شعـر تحملت التعب لاجلك وانا حملي يهد جبال

محروم.كوم · #1 04-27-2009, 09:10 PM

عفا الله عن خطا غدر الخناجر والضلوع ابطال
باسامح واتركك تحت الظلام الحالك .. الحالك

دخيلك وفر دموعك ترى هدر الدموع اذلال
وترى مافية احد يصبر مثل صبري بغربالك

انا عيب على انقض كلامي ,والرجال افعال
واذا قلت اقطع حبالك ..تراني بقطع حبالك

عشان اكسب هدب عينك تجرعت العذاب اشكال
وليتك ترأف بحالي علشان ارأف انا بحالك

مسوي في حياتي شي .. مايذكر ولا ينقال
حتى العدو وأهو العدو .. مايعمل اعمالك

تمسيني على الهم وتصبحني على الغربال
تقلطني فناجيلك .. وتقصر عني دلالك !!

تحملت التعب لاجلك وانا حملي يهد جبال
رحلت من العذاب .. وماوقفت الا على جالك

علامك كلما أجيك متواضع جيتني تختــال
معاك اليا متى باصبر .. وصبري معك يحلى لك

مثل ما اقبلت لعيونك لزوم تلدلي باقبــــال
ومثل ماقد حشمتك , حس واحشم قلبي اشوالك

انا محد (ن) بجابرني اساير معك هالمنوال
ترى ماني تبيع لك .. ولاني اصغر عيالك

انا جيت اعشقك : نبض ومشاعر , مااعشقك تمثال
انا جيت اسكنك واحياك وابقى فيك , وابقى لك

انا جيت بظما عاشق تعب يطرد سراب اللال
انا جيت استفز رضاك ..من فرقاك والجالك

انا ماهمت بك عاقل انا كنت اعشقك بخبال
انا ماكنت احبك حي .. انا كنت اعشقك ..هالك

تخيل من كثر ماخفت تلقى للزعل مدخال
اخاف اخطي على طيفك وادوس برجلي ظلالك

تبعتك .. والعرب تتبع رعود البارق الهمال
وانا شفت المطر .. يتبعك في حلك وترحالك

ياليت اللي خلق حسنك خلقني مع جسدك ظلال
وصرت اقرب جسد يمشي معك بقفاك واقبالك

ابي قلبك يحس انه فقد .. بمحبته رجــــال
ملكته من هدب عين .. وخسرت ارضاه باهمالك

صحيح ان الفراق اقسى ولكن الوصال محال
وانا صعب على ارضي غرورك .. واضعف قبالك

بعد ماحققت عيني فبعدك للرقاد امال
اعود للسهر ؟ ياخوي فال الله ولا فالك

ببدل نظرتك فيني .. واجي لك كل يوم بحال
باكون اقرب من ثيابك عليك .. ولا اتهيالك

بلمك ,وانثرك ,واجمعك ,وارجع انثرك باهمال
باخونك ,وازعلك, وارضيك ,وازعل منك وارضى لك

ابرسم بالثرى وجهك .. وابدفن صورتك برمال
ابشكي للعرب فرقاك .. وابضحك عند عذالك

ابهديك الوصال :فراق .. واهديك الفراق وصال !
بسوي مثل ماشوفك تسوي ..وافعل افعالك

عشان تعرف من فينا الزعول .. ومن وسيع البال
ابيك تذوق فنجالي .. وانا بذوق فنجالك

نصيحة احتفظ فيها قصر معك .. الزمن أوطال
ابي تسمع كلامي زين .. وتحطة عـــلى بالك ..

اذا حبك اهبال أطفال .. لك عندي هبال أطفال
ولا .. وابشر بعد بهبال حب ماهو بهـــبالك

اذا قصدك تهين اســـمي عشان تشمت العذال
ترى لا انته ولا غيرك .. ولا عشرة من اشكالك

من روائع حامد زيد
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ شعـر × شعـر ] .... ادخل وحط بيت من ابياتك المفضلة ... !	محروم.كوم	منتدى أخبار المواقع والمنتديات العربية والأجنبية	0	08-03-2009 04:50 AM
ثيمآت لسوني اريكسون [ 3 ثيمآت new ] ^^	●● 5аηƒσσš ●●	هواتف , مسجات , وسائط , برامج , ثيمات , نغمات , بلوتوث	23	04-09-2009 04:36 PM
يخسي قلبي كان لاجلك يذلني	the_small_lady	شعر و خواطر	8	03-02-2009 05:28 AM
أبـي عقب التعب راحـه.. لقى فيني التعب راحــه<<من اروع ماقرأت	دبر عمرك	الشعر المنقول	12	11-14-2008 03:21 AM
التعب ماهو تعب جسم وعظام التعب لما تحب وتنجرح !!	ємαяαтya Kαsн5a	هواتف , مسجات , وسائط , برامج , ثيمات , نغمات , بلوتوث	21	06-04-2008 02:02 PM