سالفة اللعب بالسلاح قبل20سنه

محروم.كوم · #1 05-09-2012, 01:50 AM

<div><div align="center">السلام عليكم
دخلت هالخيمة وشفت بعض السوالف واعجبتني
قلت لازم اقول اي قصة صارت لي مادام اني قريت اكثر من قصة هنا
والفكرة من هالخيمة تبادل السوالف والقصص

هالسالفة عام اتوقع 1413هـ
كنت مغرم بالقنص والصيد الى درجة الجنون ووقتها كان عمري 14
كنت انام 9 الليل عشان اصحى الساعة4 الفجر واروح للشعبان واتصيد مع طلوع النور الخويرات والمريعي والفريرات الى هي السمان والحمام النزل وكانت هالفترة مع طلوع سهيل, وكنت من الناس الى يحبون يقنصون لحالهم, اصحى الفجر والموتر اكون مدخلة بالبيت وفيه ساكتون+شوزل ام5 +وصتمة85
كنت اتقابل انا وبعض العيال بالشعبان والجيان بعد الظهر وسوالف وننزل بعض الى صدناه ونطبخة او نشوية ويمكن هالجمعات بالاسبوع مره اذا تصادفنا
طبعا الصيد غثى مرتن ينفقع كفر ومرة اتعلق واجلس ساعتين ثلاث وكل يوم على هالعادة لان الشعبان فيها شوك ويلعب بالكفر بس مع الوقت عرفت علاجة اخذت رقعة ومع الوقت صرت خبرة برقع الكفرات التيبولس
الوكاد اني كنت احب الصيد لحالي واستلذ فيه
تقابلت انا واربعة من العيال بالليل قالوا انت وين تروح تقنص وتتصيد قلت غرب الشعيب قالوا متى تطلع قلت الفجر
قالوا اوكي بكرة بنتخاوى
قلت تم
المهم ومن الساعة5 وانا مسنتر عند باب واحد من العيال انتظره
واطق الباب وتطلع عجوزة قالت نايم قلت صحوة
ويصحونه وانتظر لين طلعت الشمس وفكرت اني اروح بس قلت مادام اني مواعدهم بنتظر
وانتظرة الا هو طالع ومعه بندقة ومعه اخوه الصغير يمكن عمر اخوه الصغير 9 <font size="4"><b> او 8 سنوات ويركبون على موترهم ويتبعوني ونمر واحد من العيال ثاني ويركب معي ونمر الثالث والا هو مقفلين البيبان قلت يالربع هذا شكله راح للرياض او انه نايم ولا في احد يقومه ولو طقينا الباب لبكرة ماهو ساامعنا
ونحرك متجهين للشعيب
الا فيه واحد من العيال بس ماكان بينا موعد بس هالولد لعاب مع انه اكبر منا بس عقلة اصغر عمره حوالي17 وقتها الله ذكره بالخير
ويشوفنا عند المحطة قلت للعيال يالربع فكونا منه
حنا رايحين نتصيد ولا حنا رايقين له
المهم وياشر لنا ونسحب عليه
ولحقني واسوي اني ماشفته ونروح للشعيب من ورا وهو عرف مكاني الى اروح فيه وجانا من قدام الشعيب
ويوم وقفنا الا هو موقف بس من الجهه الثانية للشعيب
وننزل ونزل العزبة الماء والدافور وكل شي واروح انا للطلح وحط الله ان معي الصتمة الهوائية ماهي الناري
والهوائية حقتي 85 قوية وابعد عنهم والا خوينا الى انحشنا عنه الا هو موقف موتره الجهه الثانية للشعيب وجاي للعيال قال ليش ماوقفتوا لي
قال اكيد ان الدب ماوقف هو السبب
وياخذ بندق واحد من العيال ويرمي فوق الشجرة الى انا تحتها
وانا ارتعت لان الرصاصة قريبة من راسي وهم بندقهم قوية بعد95
وارمي فوهم
ويرمي فوق
وارمي فوقهم على جذع الطلحة الا هم يصارخون
وارمي ثانية والا واحد يركب فوق الكبوت ويصايح ويطبح من الكبوت على الارض
انا وقتها تركز شعر راسي قلت عسى مافقعت عين احد او شي والله يوم نشف ريقي
لاني قلت اكيد ان احد فيه شي منهم بسبب هالرصاصة
واجيهم اعدي
الا الى اقول انه جاب اخوه الصغير صدرة كله دم
قلت يالربع سالم ترا رصاصة هوائية
وهو يطالع فيني وارتاع من الدم يحسب الرصاصة دخلت بصدرة
ويغشى فقد الوعي
واخوه يرفع يد اخوه وراسة واخوه مايستجيب له
قاااااااااااااااااااااااال ذحبت اخوي مالي الا هو
عمر الصغير الى يحكي علي 8 سنوات او9
قلت هذا والله البلشة

قلت لخوينا الى منحاشين عنه حسبنا الله عليك
والله اني منحاش عنك مير لحقتنا الله يلعنك
والا صدر خوينا كله دم واخوه يقوم ويطيح ويصايح ذبحت اخوي ذبحت اخوي
وين بروح
بعلم ابوي والا امي اذا درو وش بيصير فيهم
هالورع ذبحني بكلامه لما قال ذبحت اخوي مال الا هو
والله ااقرب موتري قلت شيلوه بسرعة ويتشاقلونه معي على موتري
ويوم بغيت امشي قلت
ياولد يمكن انه مات ويجون الشرطة ويمسكون وسجن وملعنت والدين
قلت ياعيال مادام موتركم اقصد خوينا الى انحشنا عنه بالجهه الثانية
الديرة اقرب لك مني
وانا بجيكم بالمستشفى والا بروح للبيت وانتم اذا خلصتوا تعالوا عندي بالبيت
واخوه اقلقنا يصايح ويصارخ ويبكي وكل شوي طايح علينا
ونتشاقله للموتر الثاني ويرحوون العيال الباقين على موتر الى انصاب يتبعوني على موتري
والله وادعس وهم وراي والا هذا خوينا الى مريناه اخر واحد من العيال وبيتهم مقفل الا هو ناطحنا ونشر له قلنا خلاص بنرجع الواعد بيتنا

قال وراكم بدري الساعه8
قلت خلاص يارجال ماحصلنا صيد
ويرجع وراي
والله واول مادخلنا الديرة واوقف قلت لهم روحو للمستشفى للعيال وانا بالبيت
طمنوني اذا خلصتوا
وادعس للبيت
وانا اقول ياولد
ذبحت الولد

وتخطر على بالي اشياء الله لايجيبها يارب
واتذكر في ناس صارت لهم سوالف اما قتل او غيره
وكان اتجاهمم للعراق

اذكر ثنين تذابحوا وكلهم انحاشوا للعراق واحد مات قبل العراق غرس وكان بالصيف ومات الله يرحمة والثاني انمسك على الحد
قلت ياولد
ورا ماتدز بس للعراق خخخخخخخخخخخ
ورب الكعبة يالربع كل ماتذكرتها متت ضحك
والله اروح للمحطة وافلل الموتر
وقتها انا مرتاع ولا ادري وين اروح الرجال نشيلة بين يدينا مغشى مغمى عليه
وانا 90% اقول انه ميت بس اتظاهر للعيال ولاخوه انه حي
قلت يابوي العراق العراق
وقتها انا صغير عمري 14 اي عراق واي خرابيط مسوي اني الجرية بالغصب
والله وارجع للبيت بعد مافللت الموتر واجي البيت واخذ 350 ريال طبعا
سرقة من البيت قلت مابدهاش لزوم الطريق
واجي بعلم الاهل بالسالفة قلت اذا درو بياخذون الموتر وبينادون ابو الولد والا الشرطة
ووقتها انا خايف واحس مافي وقت افكر
والله واطلع من البيت والفلوس بمخباي حاط رجلي للموتر الا السيارات الى عند الباب لمحتهم وانا جاي من باب الرجال
قلت يلعن اووووووووووم النكبة مسرع جو فكرته ابو الولد وعيال عمه
مع ان حنا كلنا عيال عم بس الراعة شينه
قلت يابوي باخذ الموتر وبحط رجلي خلهم يلحقون بنحاش بر وكلها ساعة ويوقفون __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أستفسار يـــاهلالخبره بالسلاح	محروم.كوم	منتدى أخبار المواقع والمنتديات العربية والأجنبية	0	09-26-2010 06:50 AM
إحباط محاولة سطو «بالسلاح الأبيض» بالشارقة	bent_elgalya	اخبار محلية و عالمية	10	02-20-2010 10:46 AM
حركة خلاص - سنواجه السلاح بالسلاح	محروم.كوم	منتدى أخبار المواقع والمنتديات العربية والأجنبية	0	12-13-2009 04:40 PM
حركة خلاص - سنواجه السلاح بالسلاح	محروم.كوم	منتدى أخبار المواقع والمنتديات العربية والأجنبية	0	12-13-2009 04:30 PM
الخليفيون يهددون بقتل البحرانيين بالسلاح	محروم.كوم	منتدى أخبار المواقع والمنتديات العربية والأجنبية	0	11-28-2009 05:00 AM