تشخيط ساعه بس اكشن عن يوم كامل - الكويــــــــت

محروم.كوم · #1 05-30-2012, 01:30 PM

السلام عليكم ورحمة الله وبركاته...

اخوكم مخلد المطيري من الكويت..

التقرير عن طلعة قمت بها مع صاحبي بو جاسم (محمد السبيعي) في بحر الفنطاس في الكويت..

انا كنت على قاربي النفخ المزود بمكينة كهربائيه بقوة 55 باوند (2 حصان تقريبا) تشتغل على بطارية 12 فولت 75 امبير كافية لرحلة مدتها ست ساعات. وهذي صورته..

وزميلي بو جاسم يستعمل كاياك ماركة Ocean Kayak طوله 14 قدم وهذي صورته

طبعا طريقتنا في الصيد كانت يا تشخيط أو لفاح... يعني يا نحذف المجارير ورانا ونمشي لين يضرب شي او كنا نوقف ونحذف المجارير ونسحبها من موقع ثبات.. انا عن نفسي احب التشخيط..

طلعة اليوم ما كان هدفها صيد سمك للأكل ولكن السمك اللي يسوي أكشن .. وسمكتي المفضله لللأكشن هي الضــــلـــــعــــــــه!!

اللي صاد الضلعه يعرف انها من أشرس الأسماك في الخليج العربي من حيث قوة وعنف هجومها على السمك الصغير..

وهالوقت من السنة تكون متواجدة بكثر وبأحجام تخوف..

الطلعة وقتها كان من اربع ونص العصر الى ست ونص.. صحيح ساعتين ولكن الأكشن والوناسه كانت تسوى طلعات ست وسبع سااعات ولا فيها شي يذكر..

المجرور أو الطعم الصناعي أو اللعفه الصناعيه المستعمله لونها برتقالي صنع صيني ومن النوع الطافح ولا يغطس حتى مع السحب.. ومن النوع المزعج وله صوت قرقعه تخلي الضلعه يجيها الصمرقع!!

كما في الصورة..

ما راح اطول عليكم بالهذرة الزايدة...

المكان كانت الضلع فيه واضحه وتسمع وتشوفها تبلع في المنجوس والزوري.. وبمجرد حذف المجرور وسط الزحمة تم الابتلاع بشكل سينمائي... بحيث نقزت في الهوا وروااااااسي على المجرور.. خساره ما تم التصوير فيديو ولكن لنا عوده ان شاء الله وهذي اول ضلعه..

وهذا بو جاسم قال ابي تذكارية معاها

وبعد وحده

طبعا الله رزقنا بثنتين والثالثه صغيره ولكن في ساعتين كان الأكشن لا يوصف...

وهذي ختامية على الشاطئ

والصور تم تعديلها من زميل لي محترف تصوير وتعديل صور وهذي النتائج

تقبلوا تحياتي والسموحه على الإطالة

اخوكم

مخلـد المطيـري __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
موقعك كامل متكامل واستلام فى نصف ساعه + هدايااااا فقط بسعر خيالى 99 ريال !!!!!	محروم.كوم	منتدى أخبار المواقع والمنتديات العربية والأجنبية	0	04-13-2012 04:10 AM
موفعك كامل ب 199 ريال مساحه 1 جيجا والتسليم فى نصف ساعه شركه مصريه رسميهب	محروم.كوم	منتدى أخبار المواقع والمنتديات العربية والأجنبية	0	03-25-2012 02:00 AM
[Action] : اكشن توباز + Lucis أول اكشن لي ق1	محروم.كوم	منتدى أخبار المواقع والمنتديات العربية والأجنبية	0	09-12-2011 11:00 AM
نغمة اكشن اكشن	محروم.كوم	منتدى أخبار المواقع والمنتديات العربية والأجنبية	0	12-25-2009 04:40 AM
نغمة اكشن اكشن	محروم.كوم	منتدى أخبار المواقع والمنتديات العربية والأجنبية	0	12-25-2009 04:30 AM