مهم جدا البنات و الشباب الشباب اهم وووايد ( تزوجتي و ريلج اكتشف كنتي عا علاقه بواحد ) - الصفحة 3

محرومين · 01-02-2012, 12:15 AM

كل انسان له قصة حب و ما فيها شي اذا ما خذت الحب مالها ..الزواج نصيب ..!

وريلها ما يقدر يقولها شي لانه كان قبل الزواج و هي ما غلطت لان الحب هب غلطه و ريلها اكيد بعد له قصه حب مع غيرها ..

و ما اعتقد ان اللى كانت تحبه يقول لريلها انه كانتله قصه حب مع حرمته ..>.<! هالشي مستحييل اذا قال له هذا ما يعتبر حب..ّ! __DEFINE_LIKE_SHARE__

..بـو قحيــــط.. · 01-02-2012, 12:54 AM

المشاركة الأصلية كتبت بواسطة * شيخة البنات *

تسلمون يا البنات عا ردودكم و تسلم بو قحيط

بس يا حبايبي في ناس تحاسب عا الماضي و الحاظر

لو في ناس مثل عقليتكم ما بتكثر سوالف الكلاق

لانه معضم سوالف الطلاق تختص بها الموضوع

لا تحرموني من طلتكم الحلوه

.
.
بروحج يا إختي قلتيها !!! في ناس تحاسب على الماضي...وهاذول الناس غلطانيين ويبالهم توعيه ووازع ديني...وعقل راجح...وخل يعرف هذا الي يطلق مرته على هالسبب ويضربها إن في أشياء تنحل بالعقل...ومثل ماغلطت هي إنته بعد غلطت...
.
. __DEFINE_LIKE_SHARE__

ملاك الدوله · 01-11-2012, 04:48 PM

اللي يصير والواقع المرريير طبعاا
ان الريااال لاااااااااااازم يقلب السالفه على راسها وراس اهلهااا
وبسب فتربيتها وجي .... الا من رحم ربي

والبنت القطوه المسجينه >>عيالي بيتي كيف اهدهم ..عشان عيالي كل شي يهووون

......

بس برأي كبنت... ما اتوقع ابداان هالشي ممكن ياثر فياا لان مافي حد بهالدنيا كاامل

واي انسان ممكن يغلط ..وبعدي الموضوع مب عشان عيالي ولا بيتي ..عشان ريلي نفسه لان

بتظل له معزة صعب اهدهاا بيوم وليلة والمفروض امسك ايدة وخلي علاقتنا ادوم بحلال ربي

مب اتركه واخليه يرجع لخرابيط الماضي ... __DEFINE_LIKE_SHARE__

قانونية دبي · 01-12-2012, 01:13 PM

السلام عليكم والرحمه ..

بالبدايه احب اشكرج على طرح لموضوع مثل هذا ..

لانه بالفعل هذا الي صاير هالايأم !!

انتي طرحتي سؤالين ههه بس لخبطينا شوي ..

بخصوص سؤالج الأول ..

*

اذا انتي صارلج ها الموقف شو بتسوين و كيف بتبررين موقفج

ببره على أني كنت بأيام مراهقه .. وعقلي صغير .. وكل أنسان ما يخلو من الأغلاط والعيوب .
والكمال لله .. لكن الغلط ما يستمر لابد أنه يتعدل .. وطبعا لكل شيء له حدود كأن ..

وبخصوص سؤالج الثاني ..

*

و انتي يا البنت اذا ريلج كان عا علاقه بوحده مع الايام عرفتي شو ردة فعلج

الزوج ما بيطالع وحده ثانيه الا وحده من الهنتين ..

1 ـ فاقد شي من حرمته .. ويبي يعوضه من شخص ثاني ..
2ـ عيونه زايغه ومايحب يستقر على شي واحد ..

بحاول اعرف هو من أي فئه.. إذا كان من الفئه الاولى ..
بحاول اعرف انا في شو حارمنته .. وشو الي ناقصنه .. واعدل من عمري
..

لكن إذا كان من الفئه الثانيه .. بحاول بأقرب فرصه أطلب الطلاق ..
لأنه هذا يشكل خطر علي وعلى عيالي الي راح ياخذونه قدوه لهم ..

أنا ما اعرف اذا بالغت وايد .. بس لأني ادرس قانون .. هههه فلازم شوي أتفلسف ..
احب اشكرج مره ثانيه على الموضوع الحلو .. وخلينا نشوف يديدج حبوبه ^_^ __DEFINE_LIKE_SHARE__

Miss FyoOnkah · 02-03-2012, 07:36 PM

انا اقول انه
دام الانسان اخطا فلماضي وندم .. وانصلح حاله واتزوج .. هذا يدل انه بدأ حياة يديدة
مع انسانه يديده

والي صار صار ..
شي فلماضي ليش نعيده ونتذكره فلحاضر ؟
الرجل المتزوج العاقل ما يتكلم عن حرمته جدام ربعه لانه يغار عليها و يخاف عليها .. مب اي انسان يقول له حرمتي جي جي و عيالي جي جي

تقبلي مروري ^^ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نسيج \| الدير \| تواجد للمخابرات ويبحثون عن جلسات الشباب . #4	محروم.كوم	منتدى أخبار المواقع والمنتديات العربية والأجنبية	0	12-02-2011 04:11 AM
«عبد الكريم» أساء إلى التحكيم واستهزأ بنادي الشباب	محروم.كوم	منتدى أخبار المواقع والمنتديات العربية والأجنبية	0	03-17-2010 03:00 AM
البنات أذكي من الشباب	♕ وليد الجسمي ♕	الطلاب والتعليم والجامعات	18	11-15-2008 03:56 PM