|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
حياكم الله مشرفينا الكرام ياهلا باخواني وأخواتي المكشاتيه وزوارنا الكرام هذي السالفه عن بغبغان كان جاينا هديه من لبنان من صديق للوالد ايام زمان وكان اول مره نشوف طير كبير غير الصقر.. صوته حدث ولا حرج من الازعاج وكان مثل اللي مهنته التصفير وتقشير الفصفص والفلفل وتطيير القشور يمين وشمال.. هذي صوره اخذتها من النت وهي نفس المليح اللي كان عندنا.. كنا مسمينه سن كويك .. سن كويك كنا نصك عليه بعشه صغيره وشبك عادي مثل عشش الحمام وما قد قعد الشبك اكثر من يومين ثم يقطعه بمنقاره ولا يخلي فيه دويره سليمه واشترى الوالد لفه كامله شبك للسيد سن كويك عشان ما يطلع ويظيع.. وكل ما صرخ ولا صفركبكبنا عليه مويه ولا بعود المكنسه من فتحات الشبك وتلميخ وان طلع لحقته النعال و دلا يصرخ لين يصك اذآننا ونصير صمخان مانسمع إلا وششششش.. بيوم ما درينا إلا الاخ سن كويك مقطع جزء من ريشه اللي على الصدر وثاني يوم قطع ازود لين غدا مافيه إلا كم ريشه واللي يشوفه يحسبه نابغه على هالقرع.. بسوقنا واحد خبير حمام جابه ابوي يشوف وش فيه قال انه يبي يبيض وعشان كذا مقطع ريشه المهم جمعنا له تبن بوجه العدو..لا هنتو..وحطيناه عنده .. وتكفين يالمليحه بيضي مافيه فايده وقطعت الباقي من الريش وأخوتنا بالصراخ والتصفير وحنا نحتريها تصير ام .. عقب كم يوم جانا اللبناني راعي الهديه ولين سن كويك الضعيف اقرع من جميع النواحي
__DEFINE_LIKE_SHARE__
قال اللبناني يوم شافه: ييييييييي شوعملتو ياخييي بالزلاميه والله كان منيح وما كان بو إيشي!!.. قال الوالد: والله درينا انه يبي يبيض وجبناله اللي يعشون فيه الطيور بس ما باضت رد اللبناني : شو شو بدويبيض هيدى زلاميه ييييي هيدا خلاص طارت أعلاتو هيدا صار مجنون منو بدو يبيض ومات عقب فتره من غير ما يقولنا ليه انهبل ( هماه يتكلم) تحياتي اختكم ..قوافي.. |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة: ولد العم..قوافي | محروم.كوم | منتدى أخبار المواقع والمنتديات العربية والأجنبية | 0 | 03-31-2012 11:40 PM |
سالفة:سوق الزل..قوافي | محروم.كوم | منتدى أخبار المواقع والمنتديات العربية والأجنبية | 0 | 02-21-2012 08:10 PM |
سالفة:كلو حنينيي..قوافي | محروم.كوم | منتدى أخبار المواقع والمنتديات العربية والأجنبية | 0 | 12-10-2011 04:10 AM |
سالفة:سوق حلة القصمان.قوافي | محروم.كوم | منتدى أخبار المواقع والمنتديات العربية والأجنبية | 0 | 10-20-2011 01:00 AM |
سالفة:طين جدي.قوافي | محروم.كوم | منتدى أخبار المواقع والمنتديات العربية والأجنبية | 0 | 10-11-2011 08:30 PM |