|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
اليوم ابي اقولكم قصة حقيقية صارت مع قاضي قبل حوالي60 سنه تقريبا نبدا ..بسم الله ... القضاة قديما مالهم مكاتب اومحاكم يجلسون فيها، كانو يستقبلون الناس بالمسجد عقب الصلاة او في بيوتهم ويحلون المشاكل بين الناس . وكانو الناس طيبين يرظون بحكم الشيخ لان الشيخ ماله مصالح من وراهم الارضى ربه. المهم قاضينا عينه الملك عبدالعزيز قاضي في احد الديار بالسعوديه وكان عقب الصلاة يجلس بالمسجد ويحل مشاكل الناس على انفراد مع اصحابها . في يوم من الايام عقب صلاة العصر جوه جماعة حوالي عددهم حوالي ال50 شخص وكلهم من جماعتن وحده . جلسو وقالوله ياشخ ..القصة ومافيها ان بنت هالرجال ولد عمها فلان يبيها ...وولد عمها الثاني يبيها وكلهم ملزمين ورفضو يتنازلون وصار بينهم مشاكل وهم عيال عم ولا نبي المشاكل تزيد وتاصل للدم والذبح وكلنا خوان وعيالنا عيال عم . المهم العم الاول قام يمدح بولده ومراجله ويذم بالثاني. العم الثاني قام يكذبه ويمدح بولده وانه احسن من ولد اخوه بالمراجل . وبدة الهوشه بالكلام والمراد على بعض ورفع الصوت . تدخل الشيخ وسكتهم وطلب انهم يجونه بالبيت عقب صلاة المغرب لان المسألة معقده ويبيلها تفكير. وانشالله ييسرها الله. صلو المغرب مع الشيخ بالمسجد .. وراحو معه للبيت وكان عزوبي قام وجهز القهوة لهم وقامو الجذعان من ضيوفه وصبو القهوة عنه . قال الشيخ: ..بسم الله الرحمن الرحيم.. انت يفلان محتار في بنتك وودك ترضي اخوانك ولا تدري وش تسوي . قال ابو البنت :كلهم خواني وعيالهم مثل عيالي والله اني اتمنى ان عندي بنتين ياشيخ وازوجهن هالعيال ولانيب لاقي احسن منهم . بس ماعندي الا هالبنت وخايف تصير سبب علي وعلى خواني بفتح باب الشر.عطنا الشور ياشيخ وحل المشكلة لايجينا شر من ورا هالبنت . قال الشيخ : ماهنا شر ان شاالله .ترضون بحكمي مهما كان . قالو الربع: راضين ياشيخ قبل تقوله عطناه جزاك الله خير . قال الشيخ : اسمعو البنت لهيب لهذا ولا لهذا ( وهو يأشر على عيال عمها ) تطايرت عيون الربع واستغربو وصار كلا يطالع الثاني بتعجب . قالو : منهيله ياشيخ حيرتنا ...قل :director: قال الشيخ : لي انا انا اتزوجها وتنحل المشكلة بينكم ... وتراني ماعندي نية زواج ولا املك من الدنيا شي الا الستر ..وحلا لمشكلتكم وعدم الخلاف قلت لكم الراي هذا . وش تقولون . قامو الربع من مجلسهم وقالو: جتك ياشيخ والله انك عملت معروف وفكيتنا من الشر ..وانت من ناس معروفين وقاضي ولابنلقى احسن منك . قال الشيخ وانت يعيال وش ردكم (قصده عيال عمها الي محجرين عليها) قالو : موافقين ياشيخ والله يسعدك ويرزقنا . خلاصة الكلام الشيخ ذكي وحل المشكل بين الجماعة ..وفكر بينه وبين نفسه وقال ماتهاوشو عيال عمها عليها ووصلت لحد التهديد بالذبح الاهي حرمة فيها من الزين والحكمة وبنت رجال تزوجها الشيخ وكانت نعم الزوجة للشيخ عساني اكون ارضيتكم بهالقصة . __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تهيل&&زواج++العوانس،والبايرالحكيم الروحانيطلب خاص كلمات دلاليه روحانيه تم وضعها مع الروابط 00963943638914 لاسره تسهيل زواج العوانس جلب الحبيب فك المربوط طلبات الاعضاء00963943638914 | جربت ماخبت | منتدى أخبار المواقع والمنتديات العربية والأجنبية | 4 | 01-13-2012 06:43 AM |
لمحبات لقمة القاضي.. يبتلكم جهاز لقمة القاضي | محروم.كوم | منتدى أخبار المواقع والمنتديات العربية والأجنبية | 0 | 06-27-2010 06:40 PM |
للبيع ارقام حلوه واسعار حلوه | محروم.كوم | منتدى أخبار المواقع والمنتديات العربية والأجنبية | 0 | 03-05-2010 06:50 PM |
ابن القاضى ... عروض الأرشفة القوية من شركة ابن القاضى { شركة مسجلة رسمية } | محروم.كوم | منتدى أخبار المواقع والمنتديات العربية والأجنبية | 0 | 02-09-2010 06:10 PM |
توبكات (حلوه أو مو حلوه) قولولي حلوه :) | كويتي | المسنجر وملحقاته , توبيكات , ماسنجر بلس , msn | 28 | 04-08-2008 02:29 PM |