قريـت آلحب في مقلةْ عيونكْ♥ وعيني فسرت قصد آنظرآتكْ - الصفحة 57

мѕ.ѠяЭǝиѕԋ™ · 05-17-2015, 11:30 PM

آلبارت الرابع والعشروون …

.
،
،
.
آنســـآك هـــذآ يَ آلغــــلـآ شـــيْ مججهــول ♡
هـــآيمْ فــ بحـرْ آلشــوقّ ولــذة هيــآمــك ♥
حـبك فــ قلــبيَ يَ آلغــلــآ دآيـــم يججــول ♡
يحـلى و يعــلى فـي فــؤآدي مققـآمــك♥
.
،
،
.

كـيف لـي ان آنسـى ؟
حبـك
حنـآنك
عطفـك
كلآمـك
و آنت سعـآدتي في هذه آلدنيـآ آلفآنيه ..!
.
.
مر يوم علـى حادثة طلب عليووه الطلاق ..
والبنات كلهم تمن ف دبي على امل انها تغير رايها وترجع
لمايد اللي ياله انهيار عصبي وطاح ف المستشفى
بسبب هالموضوع اللي طول عمره ماحط له حساب انه يصير
لنه فعلاً مايد كان متعلق فعلايه حييل
ومستحيل اي شي يغير اللي فقلبه عليها

طبعن كله ما فات على بوخليفه وبو مايد
اللي جن جنونهم لما درو باللي صار
وهم طول السنين يمدحون حب مايد لعليا
وكيف هم متعلقين ف بعضهم
بوخليفه طلب بنته ومرت ولده ومريوم وياهم
عشان يعرف سبب المشكله اللي صارت
وطلب شخص من خارج المشكله عشان يشرح له بالتفصيل
لنه متأكد انه يمكن وحده من البنات تحط بهارات ع السالفه ويصير هو
طرف مجذوب عليه
نرجع لهم ونجوف شصار وياهم

بوخليفه ..:: طبعن يا بناتي انتو عارفين مشكلتكم شو سوت وكيف كانت مشكله تافهه وانتن خليتنها تصير جيه مب زين تخربن حياة اشخاص عشان سوالف تافهه
مريووم..:: السموحه منك عمي بس انا ماطولت لساني ع دانه الا وهي غلطت علي انا وبنت خالي والحين مثل ما تجوف مضاربه مع ريلها
ريم ..:: والله غمضني مايد كيف كان متشفق ع العرس والله لو تجوف كيف حالته ياعمي ترحمه لا ياكل لا يشرب وابره طالعه وابره داخله والمغذي مايخلص
بوخليفة..:: دانه ماعندج تعليق
دانووه كانت منزله راسها وحيل مفتشله ف ويه ابوها وعمها
دانووه..:: مريم سامحيني لني غلط عليج وانتي بعد عذاري سامحيني ما كان لازم اقول اللي قلته بس والله كنت معصبه وحطيت حرتي فيكم سامحوني والله ماقصد اللي سويته
ونزلت راسها وتمت تصيح
عذاري حظنتها
عذوور.:: مسامحينج دانه صدقيني قلبي عمره ما راح يشل عليج كره انتي اخت ريلي ونفس اختي بس اللي صار بيني وبينج مو مهم الاهم انه كيف نغير راي علايه عشان مايد وانتي تعرفين انه علايه لو دخل شي فراسها تسويه يعني تسويه
دانووه..: انا برووحلها احين
وطلعت من عندهم رايحه غرفة عليا
دقت الباب
دانووه..:: علايااااااااااه فجي الباب
عليووه..:: منو ؟
دانووه..:: انا داانا
علايه فجت لها الباب
عليووه..:: هلا دانه شحالج ؟
دانووه..:: تمام وانتي شحالج ؟
عليووه"ببتسامه كلها ألم "..:: عايشه
دانووه لوت عليها ورمستها بهمس
دانوه"بهمس"..::ليش مصره على رايج ؟
عليووه..:: لني اعرف انج تبين مصلحتي من هالطلاق
دانووه..:: عليوه يا حي**** من متى انا تكلمت وقلتلج لا تاخذين ميوود تستعبطين صح
عليووه"بشوق"..:: شحاله ؟
ريم دخلت
ريم..:: لو اقولج تعبان بعد مايكفي ، لا ياكل ولا يشرب وابره داخله وابره طالعه والمغذي يتبدل
عليووه حطت ايدها ع قلبها بخووف وعيونها غرققت دمووع
عليووه..::ودووني له
دانووه..:: كيف نوديج وانتي ممنوعه انج تجوفينه..؟
..
في المستشفى ..
يالس بدون اي كلمة من بعد ما سمع الكلمه اللي طول عمره يحاول ما يسمعها
طول عمره كان يشقى ويتعب ويزخ روحه عن يعصب عشان لا تطفر منه
طول عمره يحاول يكون الزوج المثالي ف عيونها

بس صدمته!
حرووب يمد له الخاشوقه عشان ياكل يصدها
حرووب..:: ميوود لازم تاكل مب زين اللي تسويه فروحك
ميوود..:: انا شسويت عشان هي تقولي طلقني ؟ .. يعني معقوله انا اغلط عليها وماحس فروحي؟
حرووب..::مايد انته ماغلطت عليها بس انته كل عشان جسمك يتغذى
ميوود..::مب يوعان

وفجأه دخلت النيرس اللي مخلنها ميوود تصير بوديقارد للباب لنه مايبي يجوف حد الا لو وافق
النيرس..:: استاز مايد في وحده بدا تشوفك
ميوود..::منو هاي؟
النيرس..:: هيي عم بتئول انها زوجتك
ميوود..::قوليلها انه هو مو متزوج
حرووب..:: يمكن هاي علايه
ميوود..:: مابي اجوفها
حرووب..::ليش؟؟؟؟
ميوود..::لنه مو انا اللي انباع بتراب واسامح

فجأه تبطل الباب وطاحت علايه ع الارض لنها كانت متسانده عليه وسمعت كل اللي صار
النيرسات كلهم تيمعوا عليها وشلوها وودوها فغرفه بروحها
دخلت دانه ووراها ريم غرفة ميوود
دانووه..:: شفيها علايه ليش ليش طاحت هي كانت عندكم
النيرس..:: لاء هيي لما الاستاز حكا انو ما بدو يشوفا طاحت واخدوها لغرفي لوحدا
دانووه..::ماتبى تجوفها ؟
ميوود ..:: عندج مانع؟
دانووه..::كيف ترد البنت اللي حبتك وحبيتها طول عمرك
ميوود..:: نفس ماهي طلبت طلاقها بسهوله جفتي كيف الشي سهل
دانووه..:: بس هي يايه لك تقولك انه خلاص ماتبى الطلاق

دخلت النيرس فجأه
النيرس..:: استاز مايد البنت اللي كانت هوون بتعرفا
دانووه…:: فيها شي علاييه قولي ارمسيي؟؟
النيرس..::ما بعريف بس الدوكتور طلب يشوف اهلا
دانووه..:: مايد ما بتي
ميوود لف ويهه عنهم وتم يطالع الصقف
دانووه..:: برايك
وطلعوا
ميوود..::حرووب
حرووب..::هلا ولد عمي
ميوود..:: خذني لها
حرووب طلب ويل جير عشان ييلس عليه ميوود ويوديه لغرفة علايه
لما دخلو كانت ريم ودانووه واقفين ع راسها ويهدونها
جافتهم دانوه سحبت ريم وظهروا
وقف حروب الكرسي عدال سرير علايه
بحيث انه يجابل علايه اللي يالسه تطالعه بصمت
ظهر حرووب عننهم وراح عند دانووه
حرووب..:: شكلهم اييب عوار القلب
ريم..:: الله يكون فعونهم انا بنت خالوه توهقت تمت ويا قوم هدوي مادريبها مرتاحه ولا لاء
حرووب..::اكيد يحاتون الوضع هنيه خصوصاً انه اللي صاير مب شويه
دانووه..:: انا وايد خايفه انهم مايتمون مع بعض كل حد بيكرهني
حرووب.:: ليش انتي شمسويه ؟
دانووه..:: لما اضاربنا انا وعذور هناك هي تحسبت انه انا مابيها تاخذ ميوود وعصبت وردت العين
حرووب..::ششت ياويلج من ابويه لو صار شي
وفمكان ثاني

طول ما كان ميوود عند علايه عينه ع عيونها وهي تحاول انها ما تطالعه لنها لو لفت عادي تصيح
ميوود..:: اربع سنين .. كنت احاول اكون فعينج الزوج المثالي ماكنت ابي اكون زوجج وبس .. كنت ابي اكون لج ابو واخو وصديق كنت مابيج تشتكين من شي ولا ابيج تحسين انج ناقصه عن البنات شي .. كنتي فعيني البنت الوحيده اللي تستحق انه اعطيها قلبي
اخليها تملكه "وبغرور" طبعن انتي تعرفين انه كل البنات يموتن وياخذن قلب مايد بن ذياب .. وكلهم منقهرين ليش انج انتي اللي فزتي به
اطالعته علايه بقههر" ابوك ي الثقه"
ميوود "ابتسم بغرور وكمل رمسته"..:: لا تطالعيني جيه لنج تعرفين انه هالرمسه صج ..ومو مايد اللي ينرد ويرجع بسهوله .. انتي خربتي وايد اشياء لكن انا مافرط بحب حياتي بسهوله .. العرس باقيله كم يوم وانتي بتردين دبي مع البنات وبتكشخين وبتسوين خرابيط الحريم هاي ونتجاوف بالعرس ان شاء الله ..
عليووه..:: بعد اللي قلته ماظن انك تباني لني حب حياتك مثل ما قلت تبى تنتقم وبس لكن اسمع انتقامك خله لك بروحك ولا جربه على وحده من معجباتك مثل ما تقول لنه مو عليا بنت ذياب اللي ينلعب عليها وتسكت
ميوود" بابتسامه هبلت عليووه"..:: بس عليا بنت ذياب انقص عليها
عليووه..:: كيف انقص علي بعد
ميوود"يطالعها بحب"..:: لنه مو مايد بن ذياب اللي يعذب حبيبته .. وانا احبج ومالي غيرج فهالدنيا كيف تبيني اقسى عليج..لكن انا سمعتج هالرمسه لني ابيج تحسين بتعبي اللي تعبته جفتي شصارلج من سمعتي رمستي كيف انقهرتي وطحتي منهاره .. انا شصارلي ماكنتي معبرتني عشان جيه مابتعرفين سألي حارب وبتعرفين علايه.. ع العموم انا بروح احين وتراج محلوه عن اول هههه
عليووه " تطالع لثامها"..:: تقص ع منو انته اونه محللوه اصلن ماسويت شي فويهي عشان تقول حلوه ههههه
دانووه دخلت
دانووه تطالع علايه بمعنى شصار
علايه ابتسمت لها
دانووه..: ياهوووووو
ميوود..:: تيننت مرت اخوي
حرروب..:: بلاكم
دانووه..:: ماشي بس رضى الاستاذ مايد ع الاستاذه عليا
حرووب..:: واخيرن مابغيتوا طاح حلجي وانا اقولك يامايد ترى مالكم غير بعض اصلن انا غبي اللي عطيتك ويه يالس وزاخ الخاشوقه ساعه ابيه ياكل لنه طفرت بي النيرس لازم ياكول ولازم ياكول
ميوود ..:: ههههههههههههههههههههه عيد عيد شنو قالت
حرووب"بعبط يقلد البنات"..:: لازيم ياكول عشان اووعود وانا مبسووطااا
ميوود زين ماطاح ع الكرسي م الضحك
ريم دشت
ريم..:: لايكون انا اللي بعشيج دانوه
دانووه..:: لا مالت علي انا فلوسي بطير
ميوود..:: فشنو كنتو تتراهنون
ريم..:: لما كنا تحت كانت تقول انه اونه خلاص مابتردون لبعض وانا اقولها بيردون وجان نتراهن ع عشا
ميوود..::صج انكم مخبل
عليووه..::ابي اطلع لازم اروح اخلص شغلي
حرووب..::ورقت طلوعج فمخبايه رحت وخلصتج انتي وميوود
ميوود..:زين ماسويت عيل يلا فمان الله نتجاوف ف العرس ان شاء الله
ردن البنات دبي والكل استانس انه مايد وعليا تراضوا لنه الكل كان يبيهم لبعض
وانه الشي اللي صار امبينهم كان صدمه كبيره للجميع لنهم ماتوقعوا بيوم من الايام مثل هالمشكله
بتصير لعليا ومايد

{دبي : الساعة الواحده ظهراً }
دانوه..:: بنات شرايكم نخليها تصبغ احمر
ريمووه..:: مادري احس بيظهر الاحمر الغامق احلى عليها بما انه عيونها طبيعيه زرق
عليووه..:: نجرب الباروكه عشان نطالع كيف بيصير
يابن لها باروكه بطول شعرها بهاللون
الكوافيره..:: يي شو بيجنن عليكي بسم الله ما شاء الله
عليووه..:: حبيبتي والله انتي اللي تجننين
الكوافيره..:: طيب عجبيك اللون
عليووه..:: هيه حبيته احس بيغيرني حيل ماتعودو اصبغ جيه ههههه
صبغت علايه شعرها الاحمر القاتم اللي مايل للبنفسجي والوردي فنفس الوقت وقصته مدرج بس مب وايد لازم لانها عروس
شمووه..::عليووه حياتي طالعه تجنننيييين
هدووي..::لازم مو حرم مايد بن ذياب
العنود..::فدديتها اختي والله وبتعرسين يا علايه
عليووه..:: هههههه جفتي كيف كبرت
سموي واسوم ين ووياهم بنت خالت ريم ( ليلى)
سمووي..::وين حبيبة قلبي
وتدور علايه
عليووه..:: شو ماعرفتيني
سمووي"متفاجأه"..:: لا ماصدق غيرووووج
اسووم..::ياحظه ميوود فيج
عليووه تطالع بنت خالة ريم اللي مستحيه
عليووه..::شحالج ليلى؟
ليلى..:: تمام وانتي شحالج؟
عليووه"تغمز لها"..:: الحمدلله ، خذي راحتج حبيبتي لاتمين مستحيه جيه كلنا خوات
ليلى..:: ههههه ماخذه راحتي من زمان
ريم..:: ام لسانين هاي مابتخليج فحالج
ليلى..:: جب جب محد ام لسانين غيرج
عليووه..:: هههه هيه خليج جيه محد يروملج

وتدخل عليهم عذاري لابسه فستانها تجربه اللي صممته مخصوص للحوامل
عذاري..:: بنات شرايكم والله كرشتي مخرببببه
عليووه..:: طالعه تجننين فيه جيه شكلج cute هههه
عذاري..:: صج
دانووه..:: هي مرت اخويه طالع كشخه عليج
عذاري..:: ياخي والله الكرشه تبهدل
دانووه..:: صح وايد ولازم دايماً تطمنين ع البيبي
العنوود..:: متى اخر مره سويتي فيها سونار
عذاري"بخوف"..:: اول ما اكتشفت ليييش؟
العنوود..:: الله يغربل عدوج ولادريتي اذا بنت ولا ولد ؟
عذاري..: لا
العنوود نشت وشلت عباتها وشلت عباة عذاري
وطلعن للمستشفى
عذاري..:: عنوود شو بنسوي انا خايفه
العنوود..:: لا لا تخافين بس انا شاكه انج بتييبين توأم
عذاري..:: هااه
دخلن المستشفى
وساعه لين دخلوهم
« تعرفون نحن هل بوظبي والعين ماعندنا غير بطاقة ثقه »
الدكتورة..:: متى اخر مره رحتي تعملين السونار
عذاري..:: اول ما عرفت اني حامل
الدكتورة..:: مب زين لج جيه يعني ما عرفتي اذا بنت ولا ولد
عذاري..:: لا
الدكتورة..:: وايد مهملة انتي طيب انا راح اقولك اذا بنت ولا ولد
ولما خلصوا
شلت صور لبطنها
وطلعن من المستشفى
العنود..:: بتقوليله ولا لاء
عذاري..:: مادري
….
{ العين الساعه الثانية مابعد الظهر}
ميوود..:: شباب من بيي وياي بسير اصبغ شعري
حرووب..:: شنو تصبغ شعرك
ميوود..:: متعود
حرووب..:: اوك يلا نش
راحوا الحلاق
حرووب..:: اي لون تبى تصبخ
ميوود..:: بصبغ خصل حمرا
حرووب..:: ياويلك من علايه هي ع هذيج المره يوم صبغته اشقر
ميوود..:: ماعليك اختك تتخبل عليه بس ماترمس
حرووب..:: تعرف احس لو تصبغ شعرك اشقر كامل احلى بتطلع وائل مب مايد هههههه
ميوود..:: جب جب احين انا مايد بن ذياب تسميني وائل
حرووب..:: هههههههههه نش يلا دورك
……
{ دبي الساعه السادسه مساءً}
مريووم..:: بنات تعالو لازم نيلس ونخطط شو بنسوي باجر
دانووه..:: اول نتعشى احسن
العنوود وعذاري دخلن
دانووه..:: ها عذوور بشري عرفتوا؟
العنوود..:: انا ماعرف بس هم خبروها هي قالت بتخبر ريلها اول عقب هو اذا بينشر الخبر ولا لاء
عذاري..:: عن اذنكم
وراحت غرفتها هي وعلايه
عليووه..:: ها عذوور قالولج
عذاري..:: هيه ويت بدق حق عواس وبخبرج شنو عقب
فجت فونها وبدون ما تدور ع الرقم اختارته
١
٢
٣
٤
٥
٦
٧
٨
٩
رد
عوااس..:: هلآ والله "بشوق" هلا بالقاطعه وينج ما اطمنيني عنج وعن حموودي
عذاري..:: انا الحمدلله بخير بس حمودي ملعوزني وملعوز اخوه
عوااس..:: هيييه " فجأه انتبه للي قالته" شنو شنو عيدي شقلتي ؟
عذاري..:: ف بطني توأم
عوااس"مو مصدق"..:: ………………….
تم ساكت
عذاري..:: شفيك ؟
عوااس..:: يعني مو بس حمود
عذاري..:: اي بييب لحمود اخو
عوااس توى بدا يستوعب اللي قالته
عوااس..:: الحممدلله لك يارب والله انه هالشي كان بخاطري الحمدلله الله مارد دعوتي
عذاري..:: عيل مافكرنا شو نسمي الثاني
عوااس..:: بنسميه وليد
عذاري..:: ع اسم ابوي
عوااس..:: هيه بيصير اسمه شرات ابوج "وبفرحة" ي الله بخليج بسير ابشر الوالده
عذاري..:: الله يحفظك
عوااس..:: ويحفظج ويحفظلي عيالي
عذاري..:: اممين
عوااس..::يلا فداعة الله
عذاري..:: فداعة الرحمن
ولفت صوب عليووه اللي تطالعها بصدممه
عليووه..:: توأم !
وحظنننتها ما تريتها ترمس
عليووه..:: مببروووووووك وناسسسسه بصييير عمة التوأم ههههههه
دخلت مريووم
مريووم..:: شصاير شفيج تصارخين
عليووه حظنت مريووم وفرحانه حييل
عليووه..:: عذووور بتييب توأأأأأأم
مريووم"بصدمه"..: حلففي "نزلت دموعها" فديييتج والله واخيراً بصير خالوه انا
عليووه ما تريتها تخبرهم وراحت خبرت البنات كلهم
و تعشوا ف مطعم راقي احتفالاً بهالمناسبه
وبين سوالفهم
داننووه..:: احين عرفنا الاول محمد الثاني شنو ؟
عذاري..:: وليد
مريووم..:: يعني بيصير وليد عيسى شرات اسم خالي
ليلى..:: ابوج اسمه وليد عيسى
عذاري..:: هيه
ليلى..:: كشخه الشي ههههه "تحضن عذاري" يتربون بعزج
عذاري..:: مشكورة حبيبتي
مريووم تتلفت عليهم
مريووم"بخوف"..:: بناااات وين يزووووي ؟
ليلى"تذكرت"..:: هيييييييه نسيت اقووول مريم اليازية قالتلي انه طلعو وانا بتم ف الشقة قالت في وحده هي طالبتنها تسويلها شعرها وجيه وهيه قالت بعد ييبولها عشا
ريم..:: خس الله بليسج يا ليلووه

وف مكان ثاني

يزووي..:: ودددرني حراام علييييك
….::: هههههه لا ياقلبي لا تصارخين صبري شوي انتي بس
يزووي..:: خوووز عننني منننوو انتتتته
….
وعند الشباب

حرووب..:: شباب تنشون نطب ف الحووض
ميوود..:: يبالنا بس اخاف استبرد بعد بروحي عرسي مافيني يصير فيه شي
حرووب ..:: وانته كل ما قلنا لك شي عرسي وعرسي حتى عليووه ما سوت جيه
ويحصل التكيه ع راسه
ميوود..:: استح ع ويهك اكبر عنك انا
جان يرن فوون حرووب
ابتسم ورد
حرووب ..:: ها مجهزين كلشي اوك خلاص انا يااي
ونش
ميوود..:: ع ويين
حرووب مبتسم..:: بعدين بتعرف
…
أنـا عنـدي لـك كلـمة بقـولـها أشـكره..
عـادي أخسـر العـالـم وقلـبك مَ أخسـره..
..

( دار الحي : الساعة الثالثة عصراً)
يزووي..:: احين صارلك ساعتين وماتبا تقولي منو أنته وشنو تبى فيني
…:: أحين راح يوصل الزعيم وتعرفين
أول ما خلص كلمته دخل الزعيم
لابس قناع أسود ولبسه مافيه أي لون إلا الأسود
الزعيم..::كنت أتريا هاللحظة من زمان ..
يزووي..:: منو أنته وشو تبى فيني ؟؟؟
الزعيم..:: صبري صبري ليش وايد مستعيله خ نضيفج أول
يزووي..:: شنو تضيفوني ورابطيني وماعرف وين يايبيني والدنيا ظلام وبس شموع
الزعيم..:: راح تروحين الحين مع جوليا وجاكلين راح تلبسين أحلى فستان عندج لنه هاي مفاجأه من حد يحبج
يزوي سيده راح ف بالها حارب
وراحت وياهم تكشخت وردوها ف نفس المكان
يزووي..:: وينه ها وين راح يمه المكان يخرع والله
فجأه الدنيا قامت تنور بس بضوء خفيف
ابتسمت يزوي أول ماجافته
حرووب..:: كل عام وأنتي بخيير يا نبض حروب
يزوي انصدمت كيف انها نست يوم ميلادها
حرووب..:: شفيج؟
يزوي تطالعه
حرووب..:: وكبروا الجميلين.
يزوي ابتسمت
يزووي..:: هيه كبرت.
حرووب..:: افف متى تكونين مالي
يزووي..:: هههه قريب قريب “وتذكرت شي” اويييه انا مواعده الحرمه تيي تسوي شعري
حرووب..:: احم تريي شوي بعطيك هديتج وروحي عقب..
يزووي..:: ليش تكلف ع روحك؟
حرووب..:: كم يزوي عندي انا؟
يزوي ابتسمت بحيا
ومد لها صندوق ..
يزووي..:: الصندوق من شكله يبين فيه شي جميل..
بطلت الشرايط اللي ع الصندوق…
وطلعت فستان ملكـي ..
هالفستان كانت تباه لعرس علايه وماقدرت لنه ماشي غير ثلاث ايام ومستحيل حد يوصله لها..
دمعت عينها اطالعت حرووب
يزووي..:: ككيف ؟

حرووب..:: ايييييه لا تصيحين .. انا ليش يبت لج الفستان عشان تضحكين مو تصيحين يلا ضحكي عقب بقولج
يزووي تشاهق ع الخفيف
حرووب..”قالها بطريقه هبله”..: وااي يمه يمه يمه زووغه
يزووي ماتت ضحك
حروب “ابتسم”…: هيه هاي الحب مالي مابي اجوف دموعج مره ثانيه اوكيه
يزوي..:: اوكييه.. كيف يبت الفستان كيف عرفت شسالفته!
حروب..:: لما خليتي البادي قارد مالج يدق عليهم وقالولج ما يصير رمسته وخذت الرقم منه تعرفين لنه الريال من عندي ودقيت عليهم بنفسي الشيخ حارب بن ذياب و سويت لج السالفه.. ولني سمعت صوتج وانتي تصيحين لنج عقب ما سكر البادي قارد من عندهم رحتي الغرفه ودقيتي علي ونسيتيني وتميتي ترمسين روحج ماتدرين انج وياي ع الخط وعرفت سالفتج..
ورن فووون يزووي فجأه..

؛كاااااات؛

توقعاتكم. __DEFINE_LIKE_SHARE__

мѕ.ѠяЭǝиѕԋ™ · 05-17-2015, 11:36 PM

مرحبــا بكــم قرائــي..

رجعت لـكم ببـارت بعــد غيببببـه طويييــــــله بمعنـــى الكلمــة ..
آسسفـه لنــي تأخرت عليكم مريت بظروف صعبه شوي وخلتني انسى ابو المنتدى..
البارت كان جاهز من فتره بس ما كنت الاقـي وقت احدر..

في حد م الأعضاء اقترح علـي أني افتح للروايه اكاونت ف آسك ..
عجبتني الفكره حيل خصوصاً أنه انا اغلب الاوقات ارد ع الناس اللي ف آسك وجذي.
واذا سويت لها بيج راح اسويله بوست.

تقبلوا تحياتي.

__DEFINE_LIKE_SHARE__

forza alain · 05-19-2015, 04:22 PM

م يبطل عندي الصفحة __DEFINE_LIKE_SHARE__

мѕ.ѠяЭǝиѕԋ™ · 04-11-2017, 11:49 PM

المشاركة الأصلية كتبت بواسطة forza alain

م يبطل عندي الصفحة

انا حذفت الرواية من الاسك لنه ما لقيت وقت انزل البارتات فيها وجذي __DEFINE_LIKE_SHARE__

ღ جــراح ღ · 03-18-2019, 01:24 PM

ما شاء الله حلو القصة بس ليش مافي تكملة ؟؟؟؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
♥♥♥♥♥♥آبــــــــــــــــي حبكــ معـــــي يـــــــــــكبر♥♥♥♥♥>>قصة قطرية رووعة	داعمة قطوة	قصص و روايات	73	01-21-2012 07:46 PM
♥♥♥ يَآ قَلبّ لآ تِحزَنُ عَلِيِنَآ لأ تِحزنّ♥♥♥ مِنُ قَلبّ يَنبِض غَلآّ ومِنُ رُوّحّ مِسئٌوٌلَه ♥♥♥	Esma7eli Yal'3ram	تصاميم الاعضاء	17	04-14-2010 11:18 PM
♥♥♥ أعطي البلاك بيري الخاص بك لوك جديد ♥♥♥ زائد ثيم بنفس التصميم♥♥♥	محروم.كوم	منتدى أخبار المواقع والمنتديات العربية والأجنبية	0	10-28-2009 09:10 AM
♥♥♥ أعطي البلاك بيري الخاص بك لوك جديد ♥♥♥ زائد ثيم بنفس التصميم♥♥♥	محروم.كوم	منتدى أخبار المواقع والمنتديات العربية والأجنبية	0	10-28-2009 09:10 AM
♥::♥::♥رمضان ميدان التنافس♥::♥::♥ لفضيلة♥الشيخ إبراهيم بن عبدالله الدويّش♥::♥::♥	محروم.كوم	منتدى أخبار المواقع والمنتديات العربية والأجنبية	0	08-13-2009 08:00 PM