:: ياقو من يقدر على جرح انسان ::

صبحكم الله بالخير والعافيه

عسى الله يسعد لي قلوبكم العامره بالحب


حبيت اوريكم هالقصيدة


سألت نفسي ليش دايم حزينه
لاني بجارح قلب ولاني بغلطان

همي بحر واحزان قلبي مدينه
والدمع شكَلني تضاريس واوطان

ابحر ونفسي ما تعرف السكينه
تبحث بلا جودى ع مينا وشطآن

ابشرك يا بحر ما شفت مينا
القلب ضايع بين موجك وغرقان

والله يعين القلب الله يعينه
اضحك وفي صدري من الحزن بركان

من ينصف الاحساس والا يدينه
على حياةن كلها هم واحزان

نفسي غدت ما بين صدري سجينه
الجرح جلادي ولحساس سجان

ومفتاح سجني في ايادي امينه
ياقو من يقدر على جرح انسان

بين الالم والخوف راحت سنينه
قلب ن غدا للهم والحزن عنوان

لا من قريب ن له ولا من ظنينه
ميت عذاب وللأسف مات ظميان

مكتوب يا نفسي تعيشي رهينه
ابكل لغات العالم وكل للوان

كنتي لمن حبيت خاتم يمينه
جازاك رغم الحب لي كان نكران

روَح وقلبي مات حسره بدينه
والسان حالي يقول مشكور يا فلان

هذه جزاة اللي وهب لك حنينه
يفرح لفرحك وان تضايقت زعلان

انته خسرت اليوم حاجه ثمينه
ما تنشرا ولا تنوضع فوق ميزان

لا تفتكر نفسي لبعدك حزينه
فكر وتعرف منهو اليوم خسران


وسلامتكم