بغيـت اقولك شي تـرى عـيب سواتـك
عيـب ترخصـني وانـا اللي شاريـك

تـخون وتذلني وبعد تـدري بغلاتـك
طعنـت قلبي وكملت حياتك ولاعليـك

يعني كنت لعبه تشغل فيها اوقاتك
وباقي وقتك تقضيه مع هـذي وذيـك

روح واقولهـا الله يوفقـك بحياتـك

خـلاص طابـت نفسـي ماعـدت ابـيـك

وانت اوعدك بتذكرني الين مماتـك
كل شي يذكرك فيني والويل يوريـك

جـرح بأصبعـك صراخـك حتى سكاتـك
حتـى صـدرك يدينك والشـامه فيـك

ولما حضنتـك ولما بستـك بشفاتـك
ولمـا وقفت وجيـت رفعتني بيديـك

تذكر لما تنام بحضني وتنسى اوقاتك
وتقـوم مفجـوع وابدء اقـرى عليـك

وانـا بذكـر يوم في غيري بحياتـك
غيـري يعـرف احوالك ويقـدر يجيـك

يقـدر يحضنـك وحتى يسمـع ضحكاتـك
ويـقدر انه وقت مايشتاقلك يحاكيك

بالنهايه بوصيـك على دينك وصلاتـك
يمكـن هي اللي تقـدر اسمي تنسيـك