السلام عليكم

حبيت اطرح مشكلتي وان شاء الله استفيد منكم
راح اقول لكم سالفتي بالتفصيل
انا عشت عزوبي فترة طويلة حتى كبرت وراح العمر وبما انني تاخرت في ها القرار قدرت اكون نفسي من ناحية الوظيفة والمادة ولله الحمد
كنت اتمنى اتزوج وحده احبها يعني حب بعدين الزواج مثل الافلام

وها الشي مستحيل يصير طبعا كانت افكارمراهقة لكن مراهقتي طولت والحين ما لي الا الزواج التقليدي وعسى الله يسهل
انا الان حصلت وحده عمرها في حدود الثلاثين وهدفي وحده قريبه من عمري
منها انها تفهمني ومنها اني اذا تزوجتها تهتم فيني اضافة انها بها العمر يكون هدفها الستر فقط
فهل تفكيري صحيح ولا ما عندي سالفه

من خلال استشارتي لبعض الاصدقاء اصدقائي كبار وعندهم عيال يقولون الصغيرة تقدر تتحكم وتربيها على طبايعك بعكس الكبيرة
وان الكبيرة ما تأخرت في الزواج الا لسبب اضافة اني ما راح اكون اول رجل في حياتها لأنها ممكن تعلقت بأحد خطبها او كانت تتمنى شخص معين وهذا اكثر شي جاب لي الهم والتفكير

الان انا ابي نصايحكم في وضعي
وهل الكبيرة مثل ما يقولون ما تصلح لي

للعلم منقووول