بسم الله الرحمن الرحيم

السلام عليكم ورحمة الله وبركاته ..

مساءكم خير .. عساكم بخير ..

اليوم جايب لكم علوم صيدنا للرهو اللي كلكم عارفين انه موسمه .. بعد مشاورات واراء وهات وجيب قررنا احنا مجموعتنا المكونه من تسعه اشخاص

صادق السلمي ( الامير)؛ سلطان السلــمي؛ فارس العنزي؛ متعب العنزي؛جابر الســلمي؛ عادل السلمي ؛ دخيل السلمي ؛ رزق الله السلمي ؛ ومحدثكم فهد السلمي ..

وقلنا لازم من فكرة التخييم والله ونجيب خمتنا ونبنيها ونجيب عزبتنا والعامل وتقسمنا مجموعات..
وهذي صور مخيمنا ..











وفي صباح يوم الجمعه 23 /4/ 1433 الله رزقنا برهوه من يد القناص جابر وفي صباح الاثنين الله يرزقنا برهوه من يد صادق مع العج والغبار ..وصباح الثلاثاء زحفوا العيال صادق ورزق الله وعادل على جول حول الــ 25 والله رزقنا منه بــخمس ..ويوم الجمعه سوينا عشاء رهوتين للشيبان والاصحاب وتجمعنا عليها وقبل مانطفي نارنا عن عشانا ولاُ نسمع صوت الجول واتجهوا له العيال بعد مادعوا لنا شيباننا بالتوفيق وزحف له صادق وسلطان ورزق الله وعادل والله ونجيب من الجول الاول 13 ويتصل علينا خوي لنا بمجموعه ثانيه ماهو بعيد عننا ويقول ان عنده جول ويبي الفزعه وتوجهنا له والله يرزقنا من هاك الجول 11 ونرجع لمخيمنا التعب والجوع والغبار ذابحنا ويتصل علينا خوينا مره ثانيه ونطمر له ونجيب من 12 والتعب والجوع طاروا من الفرحه ..

وكانت حصيلتنا 36 رهوه ذاك الليل توفيق من الله سبحانه ودعاوي كل غالي..
ويوم السبت 1 / 5 الله يرزق بــ 6 من جول زحف له صادق ورزق الله وعادل ودخيل ..
ويوم 4 / 5 جبنا رهوتين طيار على يد عادل وسلطان وحصيلتنا حتى الآن 51 ولله الحمد..

اخليكم مع الصور تتحدث عن نفسهاا..