*******( شريت جهاز ايكم وشوفو وش جرا علي )********

محروم.كوم · #1 05-12-2012, 01:50 AM

القصه والرابط

بسم الله الرحمن الرحيم
اخواني في منتدى مكشات العريق السلام عليكم ورحمة الله وبركاتة
ياربع صلو علي النبي اللهم صلي وسلم علي نبينا محمد وعلي اله وصحبه اجمعين
اولا شي الحمد لله والشكر له ثانيا اشكر الاخ هزاع ابومشعل الله يجزاك الف خير
الموضوع ياربع اني شريت من واحد اسمه صقار الحماد دربيل وايكم 2100 بقيمت 2500 ريال وشرط علي ان مايسحب الفلوس لين استلم الدربيل والايكم وتكون سليمه وخاليه من العيوب وحولت عليه المبلغ بعدها بيوم كلمته قلتله ارسلت الاغراض قالي ارسلتها قلت له عطني رقم الارساليه
قالي انا في البر واذا رجعت برسلها لك مع العلم اني دقيت علي زاجل اللي بقريات وافادني ان مافيه احد ارسل الى المجمعه شي ورجعت كلمته ولقيت جواله مقفل يومين ثلاث ايام الى الان والجوال مقفل
كلمت واحد بنك ابو حاتم999 يوم رد علي طلع رفيقي صقار الحماد تلخبط اشوي قلتله تعرف واحد اسمه صقار الحماد قالي نعم اعرفه يقربلي امر تبي شي منه علمته السالفه وقالي ابشر عندي
كلمت ابومشعل وشرحتله الموضوع وقالي اصبر وصبرنا ولا ارسل شي عطاني رقم له يقول انه سايم له طير
طلع نفس رقم ابو حاتم اللي يقول يقربلي ارسلي واحد اسمه عز نجد بيض الله وجه وعطاني نفس الرقم اللي عطنياه ابومشعل وقالي ترا هذا رقمه
والمشكله /انه بايع الجهاز لواحد ثاني قحطاني وهو قد عطاني النيه وكشفت الامر بعد ماحولت المبلغ مشيت الموضوع اني ماكشفته وسئلته عن صقار الحماد قلتله ليه ما ارسل الاغراض ؟
قالي انه موقف عند اخوياه وهوه عسكري مع العلم انه متسبب حولت انه يرسلي المبلغ وقال ابشرهذي فزعه مني لك قلتله طيب والله ياربع اسبوع وانا اكلمه طيب اصبر اببيع طير عندي علشانك ولاشفت شي وعرفت ان الفلوس
مراح تجي وعرض علي ابومشعل فكره اني ادور واحد يعرض طير ونحاول انه يشتريه قلت بسم الله طيب من له حيله فل يحتال قلت يابوحاتم فيه طير فعله من تركيه وارسلت له الصور قال ابيه قلتله ان سعره 3500قال خلاص شريت قالت لو بقوله حوال الدراهم يبي يدري اني ابجحده قلته لا اسمع انا بدفع لرجال فلوس الطير وانت تستاهل فزعتلي ضد صقار الحماد بس حولي 2500 حقت الدربيل وقيمت الطير بعدين اتفاهم انا وياك على الطير
وبرسلك الطير مع واحد يوصله لك بس عطه 700 ريال قيمة التوصيل قال مامعي 700 قلتله بدفعها وهذا رقم الرجال اللي يوصل الطير كلم الرجال وقاله الطير معي وانا ماشي وبكره عندك
المشكله اقواله ان صقار الحماد اسمه فالح ويقول لا اسمه حمدان
قلتله اسمع الطير وبالطريق وانت ماحولتلي المبلغ والوكاد حول المبلغ البارح الساعه 3 الفجرويدق علي ويقولي الرجال مجاب الطير قلتله ياخوي انت سرقتني بنصبك وانا اخذت افلوسي منك بالحيله
ياربع والله ثم والله ان هذي السالفه من البدايه الى النهايه
وهذا من فضل الله سبحانه وتعالى قدرت تمشي عليه الحيله

وبيض الله وجهك ياهزاع ابومشعل
وسود الله وجهك يا فالح فندي فالح الصقرى
وتكرم قبيلته اني اذكرها الذنب ذنبه هو قبيلته كرام وحشام
جولته/0564898828/0508220909/0566980444
ونك نيم صقار الحماد (برقم 0564898828 ابونواف)
ونك نيم ابو حاتم999(0508220909 ابوحاتم )
ولاكلمته على ذا قال معك ابونواف ولاكلمته على الثاني قال معك ابوحاتم
والرقم الاخر 056698044 ماعرفنا توه نك نيمه
الله يعين على ذا النوعيه ذي
الرابط لمن يريد
http://www.mekshat.com/vb/showthread.php?t=504331
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطلوب جهاز ايكم 2100	محروم.كوم	منتدى أخبار المواقع والمنتديات العربية والأجنبية	0	04-08-2012 01:30 PM
جهاز ايكم 2100مستعمل	محروم.كوم	منتدى أخبار المواقع والمنتديات العربية والأجنبية	0	08-23-2010 04:00 AM
مطلوب جهاز ايكم	محروم.كوم	منتدى أخبار المواقع والمنتديات العربية والأجنبية	0	06-19-2010 02:10 PM
مطلوب جهاز ايكم	محروم.كوم	منتدى أخبار المواقع والمنتديات العربية والأجنبية	0	06-19-2010 01:50 PM
جهاز ايكم للبيع	محروم.كوم	منتدى أخبار المواقع والمنتديات العربية والأجنبية	0	08-21-2009 06:10 AM