مساعدة في تجهيز تاهو z71

محروم.كوم · #1 01-20-2012, 08:40 PM

السلام عليكم ورحمة الله وبركاته

صبح الله الجميع بالخير والمسرات....

طالب مشورتكم في تجهيزات بسيطه لجمس تاهو 2006 z71

ابغى تجهزات تكون جيدة للبر ...وتكسب السيارة خفه ومرونه

طبعا السيارة رفعة بلدها ....والكفرات نوعها ميشلان العادية...

مقاس 265/70/17

وما في امكانية لتغييرها حاليا ...لأن قريب مركبها وكان ودنا بافضل منها لكن ان شاءالله ما بتقصر معنا

فأطلب منكم من خلال خبرتكم خلال مروري بصفحات المنتدى ورؤيتها قلت بإذن الله تفدوني

بعد المقدمه
اذكر بعد المطلوب

1/ ترفيع السيارة ___ ضروري ولا لا ...وكم الانسب للأمامي والخلفي ..
علما الامامي من الياي أما الخلفي يحتاج رفعة او كت ...
علما تم تجربت السيارة بالبر وعلى قولتهم خليتها تطيح بالرمله وكان انزل شئ الدفرنس الخلفي وكان لاصق بالارض... فهل هالشئ يضره ولا الترفيع بيكون له حل ....

طبعا بدون مايسبب أي أعراض او مشاكل للسيارة ...

2/ ودي تكون السيارة خفيفه بالبر حيث أني احس انها ثقيله وهذا اعتقد بحكم انها جمس وممكن وزنه بيكون ثقيل
وممكن لأني متعود على الياباني العادي ...

فهل في حل لهذا الثقل وجعلها اخف

3/ استخدام القير ما هو الغيار الامثل استخدامه مع الدبل بالبر سواء مع الثقيل او الخفيف ..
تغييرات القير D- 3-2-1

4/ استخدام الزر اللي بالغيار تبع جر العربات ( البور ) هل له مضره اثناء استخدامه بالبر الرمله ولا لا وهو اللي يأخر تغيير النمر...

5/ عند استخدام الدبل الثقيل احيانا بترتفع درجة الحرارة وكذلك لو كنت معشق الريوس بترتفع الحرارة ..

اتمنى تفيدوني وتكسبوني من خبرتكم

وانا اللي موقفني على بعض التجهيزات هو الماده لأجل كذا نبغى شئ كويس ومتوفر ومايكون مكلف ...

ملاحظه بعض الامور بعرفها وعرفت بعضها من بعض الاخوان لكن قلنا بدنا نستفيد زيادة ونتأكد ونكسب خبره ممن سبقونا والانسان بحياته بيتعلم كل ساعه ويزيد والتكرار يعلم الشطار

خلال هذي اليومين ان شاءالله بغير زيت المكينه علما المر السابقه غيرته 20/50 .. والسيارة ماشيه حول 170 الف كيلو...ماشاءالله
لكن بحس بثقل في السيارة اثناء المشي وصوت المكينة مع الدعس الطبيعي من 100 وفوق بحس بصوتها عالي وهذا مزعجني مررره...

فهل اخلي على هذا النوع ولا ابدله ل 10/30....

زيوت الدفرنس والدبل والجربكس ...ماغيرتها مثل ماهي ولا زدت عليها تم فحصها وطلعت مضبوطه ...

فهل تحتاج لتغيير افضل (عارف انها تزاد فقط) فبقصد لو نفضيها ويبقى شوي ونزيدها جديد افضل ولا لا لأن ما ادري متى اخر مرة تم تغيييره

وكم تكلفني تغييراتها؟ لأن رحت مره لبترومين... وقالولي فوق 1000 ريال تكلف قلت لا خلاص بس ...

اتمنى تفيدونا وله الدعاء كل من فادنا وشاركنا

بإنتظاركم

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجهيز مخيم	محروم.كوم	منتدى أخبار المواقع والمنتديات العربية والأجنبية	0	11-05-2011 03:50 AM
مساعدة في تجهيز الجمســـ	محروم.كوم	منتدى أخبار المواقع والمنتديات العربية والأجنبية	0	08-24-2011 09:10 AM
تجهيز مراكز التجميل،تجهيز المشاغل،باجهزة الليزر الحديثه من فرنسا وعبر وكلائنا	محروم.كوم	منتدى أخبار المواقع والمنتديات العربية والأجنبية	0	02-03-2010 05:40 PM
تجهيز مراكز التجميل،تجهيز المشاغل،باجهزة الليزر للتجميل	محروم.كوم	منتدى أخبار المواقع والمنتديات العربية والأجنبية	0	01-31-2010 03:20 PM
تجهيز مراكز التجميل،تجهيز المشاغل،تجهيز عيادات التجميل باجهزة الليزر لازالة الشعر،	محروم.كوم	منتدى أخبار المواقع والمنتديات العربية والأجنبية	0	01-28-2010 04:50 AM