ليش هاي الزبالة في دبي ؟!! أتريا راايك ؟؟

- { فلاسـية جميـــرا , . · 01-26-2008, 01:26 AM

السلام عليكم ورحمة الله وبركاته ..

شحاااالكم خواتي وإخواني .. إنشالله بخير وسهاله ..

اليوم حبيت أطرح موضووع واايد امضايجني .. .. اليوم كنت سايرة السوق .. وشفت شوارع دبي الفرعية اللي تلووع بالجبد .. وهااي دووم السالفة .. يعني مب أول مرة .. !! أتحسف على حلاة ونظافة وتطور دبي .. في كل شي .. وخاصة شوارعها الرئيسية .. !! لكن تعال واحدر الشوارع الفرعية يميع اللوث والوصاخه والقذارة وطبعا ً إخوانا الهنود مووول مب امقصرين .. وهم طبعا ً السبب في قذارة هاي الشوارع .. المشكلة مب هنيه .. المشكلة .. وين الرقابة .. ؟! وين البلدية ؟؟ تلقى املزقين استكر مكتوب عليه ( ممنوع رمي القاذورات ) أو غرامة على اللي يعق شي مثلا ً في الشاارع .. وصد وشووف تحت الإستكر اتشوووف زباالة ووصاخة .. الله يعزكم !

اتمنى أشوف آرائكم في الموضووع ؟؟ لأن هذي المشكلة مب موجوودة في دبي بس ... في كل الإمارات ... وإذا ما اتحركت البلدية !! في سنة 2010 ما عرف شو بيستوي .. والله يعين !!

هاي بعض الأماكن اللي صوريتها اليوم ...

كلي لك · 01-26-2008, 01:08 PM

مب بس دبي

كل الامارات

واكثر شي في الشواارع الفرعيهــ

لانها تكوون بين البيوت!!

يسلمووو الغلا على هالطرح

نتريا يديدج

bintALrafdeen · 01-26-2008, 01:16 PM

بسم الله الرحمن الرحيم

السلام عليكم ورحمة الله وبركاته

"النظافة من الايمان"

انا مالي عايشه في دبي ، بس قضيت العطلة الصيفية بسوريا ، و واجهت نفس المشكلة . بس بسوريا المشكلة اسوئ ، علشان حتى الشوارع الرئيسية قذرة و وصخة

بوجهة نظري ، اذا اهل المنطقة مهتمين و نظيفين الشوارع رح اتكون نظيفة.
اذا كل بيت يهتم بنظافة بيته و الشارع الي ساكن بيه ، رح اتكون الشوارع نظيفة

اما ببريطانيا ، هاي المشكلة نادرة، علشان الحكومة بين كل فترة و فترة ترسل منظفين على الشوارع ، و ينظفون الشوارع

جزاج الله الف خير اختي على هذا الموضوع ، و ان شاء الله وضع الشوارع بتكون احسن

تقبلي مروري

اختج :: بنت الرافدين

ღ الــــجـــــــــود ღ · 01-26-2008, 01:27 PM

السلام عليكم ورحمة الله وبركاته

هالشي عااادي استوي ... الحمد لله في شوارعنا في العين قليل تحصلين جذيه

بس انتي قلتي وين البلديه ... جيه البلديه الحين تاخذ اجازات على كيفها ولا اييون

الا بطلب ... لو البلديه مهتمه كل عادها اهتمت بالاسعار ... والمواد الغذائيه

الفاسده الي نشوف كل مالها وتتزايد ...

وترا اقولج الزباله عزج الله اخر همومهم ... قالت اختي بنت الرافديين ان اهل

المنطقه هم الملزومين بهالنظافه ... يمكن اهل المنطقه نظاف لكن الزباله عزكم

الله انترست ...! دور منو الحين دور البلديه ... وانا اشوف الصراحه الغلط مب

اهل المنطقه ... لا الغلط من البلديه ... وانا اشوف لو ينششونهم من نومهم يكون

افضل ... والسموحه على الاطاله ...

فمان الله ...

أم عقوص · 01-26-2008, 01:45 PM

صدقج والله أنا سايره أتوقف (أتمشاء في دبي ) هب بس أدبي وأنتي سايرة باقي الامارات من الشارجة عاد أمسكته من الخاطر أقول حق أهليه أنا صدق في دبي أطالع الشوارع حتى المباني من داخل أدبي منطقه كلها فيها أهنود جدام هيبر ماركت شو الملابس أمزينه المباني أتقولين ليتات عرس وباقي المباني هب كامله الصبق أقول الحين يوم بيزورها حد من السواح شو بيقول فضيحه والله
بس على فكره أنا هب مادحه بوظبي بس والله رقابه من الخاطر والله صدق أنا مره يالسه أكل جبس وجان أفره في الشارع على الكاسر جيه ما يوقفني ريال أمواطن قال لي يا أشلين الجيسه ولا أدفعي 500 والله حرمت وسرت اربع أشلها
بس على فكره هب بس الهنود الي يوسخون الشوارع والله تبين الصدق نحن بعد بطره فينا خلاص ابلادي ليش ما اوسخ وراعي الزباله الله يعزكم بيشلها ورايه وأول وحده أنا صدق ما أستحي

.+[راكاويه]+. · 01-26-2008, 02:11 PM

السلام عليكم ورحمه الله وبركاتهـ

هههههههه .. ام عقوووص .. >>> ضحكتيني خخ خخ .. الله يهديج ^.*

والله راي لو يشددون الرقااابه ع البلديااات والعمال .. ما يخلونهم جذيه على راحتهم

وكل واحد متيلس تحت شيره ويطالع الزباله يمين ويسار خخ خخ ..

ونحن كمواطنين لازم نساهم ف هالشىء هب عيب ولا غلط .. لو انته ما شىء وشفت

زباله وشليتها وفريتها ف الزباله الخاصه لها !!!

تسلمين اختيه على طرحج الغاويــ .. لا هنتي ولا نهان قدرج ومقداج .. ^.^

دمتــــــــي بحفظ الله وبرعااايتهـ ..

والسموحهـ ع القصور .. !!

- { فلاسـية جميـــرا , . · 01-26-2008, 02:14 PM

اقتباس:

المشاركة الأصلية كتبت بواسطة كلي لك


	مب بس دبي كل الامارات واكثر شي في الشواارع الفرعيهــ لانها تكوون بين البيوت!! يسلمووو الغلا على هالطرح نتريا يديدج

صح إلسااانج تسليمييين إختيه على رااايج .. ومشكووورة حبي على المروور ..

- { فلاسـية جميـــرا , . · 01-26-2008, 02:17 PM