حاولت بس ماقدرت - .·:*'*:·.استراحات زايــد.·:*'*:·.

سلمى · 01-28-2008, 03:25 AM

الأنسان منا يعيش حياته ، وسنين عمــره ويتعود على أمور مع الوقت
تصير عادة متأصله فيه ومايقدر يودرها بسهوله ..
والغالب هـ الأمور نمارسها بشكل يومي مع الناس الي حولناا ..
انا هني مارمس عن العادات الطيبه فلأنسان والمحببه عند الناااس
بالعكس رمستيه عن العادات السيئه والصفات المذمومه

:: مثال ::

1- ريال عصبي من لما كان صغير مع مرور الأيام بتزيد عصبيته لو ماحاول
يخفف منها أو يدور ع العلاج المناسب ..
2- حرمه دوم ترمس عن فلانه وعلانه وماتعرف تمسك لسانها عن الغيبه
والنميمه والعياذ بالله ونفس الشي مابذلت أي مجهود للتخلص من هالعاده ..

أغلب هاي الصفات يروم الأنسان يتخلص منها ف بدايتها بس يوم
تتاصل ف النفس يصعب عليناا التخلص منهاا

بذكر قصة تعزز كلامي /

كان هناك طفل صغير في التاسعة من عمره ..
أراه والده زجاجة عصير صغيرة وبداخلها ثمرة برتقال كبيرة ..
تعجب الطفل ؟!
كيف دخلت هذه البرتقالة داخل هذه الزجاجة الصغيرة ؟
وهو يحاول إخراجها من الزجاجة ..
عندها سأل والده كيف دخلت هذه البرتقالة الكبيرة في تلك الزجاجة ذات الفوهة الضيقة !؟
أخذه والده إلى حديقة المنزل وجاء بزجاجة فارغة ..
وربطها بغصن شجرة برتقال حديثة الثمار !
ثم أدخل في الزجاجة إحدى الثمار الصغيرة جداً وتركها ..
ومرت الأيام فإذا بالبرتقالة تكبر وتكبر حتى استعصى خروجها من الزجاجة !!
حينها عرف الطفل السر وزال عنه التعجب ..
وقتها قال له والده يابني سوف يصادفك الكثير من الناس ..
وبالرغم من ذكائهم وثقافتهم ومراكزهم ..
إلا أنهم قد يسلكوا طرقاً لا تتفق مع مراكزهم ومستوى تعليمهم ..
ويمارسون عادات ذميمة لا تناسب أخلاق وقيم مجتمعهم !
لأن تلك العادات غرست في نفوسهم منذ الصغر فنمت وكبرت فيهم ..
وتعذر تخلصهم منها مثلما يتعذر إخراج البرتقالة الكبيرة من فوه الزجاجة الصغيرة ..
وأيضا هناك أشخاص يضحون بمبادئهم وقيمهم ؟؟
وأخلاقهم من أجل الوصول إلى أهداف لا أخلاقية !!
هنا تكمن المصيبة في أن يضحي الإنسان ..
بقيم نبيلة دائمة من أجل متعه حياتية زائلة!

الخلاصة /

كل عضو يذكر عاده سيئه حاول يتخلص منهاا سواء قدر يتركها أو لا ؟؟

والسموحه ع القصور أخواني

دهـــ العووود ــــن · 01-28-2008, 05:38 PM

سلام علييييييييييج ...
شحالج عساااااج بخييير سلموووه ...
يشرفني اني اول وحده ترد على موضوعج ..

والله انا من كنت ياهل فيني عاده اكرها من الخاطر ..
يوم اعصب اي شى عدالي لازم افره ...انشالله زجاج ....
المهم اسمع صوت عالي وانه شى تكسر ...
مره كنت بروح الصبح المدرسه وتضارب مع اختى ..
قمت انا ما سكه العطر في يدي كسرته وتناثر في الحجره كلهاا ..
وصلت حبات الين الباب ..نصدمت ...يالست القطهم ...رحت المدرسه
ولاجنه استوى شىء ...بس خفت من الصوت ماعرف ليش ..
الحين تندمت اكسر شىء زجاج ....بس

ثانكسوووووووووو على الموضوع نترياا يديدج ..
اختج:دهن العود

Qanes ALreem · 01-28-2008, 07:37 PM

][®][^][®][عليج السلام و الرحمه ....][®][^][®][
والله كل انسااان له العديد من العادات السلبيه اللي ما يقدر يستغني عنها ...

بذكرج شيئين فيني احول اغيرهم بس ما قدرت للحين :::

1- الاستعجال خصوووصا وقت الامتحان , يعني انا ايلس ف القاعه نص ساعه بالضبط , وعقب اطلع , حتى لو ما حليت شي ...

2- يوم اعصب و اتنرفز منشي , اول شي اسويه اسير صوب اقرب باب واشوته شوت , يعني اطلع حرتي فيه , نص بيبان بيتنا تكسرت مني ..

بس لين الحين ماقدرت اودر هالعادات ...

تسلمين سلمى ع الطرح المميز ...

تقبلي مروووري ...

][®][^][®][Qanes ALreem][®][^][®][

حرف الذهب · 01-29-2008, 01:18 AM

وعليكم السلام ورحمة الله وبركاته

يا مــــــــــــــــــ،،،،،ـرحـ،،،ــــــ،،ـــبـــاالس اع بالشريكــــــــــ،،ــه

طولي بعمــــــــــــــرج احم احم عصبيتي كانت مشكله بالنسبه لي
يعني من اعصب مستحيل اتمالك أعصابي
لين مـــــــــا اطلع كل غيضي وهزء لي غلط عليه وعااادي اكفخه ان مد ايده
يعني لو شي بسيط بعصب وبشط عمري عليه وبتم معصب لي كم يوم

ما اقولج الحين اتنازل عن حقي لا بس اقدر اسيطر ع نفسي
ولو الشي بسيط ما بهتم به

وان يتني زله من أهل العيب ما أعتبرهاا عيب
وبزعل وبحط بخاطري من رمست الانسان لي يهمني بس

مشكووره ع الطرح الطيب
سلمت يمناج وشررفني تواجدي بين صفحاتج خويتيه

ظبياني عكس القانون · 01-29-2008, 01:30 AM

انا ابي اتخلص من عصبيتي

ومشكوره عالموضوع

ورد جوري يفوع وجناته · 01-29-2008, 02:06 AM

وعليج السلام ورحمة الله وبركااته
والله الصرااحه انا فيني عناااااااااااااااااااد مستعصي من الله خلقني لين يومنا هذا مرااات يوديني في 10000000000000000 داااهيه بس شو اسوي مزاااااااجيه اكثر من اللزوووم و فكرت اني اغير طبعي بس ماااقدرت خلاص احسه مني وفيني جزء لا يتجزء مني فصيلة دمي عنيدة(( شو الحل ))) ؟؟؟؟؟؟
أريد حل!!!!!!!!!!!!!!
يسلمووووووووووو الغاليه والله يعطيج العافية ع الطرح الغااااوي

حمامة · 01-29-2008, 03:27 AM

وعليكم السلام ورحمة الله وبركاته

انا عني فيني طبع ماحبه هو اني ازعل بسرعه
يعني لو رربعي مثلا قالولي شي بس بمزح ازعل
هالشي اللي ماحبه فيه وبعد العصبيه ومتسرعه وايد
وساعات اسوي أشياء بدون ما أفكر في العواقب..

وتسلمين عالموضوع الحلو ^^

*نظره مني تسدك* · 01-29-2008, 08:58 AM

علييييييييج السلاااااااام والرحمه
مرحباااااااا والله بسلموووه شو هالموضوع الغاوي كالعاده طبعاااا..

تعرفين شو مشكلتي اني مــــــــــــــــــــا اعصب خخخخخخخ بس ناااااادرااا
لوووووووو شووووووووو يعني في البيت ان عصبت وهذا نادرا طبعا من سبب قووووووووي يستوي شي يقوووولووون اخواني ولا خواتي
اخيرررررررررراااا عصبتي
وبعد يقولون عني بارده دمي بارد ما اعصب إلا بطلعت الروووح

يختي طيبه زياده ع اللزووم خخخخخخخخ كني مدحت عمري ههههه

تسلميييييييييين الغاليه ع الطرح الغاوي نرقب الزووود منج تقبلي مروري

..عزت نفسي.. · 01-29-2008, 01:43 PM

ممـ انا عصبيه ..

مب مب دوم ..

يعني هاديه بس اذا عصبت عصبت ..

و اي شي في ايدي اعقه ما ايخصني ..

شو ما كان ..

ياما كسرت لاب توبات ..

و امسات كاسره كمرتي ..

خخخـ ..

و ثاني شي ..

اللي اباااااااااااااه اييبه .. ما يخصني ..

اباه يعني ابااااه ..

شو ما كان اي شي ..

تخيلوا اي شي ..

يعني ممـ مب عناااد ..

بس جي ما عرف..

^^

احـــاول اتغير ..

بس ما اقدر ..

لوول ..

ثانكس ..

النعيمي · 01-29-2008, 04:06 PM

وعليج السلام ورحمة الله وبركاته

والله بالنسبة للعيوب اللي عندي تتمثل فيما يلي ...

-- العصبية--
مشكلتي عصبي وااااايد ، ومن النوع اللي آخذ موقف بسرعه
يعني انا احكم ع الشخص من اول موقف ، واذا شفت عليه شي غلط
لاقدر الله آخذ موقف ..
وعندي موقف استوى وياية من فترة هب بعيد ...
كنت اتمشى مع ربعي في القرية العالمية ، المهم وكان هاك اليوم فرقة سورية
ومطرب ، وهو يغني يقول " يلااا يابنات ارقصوا، يلاااا يابنات الإمارات"
وسيدة عفدت له المسرح وضربته ، لأني بصراحه مارضى ع الغلط
ماداني اشوف غلط واسكت ( من ماكان ) ...خخخخخخخخخ..

انا حاولت اخوز ها الشي من صوبي بس ماروم اتمنى ابتعد عن العصبية
لأن الرسول صلى الله عليه وسلم اوصانا بــ ( الحلم عند الغضب)..
0
0

واتمنى ماكون ثجلت عليكم في الرد
0

اخوكم/ النعيمي