عدنا لكم بعد غياب **وقـصـه مـن المؤروث الِِشـعـبي **مـــحــمــد الـظـاهـري

محروم.كوم · #1 01-25-2012, 01:50 AM

بسم الله الرحمن الرحيم
السلام عليكم ورحمه الله وبركاته
اهلا ومرحبا فيكم اخواني الاعضاء ومشرفين وزوار
منتديات مـــــكشات
اجدد لقائي بكم من خلال قصصنا الشعبيه
وموروثنا العريق
واعذروني على الاطاله التي حصلت مني

واترككم مع السالفه

يقولون العرب من اول كان فيه واحد
من اهل بيوت الطين ويعتر حضري او متحضر
الرجال معطيه الله من الخير وتاجر في السمن وفي النحل ويروح للبدو من اول يشتر سمن وبقل او اقط وماغير هاذي المرات لئن يعشق بيوتالشعر ويحب حياتههم
والرجال يعرف اعلومهم ومنازلهم ويعرف الرياجيل
ونوبات يصادف لهم بدو شديد للمكان الفلاني
ويرافقهم ويتعرف عليهم
وزي ما قلت الرجال تاجر يشتري ويبيع
ويدين اهل البر ويبخص الرياجيل
ومرات يروح للديانه الي متسلفين منه ويجمع دراهمه
المهم صادف لهم بدو شديد جاين من ديرة مدري وين
وهو يباريهم ويمشي معهم وما غير يسولف ويضحك
ويوم جاء يوم ثاني والبدو ينزلون بهاك الصيهد
وهو معهم والناس قامت تتفرق وكل واحد يبني بيته
وهو يروح يم هاك القليب يبي يارد
ويشوف هاك البنت هاك الشقحا وهي مزيونه
وماكان يعرف ابوها او اخوانها
المهم بعد عشر ايام مشى الرجال يبي يروح لديرته
ويوم رجع لبيته وتعشاء ويوم اصبح الصبح
قام التاجر وسط الجرده ويسلم على قرايبه ويسئلونه وين غنايمك يا فلان قال غنايمي ان الله اراد اني اجيبه
وبعد شهر يرجع للبدو ويقابل البنت وعرف بيتها
وهو يروح لشيخ القوم ويشرحله السالفه
وقال انا ابيك تحطبها لي يا ابو فلان قال تم
وراح وخطبو وتتممت الزواج التاجر على البنت الي عشقها
ويوم رجع لديرته ومن كثر حبه زوجته سكنها في هاك القصر
ويجيب لها خدم ومدللها
وبعد مده قصيره البنت ما حبت العيشه
وحنت لديارها وكرهت بيوت الطين
وصارت هالبدويـه تحن لعيشتها قبل
وفي هاك الليل الي خلاص كرهت العيشه
وهي تخايل البرق يم جهت ديارها
وقامت من كثر حبها للبر وعشقها
قلبها يضيق وتبي الهواء هواء ديارها
وتبي اهلها وشديد وتبي المسراح في حلالها
قالت هالقصيـده**

من لقلب كن في داخله نار
نار لها بمصلفقات الهبايب
عسى وطنهم ما تسقيه الأمطار
حـــطون فيها والراس شايب
صكو عليه بين ضلعان وجدار مثل
الربيط اللي بعيد القرايب
يامن يدني لي من الزمل مذعار
اشقح من القعدان مشيه نهايب
أبا انحر دار شبابة النـــار
عمي وابويه ناطحين النوايب

وبعد القصيده بكم يوم درا زوجها تن البنت كرهت الحياة
ويعرف انها تبي عيشتها الاوله
راح وقال للبنت انا ماراح اضغط عليك ومن هالكلام
قالت الله يجزاك خير يابو فلان والله اني حنيت لهلي
قال ان شالله اذا اصبح الصبح انا بنفسي اوديك لديارك
وفعلاْ ودها وعززها واعطها من الدراهم وكم ناقه حفظ على مدرها
انتهت سالفتي
وان شالله انها تحوز لكم
واعذروني على الاطاله
هاذا ما اعرف عن القصه اذا كان فيه نقص او زياده
ارجو انكم تعذروني
وانتظروني في سالفه اجمل ان شالله
(وترقبو في خيمة الرحلات البريه)
عرق الابتر وعرق الابيتر وعرق لزام وعرق المظهور
والشامااات والصمان وخبةالشيبانيه

وتقبلو
تــــــــــــحــــياتي لكم مـحــــبــــكــم
مــــــحـــمد الــظاهــري
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عودة القناص بعد طول غياب (عدنا والعود أحمد)	محروم.كوم	منتدى أخبار المواقع والمنتديات العربية والأجنبية	0	10-13-2011 03:50 PM
الـــخـــلــوه ومـن طـرائـف الـقصـص الـمـؤروث الـشعـبيه ::مـــحــمــد الـــظـــاهـري	محروم.كوم	منتدى أخبار المواقع والمنتديات العربية والأجنبية	0	08-15-2011 08:00 AM
دبي: لقد عدنا .. بالطبع عدنا	محروم.كوم	منتدى أخبار المواقع والمنتديات العربية والأجنبية	0	10-03-2010 11:30 AM
قصه عشق اليتيم صالح ،،،، من الموروث	محروم.كوم	منتدى أخبار المواقع والمنتديات العربية والأجنبية	0	09-04-2010 07:10 AM
من الموروث الشعبي	محروم.كوم	منتدى أخبار المواقع والمنتديات العربية والأجنبية	0	06-05-2009 06:00 PM