بدوي عيمي بلوشي ارجو من كل اماراتي الدخول

JUMAIRAEWy · #1 04-24-2009, 05:03 PM

بسم الله الرحمن الرحيم

]( البدو - البلوش- العيم - اليمينين ) ... لين متى بنتم ع هالحالة

اخوآآاني وخواآآتي الكرام هذا موضوع ابـآ رايكم فيه بصراحة "وراح يكون هناك احسن رد"...

كوني ( إماراتي ) بتكلم عن مجتمع الأمارات الغريب والعجيب بخصوص أمور ( الأصل ) !!!

الحين إذا سألك واحد شو أصلك ؟؟؟ تقوله إماراتي .. يقول لا لا أصلك يقصد يا ( بدوي أو بلوشي أو عيمي أو يمني ) !!
يعني تقريبا هالأربع كلهم صاروا ؟؟ مواطنين أماراتيين ..

بعد ما صاروا هالفئات كلهم ( إماراتيين ) بس لين الحين تشوف ( العنصريه ) بينهم .. ولين الحين تشوف الحقد ما بينهم ..

يعني لو تقدم حق الزواج ( إماراتي من أصل بلوشي حق إماراتيه من أصل عيمي ) ؟؟؟ أهلها ما يوافقون عشان أصله بلوشي !!! ( والعكس صحيح ) ..
.
وتشوف البدو حاقدين على ( العيم والبلوش ) ويعتبرونهم أقل منهم وما يكون في ( ألفه بينهم ) ..

وتشوف ( البيض ما يحبون الخوال ) ويستصغرونهم ؟؟ ( مجتمع غريب ) !!
وتشوف ( المواطنين البلوش ) يحطون دوم على ( المواطنين اليمنين ) أنتوا يمنيين وأنتوا ...؟؟؟

يعني ما تشوفون موده بين ( أهل الأمارات ) خاصه بين البلوش والعيم والبدو يعني الكل نفسه نفسه ويشوفون الطرف الأخر أقل منهم !!! ( ليش ) ؟؟؟ ما تعرف ؟؟؟

في الأخير ترى كلكم إماراتيين وماشيء فرق خلاص أن هذا بلوشي وهذا عيمي وهذا يمني لين متى بيتم هذا التفكير القديم عندنا في المجتمع ..

متى بتكبرون عقولكم وتشلون عنكم هذا التفكير ( العنصري ) !!!

ترى البدو والبلوش والعيم الكل مكمل الثاني في مجتمع الأمارات والكل له دور في بروز دوله الأمارات ..

وكلنا مسلمين وربنا يوم خلقنا مافرق بيننا الا بالايمان والتقوى والعمل الصالح..وكلنا مخلوقين من طين..

بس للأسف ( مجتمعنا ) غريب وعجيب والكل عايش على نظرية ( العنصريه ) !!!(غريب أمركم يا ( أهل الأمارات ) !!!
يعني برايكم..شو الحل فهذا الموضوع,,وشو رايكم باللي صاير...؟؟

\
/

ابـآ ردودكـم

و اتمنى تناقشوني فلموضوع __DEFINE_LIKE_SHARE__

رًوَحًيَ بًدَوًيهَ · 04-24-2009, 05:21 PM

صح لساااااانك في كل كلمة ياأخوووووي بالفعل هاااذي حقيقة وصااايرة في الإمااارات وواقع نعيشه للأسف الشديد..

ماتسمع غير بدوي بلوشي عيمي إلى آخره عااافاني الله ناااسين أننا عيال آدم وحواء ..
لا فرق بينا وكنا عند الرب واااحد إلا بالتقوى ..
الحمدلله على كل حااال ..
ولازم الكل يفتخر بأصله وبأجداده ..
ما أعرف شو أقوول ياأخوي لأنك كفيت ووفيت..

سلامي لك ياأخووووي على الطرح المميز أبدعت والله ..
ونترياا يديدك.. __DEFINE_LIKE_SHARE__

السيل · 04-25-2009, 01:36 AM

السلام عليكم ورحمة الله وبركاته

اولا مشكور اخي الكريم عالمووضع الحساس

انا لست امارتي لكن اسمحلي اشارك

قال تعالى : ((إن اكرمكم عند الله أتقاكم))

قال صلوات ربي و سلامه عليه ( لا فرق بين عربي ولا اعجمي ولا ابيض ولا اسود الا بالتقوى))

المهم الاصل في التفضيل عند الله و عند رسوله صلى الله عليه وعلى اله وسلم هو التفضيل بالتقوى

وا نظر الحكمة في التاريخ أن الله عز وجل أعز بلال بن رباح رضي الله تعالى عنه و ارضاه وهو عبد حبشي يشرى بالمال و اذل أبو لهب وهو

من أشراف قريش

فالحل الوحيد هو العودة الى كتاب الله وسنة رسوله صلى الله عليه وعلى اله وسلم و نشر الاخلاق والمبادئ و القيم الاسلامية

الله يهدي الجميع

هذا راي و السموحة عالاطالة

أخوك السيـــــــــــــــــــــــــــل __DEFINE_LIKE_SHARE__

طيبتي غلطة · 04-25-2009, 02:13 AM

مشكور اخوي على هالموؤضوع لكن ان بغيت الصدق الحين ما تقدر تأثر على الناس بكلامك لأن هالعادة صارت في دمهم
وخلاص هالتفكير انطبع في مخهم ... وحتى اليهال صاروا يقلدون الكبار في هالكلام

لكن ما انقول غير الله يهديهم إن شاءالله __DEFINE_LIKE_SHARE__

ɱąяŷДmā · 04-25-2009, 02:42 AM

يا خووووووووووووووي العنصريهــ في كل مكان

والصراحهـ كلنا خوان بس ماله داعي

السب والشتمهـ

ومحد كامل

يسلمو ع الطرح __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ارجو من خبراء المنتدى حل مشكلتي ارجو الدخول	محروم.كوم	منتدى أخبار المواقع والمنتديات العربية والأجنبية	0	07-14-2010 05:00 PM
مشرفنا الغالي (( بدوي جنوبي )) ارجوا الدخول	محروم.كوم	منتدى أخبار المواقع والمنتديات العربية والأجنبية	0	07-05-2010 08:00 PM
هاااااام .. ارجو الدخول .. سؤال لابد من جواب .. ارجو الدخول	محروم.كوم	منتدى أخبار المواقع والمنتديات العربية والأجنبية	0	05-09-2010 04:31 AM
(( بلوشي _ بدوي _ عيمي _ يمني ))	حشاكل مشاكل	الحوار والنقاش - الرأي والرأي الآخر	27	11-23-2009 05:43 PM
ارجو المساعده اخواني عندي وندوز xp واريد جمعبه في اسطوانه ارجو الدخول	محروم.كوم	منتدى أخبار المواقع والمنتديات العربية والأجنبية	0	06-23-2009 05:30 PM