تقرير مصور تركيب مساعدات بلستين bilstein 5100 على التاهو سعد القاسم

محروم.كوم · #1 02-22-2012, 02:00 AM

<div>
السلام عليكم
تحيه طيبه للجميع

من باب حب لاخيك ماتحب لنفسك حبيت مشاركاتكم بهذا اتقرير

واسال الله ان ينفعني وينفعكم به

واي خدمه نعين ونعاون

بسم الله ماشاء الله لا حول ولا قوة الا بالله نبدأ وبه نستعين

اولا

فكرة اقتناء هذه المساعدات بالذات جاءت بعد قرار اتخذته بخصوص المساعدات الي تجي مع الوكاله وللاسف لسوء عدم تحملها وخصوصا بالطرق الوعره (( بالبران )) لم تتماسك طويلا هذه المساعدات

فبعد تقريبا 80 الف طلع زيت المساعدات الي ورا

وتفقعن الي قدام مع العلم اني لست مستخدم جفس على السياره انما مسايس وتحميل على الموتر احيانا من عزب اثناء الطلعات وعفوش للعائله ايام الاجازات ونحوه ..

الى ان سخر الله لي اخوه مثلكم استعنت بهم بعد الله في اقتناء نوعيه ممتازه وتدوم طويلا
فلهم مني خالص الدعاء والشكر بظهر الغيب ..

ثانيا

بعد تيسير الله وقع الاختيار على مساعدات نوع BILSTEIN 5100
لنوع السياره تاهو 2010 دبل ..

الحمدلله طلبت المساعدات من موقع اسمه شوك وير هاوس

http://www.shockwarehouse.com/

موقع امريكي ممتاز تمت تجربته

واليكم التفاصيل

1- تدخل الموقع

2- تشوف امامك خيارات

CARS

TRUCKS

MOTORHOMES

تختار في اي نوع سيارتك وتختار الشركه مثلا شفر او جمس او تيوتا الخ .. بس اهم شي تختار نوع السيارة صغيره كبيره وش نوع موترك ...

3- انا اثناء اختياري اخترت

TRUCKS ثم شفريله من نفس هذه القائمه
لان نوع السياره تاهو قصير ال تي دبل

ثم تضغط كلمة sumbit البرتقاليه

4- تطلع لك قائمه بالسياره كلها لهذا النوع وهذه الماركه بعد كذا اخترت نفس موتري
Tahoe 4 door 4wd
وتعني تاهو اربع ابواب دبل

ثم تطلع لك صفحه وفيها جميع شركات المساعدات الي يوفرونها لك وانت بكيفك تاخذ اي شركه

ولكن انا وقع الاختيار على بلستين لكفائتها وسعرها المناسب

طبعا اول خيار في الصفحه معطيني بلستين 5100 وتقدر تاخذ امامي وتقدر تاخذ خلفي ان شاء الله حبه واحده او طقم كامل او حبتين الي تبي موجود

بعد ذالك اخذت مرادي

وطلع Part Number ويعني رقم القطعه F4-BE5-E376-H1 للامامي

والخلفي رقم القطعه F4-BE5-F265-H0

طبعا بعد اضافتها لسلة المشتريات تقوم باكمال عملية الشراء ولن اخوض في هذا الجانب لانه معروف لمن يشتري دائما من النت

بعدما تاكدت من بطاقتي الفيزا او الماستر وان المبلغ المحسوب بالدولار يغطي اتممت العملية مباشره وكانت المساعدات غير متوفره فحجزت معهم لمدة اسبوع تقريبا لين تتوفر والحمدلله توفرت وارسلوها على طول بعد ذالك وصلتني المساعدات

وكنت متخوف انها ماتجي نفس المقاس الي انا ابي وخصوصا اني رافع الموتر 3.5 انش لفت كيت روش كنتري من امريكا وكنت متخوف من ها الجانب ان تكون مقاستها غير متناسبه والحمدلله وصلت وعلى طول شيكت على مقاسها مع مساعدات الوكاله وكل شي تمام نفس المقاس بالظبط

ثالثا
ندخل في الصور والتركيب

هذا الامامي والخلفي بكراتينهن ماشاء الله هههه

وهنا ايضا رقم القطعه المطلوبه مكتوب على كل كرتون

وهنا الامامي والخلفي وكما يلاحظ رقم القطعه ايضا منقوش نقش

المساعد الخلفي القديم

مقارنه بين المساعدين ومقاسهم والحمدلله المقاس مضبوط

طبا نسيت اذكر ياخوان ان هناك ميزه جيده في هذه المساعدات
خصوصا الامامي باستطاعتك يعطيك رفعه لمقدمة السياره بدون كعكات وخرابيط

وهذي جايه مع الامامي وسيرد لها شرح ان شاء الله

وهنا الشرح في هذا الكتالوج الي جاي معه

ومعناة هذا الرسم
انك اذا بغيت تخلي الموتر شد بلد ارتفاع الوجه تخلي الحلقه مثل الرسم الاول من اليسار

واذا بغيت يعطيك ارتفاع نص انش يعني 0.59 تخلي الحلقه مثل الرسم الثاني من اليسار

واذا بغيت ارتفع 1.18 انش تخلي الحلقه مثل الرسم الثالث من اليسار

واذا بغيت ارتفاع ايضا للمقدمه كما ذكر كله للمقدمه 1.77 انش تخلي الحلقه مثل الرسم الرابع والاخير

بكل بساطه وكل شي واضح

فقط كل مافي الامر تروح لمكان عنده الة كبس لان المساعدات الاماميه ملفوف عليها ياي وتحتاج الى كبس لتفك وتركب الياي علشان تستبدل القديم بالجديد

رابعا

انطباعي عن المساعدت والراحه والاداء

طبعا لا تحكمون على كلامي بحكم اني جايبهن للاسخدام في البر واما في المدينه فعليها من القساوه الشي البسيط واستطيع تقديره بواقع 20 بالميه عن مساعدات الوكاله وصالحه للاستخدام اليومي بنظري الا من يدور على الليونه الزايده هذا امر اخر ..

فالمساعد يا اخون عليه من القساوه الشي البسيط فقط وبكلامي هذا اخلي مسؤليتي تمام عن اي حاله او اي شي لمن لا يعجبه اثناء التجربه او الاقتاء ... موب تقولون ورطنا بن قاسم هههه

<div align="center">خامسا
<font face="Arial Narrow"><font size="4">التكاليف :f __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير تركيب هوب رياضي استرالي وفحمات سيراميك تاهو4x4 سعد القاسم	محروم.كوم	منتدى أخبار المواقع والمنتديات العربية والأجنبية	0	01-29-2012 09:00 PM
مساعدات التاهو 2002ومشكلة الحساسات	محروم.كوم	منتدى أخبار المواقع والمنتديات العربية والأجنبية	0	02-25-2010 01:40 AM
تقرير مصور : أخر مهازل التجنيس ... تركيب علم بلوشستان على أحد مدارس	محروم.كوم	منتدى أخبار المواقع والمنتديات العربية والأجنبية	0	02-12-2010 08:10 PM
تقرير مصور : أخر مهازل التجنيس ... تركيب علم بلوشستان على أحد مدارس	محروم.كوم	منتدى أخبار المواقع والمنتديات العربية والأجنبية	0	02-12-2010 07:30 PM
تم تركيب تانكي ماء لـلـ Fj (تقرير مصور)	محروم.كوم	منتدى أخبار المواقع والمنتديات العربية والأجنبية	0	05-02-2009 01:50 AM