قصتي مع البعارين وخويي وددسن

محروم.كوم · #1 03-19-2012, 12:50 AM

السلام عليكم ورحمة الله وبركاته
هذي قصه حصلت معي وقلت انقلها لكم
لاكن القصه طويله شوي
كانت عندنا بعارين ولازالت الي يومنا هذا ولله الحمد
وكنت من يومي ورع اخاوي ابوي للبعارين وكانت البعارين تبعد عن المدينه اللي اسكن فيها
حول اللستين كيلو اربعين مع الازفلت وعشرين مع الصحراء المهم كل مانزلنا صحراء خلاني ابوي اسوق
راحت الايام ويوم جاعمري حول الخمس طععش ولاني سواق مايحتاج اسوق في البر والمدينه وراح ابوي
وشرالي سياره(ددسن )يبي يعتمد علي اذا سافر ولا امرح عند البل ولا قنص
وصرت من بعد السياره قليل اخاويه من كيفي للبل المهم في يوم خميس لاينسى
قمت من النوم الصباح وافطرت وعقب ماافطرت ولا امي جايه ومعها ورقه وتعطيني الورقه ومعها مية ريال
قالت ابوك راح اليوم يعزي لديره الفلانيه وحطلك هلغراض بالورقه يبي تشريها وتوديها الراعي قلت طيب
والله وطلع للبقاله وشري الاغراض اللي بلورقه كلها ومر خويلي دايم يروح معي لاي مكان قلتله اليوم
بروح لحالي للبل اودي اغراض لراعي وشاريك تخاوين قال طيب قلت خلاص تولم بعد الغدى بمرك
وامشي من عنده وروح البيت وتغدى وقلت لمي ترى يمكن
اتاخر عند الابل ويمكن اتعشى عنده وبروح انا وفلان ورجع لخويي ولاهو جاهز واخذه ونتوكل على الله للبعارين
المهم وصلنا البعارين حول العصر ونزل اغراض العامل ونسوي القهوه ونتقهوى ونطلع نتمشى عقب القهوه
للبعارين ونجي الراعي ونسلم عليه ونسولف معه ونسرح معه الين قبل الغياب ونرجع للمكان ومراح الابل
ويجب لنا حليب الراعي وبعد ماخلصنا من الحليب قلت لخويي ها وش رايك نمشي قال الاوشرايك نقعد ونجربع
الليله هنا واليا خلصنا توكلنا على الله انا جازتلي الفكره ووافقت وجلسنا الين دك الدماس ومشينا
خابرلي سهله على طريق الرجعه حلوه وكثيرت جرابيع المهم مشينا وكل مااخذنا شوي طلع قدامنا
جربوع ويله هذا يضيع وهذا نمسكه بيدينا المهم طلع قدامنا جربوع يوم جا عليه النور وهو يوقف
وننزله انا وخويي نبي نتركدله ونمسكه ويجيه خويي من يمين السياره ونا اجيه من يسار السياره
المهم يوم قربت من عند الجربوع ولا خويي يوم صاح ونقز قدام النورومسك رجله قلت انت وش فيك
قال عظني شي هنا وكان يشر على مكانه اللي جاي منه ونا اركب السياره وارجع ريوس
يوم تبين مكانه لاهاك الحيه ولاهويوم شافها خويي وهو يقعد يصيح ويصارخ قلت هي قرصتك
ولا لا ولاهو مايرد علي قلت اركب اركب بسرعه وهو ينقز من عندي قلت انت متاكد قرصتك
انا بصراحه مذهول قال ودني المستشفى ودني بسرعه انا ياربع ادل بصراحه لاكن في هلوقت
ضيعت كل شي ضيعت الطريق وضيعت حتى الجهه من الروعه وبصدق اللي روعني خويي
بصياحه فقع اذني وعقلي وقلبي ونااوجهه على عماها ودور اي نور اي خط اي شي ابي اي احد يساعدني
والله ودعس على عماها وهذي قشعه تشيلني وهذي تنزلني الين اعترض قدامي خط صحراوي
لاوالله يوم بلشت مدري اخذ يمين معه ولا يسار لاني ماني خابر ديره قريبه عندي الا الديره اللي اسكن فيها
ونا اخذ اليسار من الخط وادعس وكل شوي التفت بخويي وهو يصيح ويون وكل مافرع الخط اخت الايمن
المهم قطعتلي مسافه لاوالله يوم انقطع صوت خويي وطالع بخويي يافلان يافلان لاوالله مايرد ولاوالله الروعه
اللي مامرت علي بحياتي وياجعله ماتمرالمهم قعت اتطلع لاي نور نور سياره نور خيمه يوم فكرت ولاني
طالع من الخط اللي انا امشي عليه ولا هاك القشعه الكبيره قدامي وهي تشيلنا فوق وتقعد تلعب السياره
فينا.. شوي الا ننقلب ولاوالله يوم وقفت وهي تطفي السياره ولا الطفيه هي الطفيه شغل عدل بدل
لاوالله يوم عيت تشتغل و من الروعه وبين مصدق ومكذب علقت على البطاريه

لين فضت عيت تشتغل وعيت في الاخيرحتى تدق وناانادي خويي ياخوي ياخوي ولاهو مايرد
وحط يدي على قلبه وفمه ابي اشوف ينبض يتنفس لاوالله عجزت اركز وتطلع ابي اشوف احد
ولاهي دنيا ظلام ونا اقعد ابكي ودق السياره ولاهي مير تقول مافيها مكينه ونا انزل من السياره
وعدي فوق التنده ونادي وتطلع ونزل وشغل الفلشر ولاهو يالله ينقد
ورجع اعدي ونادي يوم اخت لي شوي
ولا والله يوم لاح هاك النور ولاوالله يوم تبين ولاهي سياره متجهه علينا ونا انزل اكبس بنور لاوالله
ماينقد ودوركبريت معي وفي السياره ولا حصلت ولا السياره يوم قربت وقربت ونا اتجه لها على رجلين
واشر لها بيديني الثنتين ولا والله يوم مر من عندي مايجي عشرين متر وصايح عليها لاوالله يوم تعداني
الرجال مسرع وهو يروح والروحه هي الروحه ونا ارجع لسياره ادور كبريت لين دخت مالقيت كنت ابي
اسحب خويي وشب في السياره ولاوالله يوم جلست جلست عاجز مايقدر يسوي شي ابد جلست مدري
انا بحلم ولا بعلم يوم اخت شوي ولاني يوم سمعت صوت صوت كلب ونا انقز واقف وتلفت بهضلام
ولا الصوت بعيد لاوالله الصوت جاي من هلجه وتوقعت ان الكلب اكيد حوله غنم لاكني قعدت اتردد
خوف من الكلب وخوف من اضيع خويي المهم شديت روحي ماعندي خيار ثاني وقلت والله لو يقطعني
ياربع يوم امشي كني في المربعانيه وحنا في القيض المهم قعدت امشي لجهت الصوت وتطلع ماشوف شي
وكل مانبح الكلب حددت مكانه وتجهت له وكل ماقربت زاد الصوت وزاد الخووف وكل شوي التفت لسياره
لاوالله ماشوفه الا يوم قعد الكلب ينبح علي ونا اتسمر محلي عجزت اتقدم وقعدت ارتجف وقعدت اتخيل انه
الحين بيهجم علي ونا اقعد اصايح اصايح بقو صوتي ونا احذف النعال وحطلك رجلي مع الخلاء ابي السياره
ولاني اركض وكل شوي اطيح ماشوف الين ماخلص فحمت ونا اجلس غصب ولاهوبينقطع نفسي خلاص مالي
قدره ولاصوت الكلب للحين ينبح يوم اخت نفسي شوي ولا احس رجلين تقل جمر وتحسسها ولا فيها دمان
وطالع ولا والله مدري وين السياره ولاشوف شي جلست جلست حاولت اقوم مالي قدره جلست بمحلي
الين باح الشوف تطلعت يمين يسار ولا ماحولي الوالي لاغنم ولاناس ولا شي دورت السياره ولاهذيك اهي
عني حول ثلاث ميت متر ونا اروح لها ورجليني متورمه الين وصلته ويوم جيت ولا خويي بمحله ولا رجله
وحده اكبر من الثانيه يمكن بثلاث مرات صحيت صحيت صحيت مايرد ابد شغلت السياره مافيه امل وجلس ابكي الين خلصت
يوم اخت عنده حول ساعتين ولا السياره يوم جت ونا اقوم ولاني مالي قدره اصوت بس اشر بيديني
ولاهو يوم جا ولاهاك الشايب اللي لحيته حمرا بسم الله انت وش تسوون هنا قلت خويي مقروص
من البارح وحنا متعطلين قال وش قارصه قلت حيه وهو ينزل من السياره وهو يطالع بخويي
يوم شاف رجله قال اي والله هذي الحيه الله يكفينا شرها قال شله شله واركب بسرعه
ونا اشيله من قلب وركبه واركب وهو يقع يسولف علي الشايب وين وكيف ووشلون

وعلمه بكل شي وهو يمشي شوي شوي ياعم اسرع خويي يبي يموت وانت تمشي شوي شوي
واذكره يسولف علي يقول الحيه الخميس مدري الجمعه مدري ليلة الجمعه اطرش سمها
المهم اخذنا شوي ولا هذا القار قدامنا يوم ركب القار وهو يقعد يمشي اقل من السرعه اللي كان عليها
ياعم ادعس تكفى ولاهو مير تقول اكلم جدار الين وصلنا الديره وندخله المستشفى وعلمهم انه مقروص من
حيه وتعالج انا ويعطوني مغذي ورقد يوم قمت ولا الشرطه عندي ولا خالي عندي قلت فلان وش صارعليه
قالو فلان مات مات مات مات مات مات مات مات للحين تدوووور هلكلمه براسي. بس لاتصدق عاد السالفه
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
للبيع شاص واكسنت وددسن	محروم.كوم	منتدى أخبار المواقع والمنتديات العربية والأجنبية	0	06-01-2010 01:50 PM
صور البعارين ولا اروع...	محروم.كوم	منتدى أخبار المواقع والمنتديات العربية والأجنبية	0	04-24-2010 02:00 PM
لماذا تبرك البعارين وروسها باتجاه الشمس!!!!	محروم.كوم	منتدى أخبار المواقع والمنتديات العربية والأجنبية	0	02-12-2010 02:20 AM
بيع كابرس وددسن	محروم.كوم	منتدى أخبار المواقع والمنتديات العربية والأجنبية	0	01-15-2010 03:40 PM
بداية قصتي كلمه . . وآخر قصتي أبيات	اشكي لمن منكم	شعر و خواطر	6	04-11-2009 12:44 AM