|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام علاكم ورحمة الله وبركاته
__DEFINE_LIKE_SHARE__
اعود اليكم مجددا بهذه السالفه بعنوان الحلال مايضيع في يوم من الايام سافرت الى الديره لحضور زواج وانتم خابرين الواحد لازم يتكشخ ويلبس لبس اللي يشوفه يقول هو العريس واخوكم راعي العجراء كاشخ ليله العرس وخر عن دربه غتره جديده وطاقيه جديده وثوب الدفه اما الملابس الداخليه ماغيرتها محد شايفها تحت الثوب والا هن صفر من السباحه بالقلبان تقول كيس اسمنت الى تمغطت اسمعهن يتفتقن ماكلهن الدهر المهم حضرت العرس مبسوط الى اخر قراط ماغار ادور بالحفل علشان الناس تناظر هدومي حتى العريس ماغار يبحلق بعيونه فيني من النغر الشي لو يشوف الفنيله والسروال كان يهج ويخلي العروسه المهم في الديره طايحن بطبع امحق بالمزح وهي تبديل الحذيان اعزكم الله ياتي الشخص بنعول قديمه متقطعه وياخذ بدالها الجديده ولا يعرف صاحبها وبعد مانتهاء العرس خرجت من البيت اللي فيه العرس دورت حذياني ماحصلتها تلفت يمين يسار بحثت عنها ولم اجدها وحصلت بدالها نعول تكرمون متقطعه ولبستها ومشيت رحت للدار عند واحد من اقربائي ويوم دخلت البيت ولا هذي نعولي موجودات بالبيت وش اللي جابها هنيا استغربت من ذلك اشوي يوم الشخص اللي ماخذها وجد انعوله اللي تاركها بالعرس حاضرات في البيت واستغرب وش اللي جابها لعل اللي ماخذها واحد من عيال راعي البيت اللي انا عنده مايدري عنها انها لي جديده وشفته يطالع بين الثنتين وعرفت انه هو اللي ماخذها واسكت ماقلت شي وحتى الان وهو يفكر وش اللي جابها ولايدري يوم جيت امشي من عندهم واخذ الجديده واتركه بهواجيسه والحلال مايضيع انتهت السالفه وعذروني على القصور وقبل الختام سبحانك اللهم وبحمدك لااله الا انت استغفرك واتوب اليك دمتم بخير وعافيه |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
راعي العجراء والذيخ | محروم.كوم | منتدى أخبار المواقع والمنتديات العربية والأجنبية | 0 | 01-16-2012 12:00 PM |
احد يطمنا عن راعي العجراء | محروم.كوم | منتدى أخبار المواقع والمنتديات العربية والأجنبية | 0 | 01-11-2012 10:10 AM |
عرس راعي العجراء | محروم.كوم | منتدى أخبار المواقع والمنتديات العربية والأجنبية | 0 | 09-26-2011 02:30 PM |
من سواليف راعي راعي العجراء (ثوب العيد والخياط الباسكتاني ) | محروم.كوم | منتدى أخبار المواقع والمنتديات العربية والأجنبية | 0 | 09-16-2011 02:10 PM |
من سواليف راعي العجراء (عزيمة القعوس لراعي العجراء ) | محروم.كوم | منتدى أخبار المواقع والمنتديات العربية والأجنبية | 0 | 09-10-2011 01:40 PM |