سالفة:زائر الليل..قوافي

محروم.كوم · #1 01-28-2012, 04:00 PM

السلام عليكم ورحمة الله وبركاته
حياكم ربي اخواني واخواتي وزوارنا الكرام

زائر زارنا بالليل دون دعوه او عزيمه !!وتسلى على خطف دجيجات الوالده حفظها الله ولم يرجع لنا عظمه او ريشه اختفت دون عوده
اطال الله بعمرها والدتي الغاليه لايمكن تخيم بالبر من غير ان تاخذ الدجاج ليعيش الطبيعه وللمزيد من الاطمئنان انه لم ينام دون عشاء..
مع اشراق الشمس نبدء الكر والفر مع الدجاج وين راحواللي تحت تانكي واللي منلفتزه بخيمه واللي حدر سياره واللي حدر الحطب وكل يوم ياميمتي وش تبين بها الدجاج تعبنا من ملاحقهم غير أذان الديك قبل الفجر يخلي الواحد ياقف على فراشه من الروعه وهو بعز نوموه او تجيك المدام دجاجه تبي تبيض ورى رواق الخيمه همن ..كككككككك تبيض انت ماباضت
قمنا الصبح وحده من السيدات مختفيه والثانيه ثاني يوم همن الثالثه ..
بالليل ولين نام الجميع وصار هدوء مع طفية الماطور في هذا الوقت احب الجلوس على اعلى مكان قرب الخيام وأكحل عيناي بالبهاء :fوبمره ما دريت إلا وبزائر الليل قرب الدجاج واختطف واحده وركض يالك من حرامي ياسيد حصني
بكره حطيت له تونه على جنب لعله ياكلها ويترك دجاج امي مافاد اكل التونه واخذ دجاجه وراح
بصراحه شكله حلو واعجبني ماودي يذبحونه لو درو ومن بكره بدل علبة تونه حطيت ثلاثه وقعدت بعيد اراقب من غير ولا حركه وكان الجو تجمد من شد البرد جا وأكل التونه وراح
قلت زين كلها يومين بحط له تونه ولا يظيق صدر امي على الدجاج وفعلاً حطيت ثاني يوم اربعة قواطي كبار واليوم اللي بعده كذالك ..
كنت احسب اني انا اللي اراقبه وهو ما يشوفني لكن اخر ليله اكل التونه والتفت للمكان اللي اقعد فيه من غير ولاحركه لين تجمدت وقعد يناظر ووقف يجي له نص ساعه يناظر بعيونه اللماعه ثمن راح والغريب انه يوم جينا نرجع الظهر واقف من بعيد وكأن الدور عليه يراقب حركتنا!!! فقررت افك له باقي علب التونه فقد اصبح رفيق مكان وربما صديق رغم انه حيوان..
تحياتي
اختكم
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:دوج ابو عبيد..قوافي	محروم.كوم	منتدى أخبار المواقع والمنتديات العربية والأجنبية	0	12-13-2011 07:30 AM
سالفة:ضبع الحديقه..قوافي	محروم.كوم	منتدى أخبار المواقع والمنتديات العربية والأجنبية	0	12-12-2011 10:30 PM
سالفة:سوق حلة القصمان.قوافي	محروم.كوم	منتدى أخبار المواقع والمنتديات العربية والأجنبية	0	10-20-2011 01:00 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM
سالفة:طير المدعى..قوافي	محروم.كوم	منتدى أخبار المواقع والمنتديات العربية والأجنبية	0	09-03-2011 01:10 AM