سالفة: يوم اقبل خوبيـي..قوافي

محروم.كوم · #1 03-04-2012, 10:30 AM

السلام عليكم ورحمة الله وبركاته
صبحكم / مساكم الله بكل خير جميعاً
هدايا النجاح معروفه الولد صغير يعني سيكل والبنت عروسه اومواعين ولو تلاحضون كأنها بداية تدريب لما سيكون
لين كبر الولد سياره والبنت حسب ماترى يمكن هديه ويمكن ؟؟؟؟
نجحت انا وأخوي من ثاني متوسط وهو ماشاء الله عليه عنده
شيهانه بحريه مزيونه ياااااااله من فضلك وسياره وبعض الاشياء اللي يستطيع والدي توفيرها له كبداية شاب من سلاح ومشتقاته للرحلات البريه..
كنت منقهره منه كل ما جيت ابي اشيل الشيهانه قال:لالالالا
خليها لا يجيها شي ولين صار كسلان قال علفيها
الوالد كعادت كل سنه وش تبين هدية نجاح من باب التشجيع
قلت ابي طير :يوم تغير وجه ابوي..قال وانا ابوتس ما تعرفين له وبعدين خطر واخاف عليتس منه ومن ها القبيل..
وابد ولا ابي إلا طير
يهديتس يرضيتس
قلت ابد طير
المهم عقب الحاح قال ابوي:ابجيب اللي بشوفه مناسب قلت خلاص موافقه ..احسب ابوي يقصد من جهة الاصاله..
راح لسوق الطيور وانا اعد الدقايق ويوم جا ابوي؟؟؟؟؟
انصفق وجهي
وش يبيي هالبسباس اللي انت جايب الله يهديك

قال :هذا لاتستقلين به تراه شيطاني وزين كبدايه
ضاق صدري وش هالعضه والعبره
كان جاي من اليمن مدري خوبي ولا خولاني مثل القهوه
جا اخوي المغرب وقال وهو يضحك ورين طيرتس المهم جبته بكل بغض لها الطير اللي ماله ذنب غير انه طاح بي ايديني
يوم قال انتبهي انتبهي؟؟ وراتس تجيبينه من قدام الشيهانه وهي ما عليها برقع ترى تاكله !!!قلت بعد!!! كملت ياقوافي:f
بكره المغرب اخوي كان مشغول وطلب مني اعشي طيره وانظف حوله
:lجبت ذالمنتهي وحطيته عند الشيهانه وفكيت البرقع ما كنت مصدقه ابد انه بياكلها والله كنت احسب انهم بيكبرون صورته بعيني ورحت بجيب سمانة الشيهانه ..
بها الوقت مدري وش طلبت امي ونسيت السالفه يوم تذكرت لين على الساعه 9 من الليل و الشيهانه تعشة طيري خوبيي

ما أمداه الضعيف اسميه وزعلت عليه ما امداه
وعلى ابوي :يبه ابي طير طير اخوي اكل طيري
تحياتي
اختكم
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:دوج ابو عبيد..قوافي	محروم.كوم	منتدى أخبار المواقع والمنتديات العربية والأجنبية	0	12-13-2011 07:30 AM
سالفة:ضبع الحديقه..قوافي	محروم.كوم	منتدى أخبار المواقع والمنتديات العربية والأجنبية	0	12-12-2011 10:30 PM
سالفة:كلو حنينيي..قوافي	محروم.كوم	منتدى أخبار المواقع والمنتديات العربية والأجنبية	0	12-10-2011 04:10 AM
سالفة:عرس حي العطايف..قوافي	محروم.كوم	منتدى أخبار المواقع والمنتديات العربية والأجنبية	0	11-03-2011 09:10 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM