[خذني على كيف مآ تبغي وآنآ جيتك ~ - الصفحة 2

رآعـي آلـفـزعـآت · 03-11-2012, 12:30 PM

# صبآح آلجوري ~

طول هالآيآم مآسويت ولآ آي شي يذكر لآني كنت فحجرتي طول الوقت ~
وآرقد وآنش آسولف وآصلي وآرقد وآنش وآسولف وآصلي هههه ~
(شي سوآلف بس مآ تستحضرني آلحين , بقولهآ بعديهن)

--

آشعر ببعض الضيق بسبب شخص مقرب آلي تعرض آلى حآدث ~
وآتمنى لو كنت مكآنه فلآ يسعني آن آسمع مآ يؤلمه , فـ هو يؤلمني آكثر منه !

وسعيد بنفس آلوقت لآن علآقآتي بدآت تعودت كمآ كآنت مع الكثير من الآشخآص ~
ولآنني عرفت حقآ كيف آتعآمل مع بعض الآنوآع من البشر =) ~

--

آسمع وآرآ وآتآبع كثيرآ على تويتر وغيره ,
مآ يحدث بخصوص القرضآوي والسبعه البدون وغيرهم
وآكتشفت آن لكل منهم رسآلته آلتي غرست فيه بمفهومهآ الخآطئ
آدآم الله على الآمآرآت آمنهآ ولآ مكآن للخونه بيننآ ~

-- __DEFINE_LIKE_SHARE__

رآعـي آلـفـزعـآت · 03-11-2012, 04:45 PM

* مسـآ آلـورد ~

آول شي , ليش كل شخص نآجح , تكون ورآه قصه فشل ! آو فقر ~ =) شطحه ~

آممم اليوم آستوآ موقف غريب هههه , آخويه كآن يستهبل وجآن ينجلب وآنسدح عليه ههه وتعور وانا تعورت بس ما بقولكم متى وليه وكيف هع هع ~

سرت المدرسه واعتمدت على معلوماتي العامه فالتاريخ واتوقع يايب b , لاني خربطت شوي هههه

اصلا طالع وانا احسب a , بس سمعت الشباب يقولون شو كتبوا وقلت يالهوووووووي هههه ~

ورديت البيت ,

آخويه النذل مخلي بشكارتنا المسيحيه تاكل لحم نوق ! ويايبنه خصوصي بس عشان يعرف رده فعلها !

يلست تصيح واخويه وحرمته ناقعين عليها من الضحك ~ وتقول انها تبغي ترد بلادها عسب تعتذر لماعرف منوه لانها جيه سوت وسالفه هههههههه ~ بس كسرت خاطري وايد لول ~

__DEFINE_LIKE_SHARE__

رآعـي آلـفـزعـآت · 03-11-2012, 05:06 PM

هممم اسمع اغاني وآكل خرآبيط ~

+ فيآ رقآد
+ مآبآ آرقد
+ آبآ آسولف
+ ملل
+ الجو برآ مآ يسآعد ~ __DEFINE_LIKE_SHARE__

رآعـي آلـفـزعـآت · 03-12-2012, 12:29 PM

مشتآقلك موت يآلي طول غيآبك
ذبحني آلشوق وآنته عني مو دآري
آتذكرك كل يوم وآموت وآحيآ بك
وآقول وينك تجي تسآل عن آخبآري

آتذكر آيآم حبك يآلي نآسيني
يزيد آلشوق يهل الدمع من عيني
يآخذني آلليل وآصحى آنآديلك
محتآجلك يآ حبيبي لآ تخليني

تسآلني النآس كيفهآ آحوآلي
آقول بخير ومآني بخير يآلغآلي
تعبآن آنآ يآ حبيبي رآحتي قربك
آلخير مآشوفه آلآ بشوفك قبآلي

آغنيه آحمد آلهرمي القديمه ! كنت آسمعهآ لـ آستمتع ولم آتمعن في كلمآتهآ ~

والآن آسمعهآ وآنآ آتفكر في كلمآتهآ كلمه بكلمه ~

سؤآل دآئمآ مآ يرآودني , هل من نشتآق له كثيرآ وربمآ نسهر الليل بسبب آشتيآقنآ , يشتآق لنآ !؟

هل من نفكر به كثيرآ ولآ نحتمل غيآبه ,, يفكر بنآ كثيرآ ولآ يحتمل غيآبنآ !؟

آتمنى آن آصل آلى الآجآبه بآقرب وقت فآنآ آحتآجهآ ~
__DEFINE_LIKE_SHARE__

رآعـي آلـفـزعـآت · 03-14-2012, 10:20 AM

#صـبـحـكـم الله بآلخير وآلنور والسرور ~

اليوم نشيت وآنآ مرتآح ومب تعبآن وللآسف كل هآ لآن مآعندي آكزآم , آسترآحه ههه ~

آول مآنشيت الصبح سرت المطبخ قلت للبشكآره ليه مب حآطين ريوق , قآلت آنتوآ كل يوم تتريقون برآ , جآن آقول خلآص برآيه وظهرت بالسيآره سرت كليتلي لقمتين في سنشري مول , هع ~ وعآد هنآك حصلت كل طلآب وطآلبآت المدآرس لي صوبنآ ههههه لي يآي يتريق ولي يآي يآخذ غرض بدآل مآيدرسون ههه ~

آول مآرديت حصلت آخويه بيطلع من البيت بسيآرته وعيونه فالبي بي وقلت مآ شآء الله , عآد آبآ آسد عليه بس المشكله يستوي سيآره تدخل وسيآره تظهر من البيت بنفس الوقت , المهم آني دقيتله هرن طويل مآيبآ غيره , جآن يخترع وينزل الجآمه وآونه مب عآيبنه ههه , عقب قآلي بسير بوظبي , قلتله ومآ تعزم , قآل عندي دوره , جآن آقوله كذآب شكلك موآعد هههه جان يضحك ويروح ~

وعآد شليتلي حلآوآت وييت فوق آيلس عالمنتدى وآسمع رآقد المآجد قصدي رآشد عالصبح ~
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ورىَ عُوجَ آلظلُوعَ بقَآيآ ضَحكتِك وآلقآكَ,,وسَآفرِ لكَ وآنآ حيّك وآسآفرَ لكَ وآنآ ميتَك	همس العشق	الشيوخ و رؤساء الدول	18	02-18-2011 06:43 PM
جديد مجموعة mbc : لعبة " خذني جيتك " الشامية لتعلم اللهجة الشامية كـ " باب الحارة " !	محروم.كوم	منتدى أخبار المواقع والمنتديات العربية والأجنبية	0	09-05-2010 05:50 AM
تبغى يصير موقع كبير * تبغى آلاف الزوار * تبغى بيج رانك مرتفع اجل ادخل هنا t6y.org	محروم.كوم	منتدى أخبار المواقع والمنتديات العربية والأجنبية	0	10-07-2009 04:30 AM
من اليوم فصاعداً لن نلوم الوفاق في قضية معتقلي كرزكان انما نلوم الاهالي	محروم.كوم	منتدى أخبار المواقع والمنتديات العربية والأجنبية	0	05-28-2009 02:00 PM
بالتكسي خذني لها يالتكسي خذني إلى إستراحات زايد يالتكســــي	راعـــ الرنج ـــي	تراحيب وتهاني	18	08-21-2008 07:15 PM