قصة الطفل والطماع والتاجر

محروم.كوم · #1 03-19-2012, 05:00 PM

السلام عليكم ورحمة الله وبركاته
هذي سالفه قريته في احد كتب القصص
وحبيت انقلها لكم
يقولك فيه سنة الغرقه كان فيه رجل شايب
ساكن بقريه والقريه عباره عن بيوت طيبن
ساكن لحاله في البيت وله بنات متزوجات
المهم الشايب هذا تعب وصار مريض في
البيت وصار بناته يزورونه وجيرانه
وشارو عليه بنات انه يروح مع اي وحده
يختارها عشان تقوم فيه لكونه شايب
عاجز الشايب رفض انه يغادر البيت
ورفض انه يروح معهم وبعد الرفض
تشاور البنات بشور كل وحده تجلس عنده
اربع ايام بدور المهم وافقوا على الفكره
وصارت كل اربع ايام تروح بنت
وتجي بنت ترعاه وتقوم بالواجب
المهم جتهم امطار غزيره
سيلت الاض وسيلت الشعبان
المهم كانت عنده احد بناته
ومع بنته طفل لها صغير توه رضيع
وكانت ترقد مع ابوها في غرفة القهوه
المهم الشايب هذا محبوب ويزورونه
اهل القريه في بيته ومره زاره جاره
وكان عنده وبنفس الوقت زاره تاجر

وبعد السلام والكلام قام التاجر هذا وعطى الشاب
صرت دراهم يبي يتصدق عليه اخذهم الشايب
وشكره وحطهن تحت المخده على مرئ من عين الجار
المهم ودعته التاجر وطلع وقام الجار وودع الشايب
وطلع يوم حل الليل وهو يرقد الشايب وبنت
بنفس مكان القهوه وكانت بنفس الوقت تمطر
المهم تسلل الجار ودخل البيت بالليل
وراح مكان القهوه اللي نايمين فيها الشايب
وبنته وتسلل بينهم وخذ الطفل وهو نايم
وقام وحط الطفل في الحوش في البرد
والمطر يوم جاله البرد والمطر الطفل
وهو يعقد يصيح الين صحت فيه
امه وتروعت وش مودي هالطفل الحوش
وهو توه صغير حتى مايزحف
خافت البنت ولا قدرت تروح تجيبه
وصحت ابوها وسئلته انت اللي مودي ولدي؟!!
الحوش قالها لا وش مودي الطفل الحوش؟!!
قالت اجل من موديه قال يمكن زحف ولا شي
قالت لا الطفل توه مايزحف قال روحي جيبيه
لايذبحه المطر والبرد لاكن البنت من الخوف عيت تروح
ورفضت تروح واصرت على ابوها يروح معها
يوم شاف الشايب الدعوه كذا قال بسم الله
يالله سنديلي المهم راحوا لطفل وهم يسمون
يوم قربو لطفل وشالوه وعلى شيلتهم يبون يرجعون
ولا غرفة القهوه يوم انهدم سقفها من الطين والخشب
يوم شافها الشايب ويتحمد الله على السلامه
وقال لبنته شوفي اللي طلع الولد ربك
عشان مايطيح علينا السقف وحنا نايمن
يوم الله كتبلنا السلامه المهم
يوم جا من بكره ويتليمون عليه جيرانه
بعد ماسمعوا الخبر يبون يساعدونه
وصارو يطلعون الطين والخشب يوم وصلو الارضيه
ولا هالادمي تحت هطين يوم طلعوه ولاهو جاره
اللي امس عنده يوم يعطيه التاجر الصره ولاهو ميت
وبيده صرت الشايب
وبكذا انتهى القصه اللي انا قريتها
وحبيت انقلها لكم

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مات الطفل ******	محروم.كوم	منتدى أخبار المواقع والمنتديات العربية والأجنبية	0	09-27-2010 10:00 PM
فن ايقاظ الطفل	محروم.كوم	منتدى أخبار المواقع والمنتديات العربية والأجنبية	0	08-07-2010 03:30 PM
الطفل المسلم	محروم.كوم	منتدى أخبار المواقع والمنتديات العربية والأجنبية	0	07-10-2010 02:40 AM
ذلك الطفل ..أنا !	عنيده بحبي	الإستراحه العامة	8	11-23-2009 02:39 PM