|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاتة السلام عليك ورحمة الله وبركاتة هالقصة صارت صيف 1995 كنا في ولاية أوكلاهوما مدينة تولسا وكنا مسوين قروب مجموعة شباب سعوديين وقطريين وأماراتيين المهم واحد من الاخوان سعودي جاء ولد عمه الكبير زيارة لنا هناك وكان الرجال وقتها عمره بالاربعينات أقصد الضيف اللي جاء يدرس لغة 4 شهور ويرجع الله يذكره بالخير الآن مسئول كبير في قطاع حكومي مهم واشوفه بالجرايد دايم .. بينما كنا معشر الشباب الدارسين بأمريكا أعمارنا بين 25 و 30 سنة بس علاقتنا قوية والواحد مايخلي الثاني ... وصل الرجال ذاك اليوم وراحوا مجموعة يستقبلونه بينما ذهبت انا وواحد من الشباب في وقت ابكر لمزرعة خارج المدينة نذبح خروف عشاء للضيف .. لمعلوميتكم خرفان أمريكا شبيهه بالخروف الاسترالي أو بالتحديد بالخروف الروماني لمن يذكره أيام كان يجي عندنا بالمملكة .. المهم طبينا المزرعة وكان راعيها مخصص لنا ولغيرنا من المسلمين شجرة طارفه يتدلى منها خطاف لتعليق الذبايح علشان نذبح على كيفنا حسب الشريعة الاسلامية .. الامر هذا ممنوع هناك والذبح دايم في مسالخ مخصصة بس الرجال بعيد عن الرقابة وماعليه من أحد دام أن مسدسة على محزمه .. أنتهينا وحملنا ذبيحتنا وجيناك معودين على الهاي وي ( الطريق السريع ) وكنا صافقين الطبلون نبغى نلحق على الوقت قدامنا طبخ ونفخ ... طبعاً السيارة سبور وسريعة جدا هذي نفسها بحثت عنها بقوقل وطلعت نفس سيارتنا لايغركم ترى موديلة وقتها 1987 وسعره 5 الاف دولار يعني 18000 ريال بينما سعر الموستنق موديل ذيك السنة 12500 دولار يعني حول 45 الف ريال فضحتكم ياتوكيلات الجزيرة بصراحة أرخص شيء في أمريكا هي السيارات وقطع غيارها واحد جانا منتف وقدر يشتري سيارة بسعر 700 دولار يعني 2000 ريال بونتياك موديل 1988 وقعدت معه سنتين أحلى مايكون طبعاً غير السيارات هناك الاسلحة بسوقيها النظامي وغير النظامي تقدر تشتري مسدس بسعر 20 ريال وتقدر تجدع شوزن بسعر 30 ريال وهناك عرض دائم يتكرر لسيارات الكلاسيكية موديلات قديمة يقام بكل مكان ومهتمين بسياراتهم تقول جديدة وأنواع التمسيح تقول قطعة الماس ماهي قرمبع نرجع للقصة المهم من يوم مرينا من تحت هاك الكبري ما أنتبهنا أن فوقه دورية مرور ترى ماعندهم مرور الشرطة شغل كلو بس أقرب لكم المعنى المهم دعسوا ورانا ووقفونا جنب الخط كان بالدورية شرطي وشرطية وكان نظام الدوريات عندهم أذا وقفوا أحد يجب عليه عدم النزول من سيارته و الا سوف يتم أطلاق النار عليه وطبعاً أذا وقفوك لازم تقعد وقت قبل يجيك الشرطي لانه يستفسر عنك ويدور بالكمبيوتر الموجود بسيارته عن أي ملاحظات عليك .. حاجة ثانيه أذا السيارة الواقفه بها شخصين مثل حالتنا يقوم الشرطي بالنزول مع زميله ويحضر كل منهما مع جهه واحد من اليمين وواحد من اليسار وأذا كان الشرطي واحد والموقوفين مشتبه بهم يتم طلب دورية أخرى قبل نزول الشرطي وهذا نظام عندهم عاد خبركم كان يومها تفجيرات أوكلاهوما مالها شهر وكان المتهم فيها العرب قبل أكتشاف أن الفاعل أمريكي متطرف بعد تقريبا 10 دقايق نزل الشرطة وزميلته الشرطية وجونا كل واحد من جهه الشرطي راح لزميلي والشرطية جت من عندي طبعاً الشرطي لمزيد من الامان يقف بجانب الباب الخلفي ويطلب منك أثباتك وتعطيه أياه بمد يدك للخلف بطريقة عسكية وهذا الوضح القصد منه حماية الشرطي من أطلاق النار الوضع بالسيارة قبل يجونا الخروف بالشنطة السكاكين والساطور عند أقدامي ملطخه بالدم وملفوفه بفوطة بيضاء وفيها أثر دماء طبعاً أنا الراكب وزميلي الدرايفر قصدي السواق خبركم الترانس آم باب واحد والمنطقة قدامي وسيعة واللي يركب وراء مايقدر يتحرك وتقول حاط رجله بقوطي نيدو وملابسنا فيها لطخات دم متفرقه يعني تقدر تقول تونا ذابحين رجال ودافنينه بالبر قصدي الغابة جاء الشرطي وخذا أثبات زميلي وطبعأ الشرطية أخذت أثباتي وعلى ما مسكت أثباتي الله يجيركم شافت الدمان والفوطة المدمية والسكاكين والساطور و ماشوف الا اثباتي طاير بالهواء والشرطية تصيح ورفيقها مايدري وش السالفة وتراجع وكلهم أشهروا مسدساتهم وقاموا يصيحون علينا وماعاد نسمع الا أووووووت OUT أوووت يور كار يعني أطلع من السيارة وكلام بما معناه يدينكم مرفوعه المهم كانت لغتي لك عليها لكن رفيقي له وقت بأمريكا وصاير بلبل على قولت الناس وقام يقول لهم حنا ذابحين خروف شوفوه موجود بالشنطة طبعاً أثناء الربكة كان على متن كل شرطي جهاز والظاهر نادوا على أخوياهم وجتنا كل دورية بالمنطقة وصارت أزمه ولازم مركز بس سلمنا الله ماصار فيه حجز لان الشريف جاء وهو بمكانه رئيس الدوريات والظاهر قد مر بحالات مشابهة قعدنا ساعتين بالمركز وجانا الشرطي والشرطية وأعتذروا لنا وخروفنا بشنطة السيارة عاينه موظف مختص وقالوا أمشوا وعندما وصلنا البيت كانوا الشباب مع الضيف يستعدون للذهاب لمطعم أيطالي قريب ورحنا معهم علماً أننا علمناهم بالسالفة من المركز لان وقتها ماكان فيه وسائل أتصالات كالجوال وغيره وأن كان قد بداء أستخدامة بأمريكا على نطاق محدود ذلك الحين.. طبعاً كنا نروح للمزرعة دايم لذبح خروف كل فتره للثلاجة واحيانا كنا نتقاسمه 3 أو 4 أو 2 صحيح اللحم الحلال متوفر وموجود عندنا بقالات اسلامية لجاليات أيرانية وباكستانيه و لبنانيه لكن مايجيهم الا المضطر لانهم غالين فغير ربح المحل مضاف للسعر التالي :: 1ـ ضريبة الولاية 2ـ الضريبة الاتحادية الفيدرالية 3ـ ضريبه الفحص الطبي 4ـ ضريبة تعليب 5ـ ضريبة نقل وصار السعر كله ضرايب في ضرايب تمت ولله الحمد تبقت من قصص أمريكا قصة مباراة السويد والسعودية بكاس العالم بتكساس 1994 قصة الذي قتل الارنب وأنسجن قصتنا مع راكبي الدراجات النارية وقصص أخرى __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مساكن لنشاما الجيش والشرطة شامخة و بني... | محروم.كوم | منتدى أخبار المواقع والمنتديات العربية والأجنبية | 0 | 02-22-2010 08:00 AM |
موسيقى " قد الحروف " : لحن يتفوق على الكلام و على الحروف في بلاغته ! | محروم.كوم | منتدى أخبار المواقع والمنتديات العربية والأجنبية | 0 | 09-21-2009 03:30 AM |
أنا والشرطة والخمس مخالفات | ولــ الدوادمي ــد | استراحة قصص وابداعات الاعضاء | 14 | 08-30-2009 05:48 AM |
بداية قصتي كلمه . . وآخر قصتي أبيات | اشكي لمن منكم | شعر و خواطر | 6 | 04-11-2009 12:44 AM |
احتراق مدرسة مهجورة والشرطة تبحث عن الجناة | مغازلجي مسجون | اخبار محلية و عالمية | 15 | 01-24-2009 01:47 PM |