أيام الدراسهـ

~~ولد الاوغاني~~ · #1 01-25-2008, 02:53 AM

السلام عليكم ورحمه الله وبركاته
اليوم ياي ومعاي موضووووووع
وأبي الكل يشاركني فيه ألا وهو العوده لأيام الدراسه
بخبركم قصتي قصه حلوه وبعدين أبي كل اللي يدخلون ماابيهم يشكروني
عالموضووع ابيهم يشاركوني الموضووووع
الكل يدخل ويخبرنا اطرف قصه صارت له أيام الدراسه
يعني سواء اضحوكه او حزينه اوكيه
خلوني ببدأ قصتي كان يامكان في قديم الزمان ههههههه
بددت أيام الدراسه والكل يعرف ممنوع ان الشباب يطولون شعورهم طبعا
اللأئحه تقول جذي لـائحه المدرسه أمحق اللائحه

المهم انا واحد من الشباب اللي اشعورهم طويله عادي
يا يوم التفتيش وانا كنت عااااااااااااااادي نهائيا لو شو تسوي الاداره
ماراح اقص شعري شعري ربيته وكبرته وكل يوم اشربه ماي
ويبوني اقصه اتخسى الا هم المهم عاد يا يوم التفتيش عاد بدو من
الثانويه العامه وانا كنت في الثانويه العامه وكان صفنا ثاني صف مره
المهم طلعونا نحن وايدين قالولنا باجر اتون وانتوا قاصين شعوركم
طبعا بعد التهديد مادري شو مسوين مسوين جريمه قتل الا هو شعر الله عالادراه
المهم يا ثاني يوم اشوف نص ربعي محلقين ونصهم لا طبعا سواء ربعي ولا لا اشوف نص المدرسه محلقه قلت زين زين انا هني خفت شويه
المهم يو مره ثانيه وطلعونا وانا من ضمنهم قالولنا برع سيروا حلقوا
وتعالوا انا قلتلهم مابحلق لوتقولولي بنعطيك نسبه 99.9 مابحلق
المهم راغونا مثل الجلاب عزكم الله المهم انا سرت البيت وحطيت راسي ورقدت ونشيت ثاني يوم ورحت المدرسه ويو مال التفتيش مره ثانيه وطلعونا وانا بعد من ضمنهم نصهم راغوهم وانا مااراغوني يعرفوني اني عنيد قالولي روح عند الاخصائي ورحت عند الاخصائي عاد ها الاخصائي يحبني مثل ولده
واااااايد يحبني شافني وقالي حمود اتخيلوا زقرني حمود خخخ وانا شاق البوز
قالي غربلك الله شو مسوي بعد راويته شعري جان يقول ماعليك منهم
هو يعرف اني احب اغني وااايد يحب صوتي هالاخصائي قالي سمعنا شي والله مااقص عليكم المهم غنيتله ويا الوكيل وقال هذا مب طايع يقص شعره
جان يقول الاخصائي خله هذا معذور هذا فنان ههههههه وانا طاير من الفرحه
المهم جان يقوم الوكيل صب له جاي وصب لـ الاخصائي وقالي تبا جان الاخصائي يقول صبله صبله اونه ها يستحي صبله المهم صبلي جاي وقالولي غن المهم تميت اغني لهم مساكين الطلاب هم يتعاقبون وانا هني اغني وشعري طويل هههههه المهم قالولي خلاص روح الصف يا ثاني يوم ويا يوم التفتيش اتخيلوا طلعو اللي ماقاصين شعورهم وانا ماطلعوني هههههه الكل قام يشتكي يروح الاداره وربيعي كان من ضمنهم اسير وحلييله المهم قالي هناك كانوا يشتكون عليك قلتله خلهم يشتكون مسكين ربيعي بعد معاناه قص شعره قالي انت كيف خلوووك قلت ماادري ماقالولي شي المهم يا استاذ الدين وقال ماابي الناس تتكلم عليك قص شعرك قتله الناس بتتكلم من اليوم لباجر انا مايخصني اشعليه منهم يولووووووون يزوووولون قالي مابتحلق قلتله لا قالي روح الاداره رحت الاداره
قالي الاخصائي بعد شو مسوي اشرت على شعري جان يقولي سير الصف وشوي استاذ الدين يا قال حق الاخصائي مايبي يقص شعره قال الاخصائي خله براحته
المهم سكت استاذ الدين عني وقالي الاخصائي خلاص رووووح الصف والمدرسه كلها غيرااااااااااانه مني هع هع هع هع شو رايكم انا البوس ها في المدرسه ههههههه وهاي قصتي واتمنى انكم اتشاركوني
__DEFINE_LIKE_SHARE__

ж شـمـوخ عـراقـيـه ж · 01-25-2008, 03:32 AM

هههههههههههههههه

اول شي السلام عليك

شخبارك خوي؟

الحمد لله على السلامه والرجوع

قصتك وايد حلووووه ههههههههههههههه

وأنا بعد عنيده مثلك هههههه بس هب لهدرجه

وانا لي قصص وايد في المدرسه لاني كنت مشاغبه

ككككك .. بقص لكم قصتيه بس لاتضحكون ههه

مره كان عندنا أستاذ وايد معقد مانحب درسه

المهم اتفقنا نحنا البنات بنسوي في سالفه

قمنا وسوينا شريط طويل هذا الي يخلونه في الاحتفالات

تكون الوانه احمر واصفر واخضر مصنوع من القماش

المهم يبت واحد طوله مترين او اكثر وخلت في ربيعته ماده لاصقه

وهو كان يشرح الدرس ويتمشى في الصف ولزقته ورا على ظهره

وصار له شي وراه يشبه الذيل
وهو يمشي ويشرح الدرس وحنا بنضحك

هو عصب قال شو بلاكم

قلنا ولا شي .. هو قال الي بتضحك بتخرج برع

المهم حنا تمينه بنضحك قال الكل برع

رحنه للمدير قلنه له الاستاذ طردنا قال شو السبب

قلنا عشان نضحك وهو قال ليش تضحكو؟

دش الاستاذ قال للمدير يبالهم فصل

المدير شاف الذيل وتم يضحك ههههههههههههه

قاله وانت بعد تضحك؟ قاله لف ورا وشوف نفسك

وجان يعصب الاستاذ وبعد اسبوع ونسمع الاستاذ ترك التدريس

هههههههههههههه

مشكور خوي حمود ههههههه

موضوع حلو وعيبنيه

مممممممم يوم اتذكر موقف ثاني اخبركم ^^

دمت بود __DEFINE_LIKE_SHARE__

حرف الذهب · 01-25-2008, 03:43 AM

وعليك الـــــــــــــــــسلام والرحمه

خخ خخخ خخ ما قصرت ع الطرح الحلووو
مشكوور ع الموضوع الطيب
تسلم وربي يعطيكـــــــــــــــــــــ الصحه والعافيه

وجان تذكــــــــــــــرت شي ما بقصر ^^ __DEFINE_LIKE_SHARE__

~~ولد الاوغاني~~ · 01-25-2008, 03:45 AM

وعليكم السلام الله يسلمج
هههههههههههههههه والله البنات مب هينات هههه
يحليلح الاستاذ
مشكوووووره اختي عالمروووووور
وربي يعطيج العافيه __DEFINE_LIKE_SHARE__

ونــ أشعاري ــات · 01-25-2008, 03:45 AM

---{ هههههههه

مشكلهـ الواسطهـ

يسلمووو اخويهـ ع الموضوع

اللهـ يعطيك ألف عافيهـ

لي عودهـ بذكرياتي ايام الدراسهـ }---

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطلوب دبة غاز لحام,,,	محروم.كوم	منتدى أخبار المواقع والمنتديات العربية والأجنبية	0	07-18-2010 01:50 AM
أستفسار عن الخرازهـ اللأمانيه ((Krico)) كريكو	محروم.كوم	منتدى أخبار المواقع والمنتديات العربية والأجنبية	0	07-04-2010 05:50 PM
أيام الحصاد	ولـد الـمـرفـأ	رياضة محلية و عالمية	3	05-07-2010 12:34 AM
®.•°.•°.•°.•°كلك حلا كلك دلال محال ويضيع الكلام محال اوصف خيالك.•°.•°.•°.•°.•°ô	da1a3	الشيوخ و رؤساء الدول	18	12-25-2009 10:02 PM
+ {محال} +	emaraty $tyle	تصاميم الاعضاء	36	01-13-2008 07:21 PM