الصياده بين جشع ملاك الأسلحة وجهل البعض في تقييم السلعه !

محروم.كوم · #1 03-21-2012, 01:00 PM

السلام عليكم ورحمة الله وبركاته ..

في الآونه الأخيره ، ازدادت تجارة السلاح الإلكترونيه والكثير منا يعتقد بأن هذا التغير له تأثير إيجيابي على الباحث عنها ، نظرا لإمكانية توفرها بأعداد وأنواع مختلفة . أي بأن " الي يبي شي محدد في راسه بيلقاه " ومع كثرة ازدياد مرتادي البراري الكثير منهم يتطلع لاقتناء بعض الأسلحة وفي الحقيقة لو تسأله ليه عندك سلاح بكل بساطه يقولك " كل الناس عندها اسلحة " . وقف عندك ياخي .. كل عبارة تبدأ بكل الناس ليست صحيحة . وان كان فيها القليل من الصحة . اسأل نفسك اولا ؟ الشخص هذا ليه عنده سلاح وليه يحب يقتني الأسلحة ؟ البعض منا حب في الاسلحة وحب اقتنائها والبعض حبا لهواية الصيد. والكثير طمعا وجشعا نظرا لما يحصل في الاونه الاخيره من تلاعب ونصب واحتيال على المواطن !
1. ياجماعة الخير .. المثل يقول "حدث العاقل بمالا يعقل فأن صدق فلاعقل له! " الشوزن أم وحده ناخذها على 800 و1000 ريال للمستعمل النظيف والجديده ان كثرت وصلت 1800 ريال .. واهل العرف بالسلاح يأكدون كلامي " أعيد واكرر اهل العرف والبخص ماهو الجيل التالي " . والشوزن ام خمس كنا ناخذها على 5500 كثير انواع ومنها البنلي والبروانق والبريتا . والروسيات اعلى ماوصلت لها 3800 ريال ! .. ماانكر انه فيه بعض الشوازن وقتها كانت توصل ال10الاف ريال " لكن تجيك بمميزات خاصة مثل النقش اليدوي والذهب والخ.."

في الأيام الاخيره .. صار سعر الشوزن ام وحده يتعدى ال 4000 وال 5000 ريال !! وام خمس ماتلقى لك وحده من الانواع الزينه اقل من 10 الاف " الا ماقل وندر طبعا اذا كانت عن طريق معرفه او قريب وافهم يافهيم " .. يعني واحد مايبي يتكسب من ورى خويه ..
المقصد هنا مانقولكم لا تكسبون إلا والله الكل يتمنى الخير لنفسه ولغيره قبله .. بس الواحد يرضى بالشي القليل عشان ربي يرزقه اضعافه . بس مسألة انه يعرض سلعة بضعف قيمتها ويقول لابعد ماجابت راس المال ! والله من الصدق ! ..

صحيح الصيادين بدوا يعانون من هالمشكلة وخاصة بدى التدقيق علينا من التفاتيش والدوريات .. وانا ياخوك والله ما ألومهم .. لانه الحين كل من هب ودب قال ابي سلاح وشرى له سلاح وبدون حلف ماتوقع انه حتى يعرف شلون يلقم السلاح وان كان .. اتحداه يعرف ينظفه ! . المقصد هنا .. انكم يالي مالكم دخل بالبر والصيد .. دخلتوا علينا فجأه .. ذيرتوا علينا الصيد وجفلتوا الدوريات علينا .. وصاروا ماعاد يفرقون مابين راعي الصيد الحقيقي من راعي الصيد التقليد. وانا والله ما ألومهم ..

المغزى من الموضوع .. اذا انت فعلا هاوي للصيد والبر .. لاتعطي فرصه للناس بالجشع والتلاعب .. ومحاتسيكم عنده معلومات موثقه انها بتنفرج لكم يا أهل الصيد قريب .. وبيفكنا الله من هالسوق السوداء والطمع والجشع الي فيها .. وراح ترجع المياه لمجاريها .. قريبا ان شاء الله .. وعشان كذا .. من اليوم ورايح شعار الصيادة بيكون خلوا الطمع والجشع والتلاعب ينفعكم .. والي يبي الصيد يسافر برا ويصيد وهو مرتاح باله احسن له .. هنا بزران يسابقونك على الصيد وذيروا الصيد وكثرة الصيادة قللة من عبور الطير على المناطق .. اروح برا اسبوع مااصرف نص مصاريف مقناصي هنا .. والاهم من هذا يكفيني راحة بالي برا .. لااقول مافيه فشق الفشق ماعرف ايش وهالمكان مليان بزران ! ومافيه صيد .. خلو التلاعب ينفعكم .. والصيد الي تقولون انكم اهله يالجهله الله يهنيكم فيه .

الموضوع هذا ان دل دل على رأي شخصي فقط .. الي بيتقبله حياه الله والي يعارضه نقوله خلك مع ربعك الي طيروا الناس بالعجه !!

وللتوضيح الموضوع منزله بأكثر من منتدى .. لاني اتمنى انه الرساله توصل واضحه للجميع .. وحاب الجميع يناقشني ويبدي رايه والي ماعنده استعداد انه يحترم رأي غيره .. يكفينا مروره ومشاهده الموضوع .. __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ثقافة تقييم السلعه في مجتمعنا !!	محروم.كوم	منتدى أخبار المواقع والمنتديات العربية والأجنبية	0	02-19-2012 05:51 AM
[ مشكله ] : المنتدي محجوب لدي البعض ومفتوح عند البعض	محروم.كوم	منتدى أخبار المواقع والمنتديات العربية والأجنبية	0	12-30-2011 01:10 AM
الحملة ضد تجارة الأسلحة تطالب بوقف بيع الأسلحة لنظام آل خليفة القمعي	محروم.كوم	منتدى أخبار المواقع والمنتديات العربية والأجنبية	0	09-14-2011 08:20 AM
[ تقييم] : تنويه وتحذير لكل ملاك ريسيلر كلب ثغرة خطيرة	محروم.كوم	منتدى أخبار المواقع والمنتديات العربية والأجنبية	0	08-27-2011 04:40 AM
الطائرات العسكرية التابعة للقوات المسلحة تواصل تقديم المساعدات لمتضرري الفيضانات في ب	محروم.كوم	منتدى أخبار المواقع والمنتديات العربية والأجنبية	0	08-17-2010 04:20 AM