قصيدة .. :: يا عازف القيثار :: .. للشاعر الإماراتي الكبييير :: محمد بن حماد الكعبي ::

دومي شيوخية · #1 04-06-2012, 04:59 PM

:: يا عازف القيثار ::

يا عازف القيثار سمعني الحان ... دن دن عليك الله بحلو التلاحين
فيني طرب والراس والكيف نشوان ... ودي ولو اكتب من الشعر بيتين
عقب الركود وعقب تشويش الاذهان ... اليوم زانت لي طروب القيافين
وطاب القصيد وزان به و الشعر زان ... على القدا على القدا يالله اتعين
عن كل قول ن فيه ذنب ن وعصيان ... انا غويتك يا إله المسلمين
عايش ولا دورت رحمه من انسان ... الا انت اسالك عطف رحمتك الحين
متغاني وجيبي من الكاد عمران .... وعندي الخير يفوق عشرة ملايين
لكن ملاييني مداخير سبقان ... عزوة شرف واصحاب طوله كريمين
اهل الجمايل والفخر و اهل الاحسان ... النادرين اللي مثلهم قليلين
افعالهم القابها روح شجعان ... واشوف بارآهم فراسة حكيمين
واحوابهم عزمي على جور الابهان... جراب لعن كاني لعينين
ما هن ملايين بفلوس ونيطان ... قناعتي كنزي وكل الملايين
الحمدلله موطني خير الاوطان ... بالسمعه الغفره وبالعلم والدين
دار ن غلاها يسكن بكل وجدان ... وابها نماري فوق كل البلاديين
انا وكل من فالامارات سكان ... للوطن واللي من بعيد لافين
في خير وتدبير ونجاح مصان .... على الكرامه في كنفها منعمين

في ظل حكام ن على الروس تيجان .... ساداتنا من طيب ولا لهم اندين
ولا انكن الهم سوى كل عرفان .... وعرفان فرقابنا يشبه الدين
اذا كتبنا فيهم الشعر يزدان .... ويلوق في حضرتهم المدح ويزين
والشعر تحفة راس بابداع فنان ... كل ن وله ذوقه ونظره وتكوين
لا يقدر الشاعر بشعر ن وقيفان ... يقدر مبرهن كلامه براهين
حدن سمعته قلت ما غيره فلان ... واذا تبعته بسالفه بعينك يشين
مستصغر العالم وبالطيش عميان ... اهو يلعن قوله وقوله عنه وين
ناقص يركب له من الكبر جنحان ... مطاول ن راسه بروس السلاطين
حدن ثقيل اوزان وبالزمن شان .... وعمر الكرامه ما تسرب مع الطين
يعز نفسه بالشرف وين ما كان ..... ويعز من كانوا شراته وفيين
والبعد واضح بين الاثنين شتان .... بعد السما والارض مابين الاثنين
والشعر توضيفه كما السيف سنان .... اذا تقص يساره ويقطع يمين
اذا تمشيه بعيارن وميزان .... ترجح وزونه في قبول الفهيمين
لا تقولها مرة عبث غلطة لسان ... غلطة الشاطر تنحسب بالف والفين
اعلن واقول علوم الا بخلان ... يا رب تقديني على لبس الخير بالزين
وماحد بكوسه تقديه حقران.... ولا اتحمل شوف عين بطرف عين
وان قلت انا ضميان ماني بضميان ... الا على مورد وصال المحبيين
برسل لي اشواقي اللي فالقلب طوفان ... وعلى رغم البعاد غاليين غاليين
لي لهم فالجاش مدهل وبنيان ... وودادهم يجري بدم الشرايين
تشكهم نكراني هموم واحزان .... وتعشقني الافراح عشقة مجانين

:: و سلااااااامتكم ::

__DEFINE_LIKE_SHARE__

عنود محمد · 05-19-2012, 09:08 PM

صحححح .. لسآآآنج .. طرطريشن .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيدة .. جيت في بالي .. للشاعر الكبير ~ محمد بن حماد الكعبي ~	دومي شيوخية	شاعر المليون للكبار2	1	05-19-2012 09:06 PM
قصيدة الزكاة للشاعر الإماراتي ناصر البكر	همسات الوسن	الشعر المسموع	0	08-12-2010 08:41 PM
قصيدة مثل الإخوان للشاعر الإماراتي ناصر البكر	همسات الوسن	الشعر المسموع	0	07-17-2010 03:12 PM
قصيدة دلمون للشاعر الإماراتي ناصر البكر	همسات الوسن	الشعر المسموع	0	07-17-2010 03:11 PM
الشاعر الكبير محمد بن حماد الكعبي	ريـح الخواطر	شاعر المليون للكبار2	2	03-14-2008 02:48 PM