساره
فــــارقٍ عنهن وكـنـــــه بينهن الاجنبي

المهم اني لمحته قبل لنشد وش قراره
وارتبكت وضاع علمي وقمت افرك بشنبي

قمت احسب وش نبيع وكم حده واقتداره
نوب اقول اركد ونوب اقول هذا مكسبي

لو نبيّع كل طير نملكه ماهو خســـــــــاره
ابك هذا لا قنيتــــه عقب هذا وش تبي

وبين قول ورد قول وضعف قلبي وانكساره
التفتت و زر قلبي جــــــــــا شدٍ بعصبي

لعنبوهم فرعوبه شفت قـــدحٍ من شراره
مجهرٍ راسه وعينه جمر من نار حطبي

ثابتٍ كنه خفير ماســـــــــكٍ باب الخفاره
مستردٍ فوق وكــــــره حد زوره مسهبي

منكبه يظهر عليه ويستعيبـــــه فالصداره
اكغص سلــــتٍ جنوبه مستقل ومحتبي

العواتق ما نبيها خلها للى بــــــــــــداره
حاذفٍ برقــــــــــــــع طويره ويتطلع للدبي

ويتمزح في طبوعــــــــــه ويتهزا بالنزاره
وان لقوهـــا وازهموا له هد واقفت تلعبي

خلها للي شقاره كاسرٍ سلم الشقاره
لا اشقرٍ فيه الحمـــــار ولا اشقرٍ فيه ندبي

اشقرٍ صافي لك الله شي يدعو للاثاره
والنحـــــــر كنه مطشر فيه من دم الضبي

افجحٍ كنه اميرٍ فوق كرســـــي الاماره
اجر مزوي الكراع والعرض عرض المشعبي

الوكاد انه بري الذنب من طولـــة وزاره
دام مخلابه شطير ولانـــــــــوى به يعطبي

قبــــل فتره طارحينه شابكينه وبنزاره
وكسروا موســـــــه عاده يوم اجيله يلعبي

فالبحر قزوين جوله من يعشقون النداره
يوم جابه في قطابــــــــــه رافضيٍ ينصبي

ازرقه منهم سنافي كنه يطالــب بثاره
وقال شيتو لي وجـــاوب راعي الطير بخبي

المهم انه شراه وحل موضوعــه واداره
وكفخه واشرف عليـــــــه وقال خيرٍ يكتبي

حي من طيرٍ يحقق في الهقاوي انتصاره
اشهد انه فالمواري من صطاه مشببي

وانا والله من لمحته ضعت واغديت الشطاره
كيف ماأسأل هاللي ادبر راح واقبل له حبي

والمثل ماكب شي وجاب مضمون العباره
قال لا تسأل طبيب وفيه شخص مجربي

رحت يمه والتقيته وقلت يطعمكم خاره
قال شكراً قلت طيب ممكن اسأل لو تبي

قال اسأل والاجابه للتساؤل بإنتظـــارك
قلت وش علمه جاوب قال شــــيٍ يطربي

قلت انا ياخوك توي ماش هذيك الصقاره
ودي اكلف عليك تجيب علــــــــم مرتبي

قال والله لو تشــــــوف وتحلى في طياره
والله لتصفط طيورك حق صيـــــد الارنبي

ابك هذا ما نهده لين تاصلنا اشـــــــــــاره
بإنهم هدو ثلاث طيـــــــــور والرابع غبي

غزها حتي تغطت عن درابيـــــل السباره
فوق هذا فرعو بطيـــــــور وعيت تطلبي

ثم مشينا موجهين بوجهة الخرب وفــراره
وانتزعنا برقع اللي لا نقلــــــــت مأدبي

ساعةٍ فيها يسلطن فالسطاه وفالقشاره
فارسٍ كن العذارا في فعولــــــــه تهزبي

دار مره فوق كفي ثم وقف واصدر قراره
وتل سبقه وانتخيته والحساب محسبي

راح يرقى كن رقيه يوم يرقى بإنحـــداره
ويتلوى كن جمــــــــــــرٍ بالجناح مشببي

ماخذٍ عذروب واحد فيه بالزود الغيــــــاره
وفدقيقه لين خالــــــط فالسحابه مختبي

ماخذينا شوي حتى لاح برقٍ من دغاره
واثر مردي النصيب الخرب بسرعه يدربي

حط في راسه هواه وشب فالمخلاب ناره
وشربه شرب النفود لسيف صيفٍ يسربي

وشعطه فأخر ظهره ولين فصّـــل ....اره
كنه تراحيب يبطش معه السيف الحثربي

وانتثر ريشه علينا وابتدا وقت احتظـــاره
وانتها الخــرب المخضرم قبل دمه يشربي

قلت يحري قال توك عندنا لك كم غاره
قلت يكفي راح قلبي مع ضلوعي يرعبي

قلت حده قال والله ماطمعنا في سعاره
والبكر للشيخ وانا عنـــد هالاشقر صبي

قلت وين الشيخ وينه قال في قصر الاماره
واسأل انت ادنات واحدٍ تصدفه فابوضبي

قلت وش رايك قال انصحك تلغي هالزياره
والله انك لو طلبت الطير والا المنصبــي

لتفوز بمنصبه والله ما همه خســــــــاره
دام طيره فوق كفه فانت صلي على النبي

ظلم الدنيا بعيني وجاب للقلــــــب انهياره
وطحت انا قدام طيره يوم ثنيت ركبـــــــي

اشهد انه شيخ واللي ناقله شيخ بيساره
وقله انه لو يموت الطير يمكـــــن بسببي

اتمنى سرعة الرد

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تكفووووووووووووووووووووون يارجال ورطان	محروم.كوم	منتدى أخبار المواقع والمنتديات العربية والأجنبية	0	07-11-2010 04:30 PM
تكفووووووووووووووووووووون يارجال ورطان	محروم.كوم	منتدى أخبار المواقع والمنتديات العربية والأجنبية	0	07-11-2010 04:20 PM
وسائط صوتيه توصي شي بدون موسيقى - وسائط صوتيه للسفر	محروم.كوم	منتدى أخبار المواقع والمنتديات العربية والأجنبية	0	07-01-2010 05:40 AM
تكفووووووووووووووووووووون؟؟؟؟؟؟؟؟؟؟؟	محروم.كوم	منتدى أخبار المواقع والمنتديات العربية والأجنبية	0	06-13-2010 07:30 PM
يارجال فيدوني ضروري ضروري من يعرف يارجال	محروم.كوم	منتدى أخبار المواقع والمنتديات العربية والأجنبية	0	01-15-2010 09:30 PM