حميد وشتيان يوم بغوا يغرقون بالميناء (مكرم الضيف)

محروم.كوم · #1 03-19-2012, 03:50 AM

السلام عليكم ورحمة الله وبركاته

هاذي القصه يعلمني فيها واحد منهم

يقول اول قبل 40 سنه ماكان فيها اشغال الا الاعمال الصعبه اللي فيها شقا ومكده.

المهم

يقول نروح للميناء البحري ونرفع وننزل قطم اسمنت من البواخر .تنزل بالونش ومن على الارض نحملها بعربيات الحمير او بعض السيارات اللواري لو انها قليله بذاك الوقت.

المهم حميد وشتيان خويا وهاذي شغلتهم وتوهم على المدينه مايعرفونها

(بدو بكراتينهم)

المهم الميناء اول مفتوحه مالها اسوار وامان محد عندك هذا داخل وهذا خارج من الميناء لابوابات ولا تفتيش

المرسى حق البواخر عميق تقول 40 متر ولون الماء ازرق مثل النيله .ماينزله الا سباح متمكن.

ويجون عيال بعمر 12 الى 15 وحولهم ويرمون لهم الخواجات والصينيين عملات معدنيه فيتسابقون على القفز بالبحر بسرعه حتى يلقطونها قبل ماتصل القاع.

بالوقت هذا حميد وشتيان واللي بسنهم 30 و40 و50 سنه يراقبون الوضع.

فهم يحسبون ان البحر هذا مايحتاج له معرفه تنزل فيه وتطلع. والا لو كان فيه صعوبه ماكل ورع يجي وينزل ويطلع من البحر . ولا . يحصل فلوس بعد.

اتفقوا حميد وشتيان ان المسأله سهله جدا ولا يبي لها اي تعليم.

وقالوا لخوياهم اللي مثلهم نبي ننزل البحر ونلم من الفلوس . اللي طايحين فيها البزارين.

مالكم بطوالتها فسخوا ملابسهم وطمروا بالبحر

غزير البحر ترسي فيه بواخر وهم ماعمرهم نزلوا رجليهم بالبحر ولا يعرفونه

المهم يقول حميد انا نازل وشتيان طالع للسطح

ونصرخ ونرد شتيان طالع وانا نازل

ويقول ماشوف الا عيونه مبحلقه تحت بالماء وشعره

المهم اثنينهم على هالحال

لما انقذوهم خواجات من السفينه

وطلعوهم وهم لابخير ولا بعافيه

ماغير بطونهم مليانه ماء كل واحد تقال شراع مليان ومنتفخ

ويقلبهم الخواجه على جنوبهم ويطلع منهم ماء من كل مكان كل واحد تقال نافورة جده.

وارسلوهم المستشفى وطلعوا اليوم الثاني

وحرموا يروحون الميناء كلها.عودوا للبر وتحمدوا الله على العافيه.

يقول حميد وانا بالمستشفى ماغير اضحك اتذكر شتيان يوم اقابله تحت سطح البحر وعيونه مجاحيم ويشر لي بيديه وانا ماني قادر يالله ابي افك نفسي

وعوودوا للديره للبل والغنم ومالهوا بالشي اللي مايعرفونه

وسلامتكم
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بين Hawwat Yanbu و مكرم الضيف	محروم.كوم	منتدى أخبار المواقع والمنتديات العربية والأجنبية	0	12-21-2011 02:30 PM
مكرم الضيف	محروم.كوم	منتدى أخبار المواقع والمنتديات العربية والأجنبية	0	11-01-2011 08:10 PM
يا مكرم الضيف كيف الحال يا مكرم	محروم.كوم	منتدى أخبار المواقع والمنتديات العربية والأجنبية	0	09-12-2011 01:50 PM
زان القصيد ليا نصا مكرم الضيف ..!!	محروم.كوم	منتدى أخبار المواقع والمنتديات العربية والأجنبية	0	09-09-2011 10:40 AM
للجميع اغلى تحية واحترام ( مكرم الضيف )	محروم.كوم	منتدى أخبار المواقع والمنتديات العربية والأجنبية	0	08-25-2011 05:10 AM